नेपाली कांग्रेसका सभापति सुशील कोइराला प्रधानमन्त्रीमा निर्वाचित भएका छन | व्यवस्थापिका संसदमा हाल कायम रहेको ५७१ सभासद मध्ये ४०५ मत प्राप्त गरेर कांग्रेस सभापति सुशील कोइराला प्रधानमन्त्रीमा निर्वाचित भएका हुन्  ।
पिता बोधप्रसाद र माता कुमुदनी कोईरलाका ९ जना सन्तानमध्येका साईला छोरा हुन् शुसील कोईरला । जन्मकुण्डली हराएकोले उनको वास्तविक जन्ममिति कहिले हो त्यसको जानकारी कसैलाई छैन,तर विद्यालयमा भर्ना हुनेबेला उनको अन्दाजमा जन्ममिती वि।सं १९९४ माघ २१ गते बिहीबार राखिएको थियो । विराटनगरमा जन्मिएका कोईरालाको बाल्यकालको केही समय त्यही बित्यो ।त्यसपश्चात कञ्चनपूर हुदै नेपालगञ्ज पुगेर उनले प्रारम्भिक शिक्षा पूरा गरे । उनले हाईस्कुल पढ्न थाल्दा देशमा राणाविरोधी क्रान्ति अन्तिम चरणमा पुगिरहेको थियो । सानैदेखि विपी कोईरालाको परिवारसंग निकटता भएकोलेपनि उनमा विपीको ठूलो प्रभाव परेको थियो । त्यसैले सानैदेखि उनी राणविरोधी आनदोलनका पर्चा पम्प्लेटहरु बाड्दै हिड्थे ।
२००७ सालको क्रान्तिपछि अध्ययनका लागि उनी बनारस पुगे । उनले बि।ए। पास गर्ने तयारी गर्दैगर्दा नेपालमा राजा महेन्द्रले कु गरेर प्रजातन्त्रको चीरहरण गरे । नेपालमा विपी कोईराला लगायतका नेताहरु पक्राउ परेपछि शुसीलले भारतमा नै पञ्चायतविरोधी क्रियाकलापहरु सञ्चालन गरिरहे । पञ्चायतकालमा विमान अपरण गरेको आरोपमा उनले लामो समय भारतमा जेलसजाय भोगेका थिए । २०३६ सालको जनमतसंग्रह हुनुभन्दा १५ दिनअघि मात्रै उनी स्व।गिरिजाप्रसाद कोइएरालासंग नेपाल फर्किएका थिए ।२०४२ सालको सत्याग्रहमा पनि पटकपटक जेलनेल भोगेका शुसील कोईराला त्यसअघि नै २०३५ सालमा नेपाली काँग्रेसको केन्द्रिय सदस्य भईसकेका थिए । विपी कोईरालको निधनपश्चात पार्टीको कामका सिलसिलामा विदेश भ्रमण जानुपर्दा उनले आफ्नो जग्गासमेत बेचेर खर्चको जोहो गरेका थिए ।२०४८ सालको आम निवार्चनमा बाके क्षेत्र नम्बर २ बाट निर्वाचित भएपनि उनी कहिल्यैमन्त्री भएनन् । परराष्ट्रमन्त्री बन्नका लागि पार्टीका शीर्ष नेताहरु गणेशमानसिंह,कृष्णप्रसाद भट्टराई र गिरिजाप्रसाद कोईरालाको आग्रहलाई उनले अस्वीकार गर्दै पार्टीको कामका लागि आजीवन क्रियाशील हुने प्रण गरेका थिए । २०५१ को झापा महाधिवेशनपश्चात काँग्रेसको विदेश विभाग प्रमुख भए । त्यसपश्चात २ पटक महामन्त्री बनेका कोईराला उपसभापति, कार्यबाहक सभापति हुदै हाल काँग्रेसको निर्वापचित सभापति समेत बनेका छन् ।नेपाली काँग्रेसभित्र निष्ठाको राजनिती गर्ने र त्यागी नेताका रुपमा उनले आफूलाई सधै प्रस्तुत गर्दै आईरहेका छन् । हालसम्म कुनैपनि लाभको पदधारण नगरेका कोईराला सभापतिमा बिजयी हुनको लागि पनि उनको निष्ठावान् र त्यागी छविले नै सहयोग गरेका उनलाई बुझ्नेहरुको भनाई छ । शुसील कोईरालाले संगठनभित्र धेरै विवादहरुको सामनासमेत गरेका छन् । कोठे राजनिती गर्ने,गुटमा विश्वास गर्ने र भातृसंगठनहरुमाथि अनावश्यक हस्तक्षेप गर्नेगरेको आरोप उनलाई पार्टीभित्रबाटै लागिरहेको छ ।१२ औं महाधिवेशनबाट पार्टी सभापतिमा निर्वाचित भएका सुशील कोइराला २०७० सालको संविधानसभा निर्वाचनमा बाँके र चितवनबाट निर्वाचित भएका हुन् । प्रधानमन्त्री उम्मेदवारका लागि एकल मनोनयन परेपछि उनले सवै दललाई मिलाएर सरकार गठन गर्ने बताएका थिए । पत्रकारहरुसँग कुरा गर्दै उनले एमाले, एमाओवादी सहित साना दललाई समेत सहभागि गराएर सरकार गठन गर्ने स्पष्ट पारेका थिए ।

नेपाल चिकित्सक संघले सर्वोच्च अदालतको फैसलाको सम्मान गर्दै ईमर्जेन्सी सेवा सूचारु राख्ने जनाउँदै सरकारबाट बल प्रयोग भए सामूहिक राजिनामा गर्ने चेतावनी दिएको छ ।मंगलबार नेपाल चिकित्सक संघका महासचिव डा. मुक्तिराम श्रेष्ठद्वारा जारी विज्ञप्तिमा भनिएको छ, ‘सम्मानित सर्वोच्च अदालतले दिएको आदेशलाई उच्च सम्मान गर्दै अत्यावश्यक स्वास्थ्य सेवाहरु ईमरजेन्सी सेवाबाट प्रदान गर्न गराउन नेपाल चिकित्सक संघ सम्बन्धित सबैमा हार्दिक आहृवान गर्दछ ।’सर्वोच्च अदालतले हिजो संघ अध्यक्ष अन्जनी झासहित १५ जनाको नाममा अन्तरिम आदेश जारी गर्दै आदेश प्राप्त भएको १ घण्टा भित्र स्वास्थ्य सेवा सूचारु गर्न निर्देशन दिएको हो । संघले अनशनरत डा. गोविन्द केसीको समर्थनमा देशभर स्वास्थ्य सेवा ठप्प पार्ने निर्णय गरेको थियो ।‘आमरण अनसनमा बसेका प्रा. गोविन्द के.सी.को जीवन रक्षार्थ गरिएका सम्पूर्ण प्रयासहरुबाट स्वास्थ्य सेवामा पर्न जाने असुविधाप्रति संघ गहिरो दुःख व्यक्त गर्दछ,’ श्रेष्ठको वक्तव्यमा भनिएको छ, ‘उक्त कदमबाट सिर्जना हुने कुनै पनि अपि्रय कार्यको जिम्मेवारी नेपाल सरकार नै हुने नेपाल चिकित्सक संघको ठहर छ ।

मातातिर्थ–६ बस्ने ६० बर्षीय सानुकाजी तामाङलाई हत्या गरेको अभियोगमा निजको कान्छी श्रीमती पूर्ण लक्ष्मी तामाङ र मातातिर्थ–९ लोङकोट बस्ने २२ बर्षीय बिशाल तामाङलाई महानगरीय प्रहरी अपराध महाशाखाका प्रहरीले पक्राउ गरी आज पत्रकार सम्मेलन मार्फत सार्वजनिक गरेको छ । पुस २२ गते ०२ः०० बजे  मातातिर्थ–६ ढाक्सीङ जंगलको बाटो नजिक सानुकाजी ता
माङलाई खुर्पा तथा लठ्ठीले शरीरको माथिल्लो भागमा प्रहार गरी हत्या गरी लासलाई तरुल खनेको खाल्टोमा स्याउलाले छोपी राखेको अवस्थामा लास फेला परेको थियो । पुस २१ गते मृतक सानुकाजी र निजको श्रीमतीको बीचमा आचरणको बिषयलाई लिएर विवाद भए पश्चात पूर्णलक्ष्मी तामाङ रिसाई घरबाट बाहिर गएकी र मृतकले खोजतलास गर्ने क्रममा घरबाट अंदाजी २ सय मिटर तलतिर जंगलको बाटोमा बिशाल तामाङसंगै पूर्णलक्ष्मी तामाङ फेला परेकोमा सोही ठाँउमा उनीहरु तीन जनाबीच बादविवाद सुरु भई बिशाल तामाङले घाटी थिची लडाई दाउराको चिरपट तथा खुर्पाले टाउको तथा गालामा प्रहार गरी निजको हत्या गरेको अनुसन्धानबाट खुल्न आएको छ ।  फरार रहेकोमा उनीहरुलाई पुस २२ गते ०२ः०० बजे महानगरीय प्रहरी बृत्त थानकोटको सहयोगमा महानगरीय प्रहरी अपराध महाशाखाको बिशेष टोलीले पक्राउ गरेको थियो । यस सम्बन्धमा प्रहरीले अन्य थप अनुसन्धान गरिरहेको छ 

कलाकार निर शाहले व्यक्तिको स्वतन्त्रताको सम्मान काँग्रेसले बाहेक अन्य पार्टीले गर्न नसक्ने दावी गर्नु भएको छ। उहाँले आफू जिवन प्रयत्न नै काँग्रेस भएको भन्द्यै शाहले काँग्रेसले नजितेमा संविधान पनि नबन्ने र मुलुकमा राजनीतिक स्थिरता पनि कायम नसक्ने वताउनुभयो ।शाहले काँग्रेसले बुहमत ल्याएमात्रै संविधान बन्न सक्ने भएकाले आफूले सवै चलचित्रकर्मीलाई लिएर अभियनाकै रुपमा काँग्रेसलाई जिताउन आजैवाट देशव्यापीरुपमा लाग्ने वताउनुभयो ।काठमाण्डौ क्षेत्र नम्बर १ का उम्मेदवार समेत रहनु भएका नेपाली काँग्रेसका महामन्त्री प्रकाशमान सिंहको चुनावी अभियानको कार्यक्रममा मंगलवार काठमाण्डौको अनामनगरमा भएको घरदैलो कार्यक्रमपछि आयोजित कार्यक्रममा उहाले यस्तो बताउनु भएको हो ।मुलुकमा लोकतन्त्रको सम्मना काँग्रेसले मात्रै गर्न सक्ने भन्दै उहाँले काँग्रेसलाई जिताउन सबै लाग्नु पर्नेमा जोड पनि दिनुभयो । कार्यक्रममा बरिष्ठ कलाकार मदनदास श्रेष्ठ, गीतकार किरण खरेललगायतका कलाकारहरु पनि सिंहको चुनावी अभियान अन्तर्रगत घरदैलो कार्यक्रममा सहभागी भएका थिए ।

 बिहे भएर घर आएको रात दुलाहा सुतेको कोठा नचिन्दा बेहुलीले अर्कै युवकसँग रात बिताउनु परेको छ |यो खबर हो चीनको । आफ्नो दुलाहा सुतेको कोठा जाने बेलामा भुलबस उनी अर्कै कोठामा छिरिन् । रातभर सोही कोठामा सुतेको युवकसँगै सुतेपछि बिहान पख उज्यालो भएपछि मात्र उनले त्यो युवक आफ्नो लोग्ने नभएको भनेर थाहा पाइन् ।समाचार अनुसार गुआंग्जी प्रान्तस्थित नापो क्षेत्रमा यस्तो घटना भएको हो । हुआंग थर भएकी ती युवती बिहे गरेर लोग्ने घर गएकी थिइन् ।लोग्नेको  घरमा पार्टीको आयोजना गरिएको थियो र पार्टीमा धेरै मानिस समेत आएका थिए । रात परेसँगै सुत्ने तरखर भयो । उनी सुत्नुभन्दा पहिले बाथरुम गइन् । बाथरुमबाट फर्किँदा उनले आफ्नो खोपी भएको कोठा भन्ठानेर अर्कै कोठामा छिरिन् । उनलाई त्यो आफ्नो खोपी नरहेको र त्यहाँ आफ्नो लोग्नेको साथी सुतेको कुरा थाहा थिएन । त्यहाँ आफ्नै लोग्ने सुतेको होला भनि ढुक्कसाथ उनी पसिन् र सुतिन् । बिहानपख ब्यँझिनासाथ उनले बल्ल त्यो केटा आफ्नो लोग्ने नभएको चाल पाइन् र चिच्याउँदै कोठाबाहिर निस्किइन् ।
ती महिला गुहार माग्दै र आफुमाथि बलात्कार भएको भन्दै रुँदै कराउँदै बाहिर निस्किएकी थिइन् । साथीकी बेहुलीसँग रात बिताउन पाएर मख्ख भएका रुआन नामका युवक भने आफुले कुनै अपराध नगरेको बताउँदै थिए । तर सबै गाउँलेले ती युवकले जानीजानी बेहुलीसँग सुतेको भन्दै २० हजार युआन क्षतिपूर्ति दिनुपर्ने निर्णय गरे । युवकले भने आफुसँग त्यत्रो पैसा नभएको र आफुले कुनै कसूर नगरेको भन्दै पैसा तिर्न मानेनन् । बलात्कृत भएँ भन्ने नव विवाहित युवती र उनको लोग्नेले त्यो विषयमा पुलिसमा उजुरी गरे । स्थानीय एक अदालतमा मुद्दा पनि चलाएयो र अदालतले साथीको बेहुलीसँग रात बिताउने ती युवालाई सफाइ दियो |

 अख्तियार दुरुपयोग अनुसन्धान आयोग संवैधानिक निकाय मानिन्छ । जसले पदीय दुरुपयोग गर्नेमाथि मुद्धा चलाउने गर्छ । तर अख्तियार प्रमुख लोकमानसिंह कार्कीले नै राष्ट्रसेवक प्रहरीलाई आफ्नो खुट्टा धुन लगाएर आफ्नो र अख्तियारको मात्रै होइन, नेपाल प्रहरीको समेत बेइज्जत गरेका छन् । सुरक्षासहित गोरखामा रहेको गोरखकाली मन्दिर दर्शन गर्न जाने क्रममा अख्तियार प्रमुख कार्कीले मन्दिरको ढोकामा प्रहरीलाई खुट्टा धुन लगाएका थिए ।दसैंको अष्टमीका दिन सुरक्षाकर्मीको दलबल सहित गोरखा पुगेका कार्कीले खुट्टा धोइदिने प्रहरीको ढाडमा समातेर उभिएका थिए । लोकमान पत्नी र छोरी लिएर आएका थिए। अख्तियारकै डिआइजी विरेन्द्रवावु श्रेष्ठ पनि साथैमा थिए। श्रेष्ठ गोरखाकै स्थायी बासिन्दा पनि हुन्।  कार्कीलाई त्यहाँका प्रमुख जिल्ला अधिकारी र प्रहरी प्रमुखले स्वागत गरेर गोरखा दरबार पुर्‍याएका थिए ।
मन्दिर दर्शन जाने क्रममा जुत्ता खोलेपछि कार्कीले उनकै सुरक्षाका लागि खटिएका एक प्रहरीबाट खुट्टा धुन लगाएका हुन् ।

सामाजिक सञ्जालका माध्यमबाट चुनाव प्रचारप्रसारका लागि कांग्रेसले प्रत्यक्ष तर्फका ८० उम्मेदवारको फेसबुक एकाउन्ट खोलेका छन् सामाजिक सञ्जालको प्रभाव बढी हुने भएकाले सबै उम्मेदवारले इमेल र फेसबुक एकाउन्ट खोल्ने अभियानअन्तर्गत ८० जनाजतिको फेसबुक एकाउन्ट खोलेको हो ।कांग्रेसको पक्षमा जनमत बढाउन पार्टी कार्यालयले छुट्टै आइटी सेक्सनमार्फत प्रचारको यस्तो शैली थालिएको नेता दीपकुमार उपाध्यायले जानकारी दिए। ‘बढ्दो सामाजिक सञ्जाल र प्रयोगपछि चुनावी प्रचारलाई उपयोगी बनाउन फेसबुक एकाउन्ट खोल्नेदेखि पेजसमेत बनाइएको हो,’ उपाध्यायले भने,यो समाचार नया पत्रिका दैनिकले छापेको छ |

 नेपाल विद्युत्त प्राधिकरणको पावर व्याकअपका रुपमा रहादै आएको कुलेखानी जलाशय भरिन अब ८५ सेमि बाँकी छ । असोजमा पनि लगातार वर्षात भएकाले सञ्चित पानीको सतह बढेपछि लोडसेडिङ कम हुने विश्वास प्राधिकरण अधिकारीले गरेका छन् ।जलाधार क्षेत्रमा सोमबारदेखि बुधबार विहानसम्म वर्षात भएकाले कुलेखानी भरिन लागेको हो । बिहीबार दिउसोसम्म कुलेखानी जलाशयमा १ हजार ५ सय २९ दशमलव १५ सेन्टिमिटर पानीको सतह रहेको छ । जलाशय भरिन अब ८५ सेन्टिमिटरमात्र बाँकी छ |
कुलेखानी जलाशयमा १ हजार ५ सय ३० मिटर पानी अट्ने क्षमता छ । विद्युत्त प्राधिकरणका एक प्राविधिकले कुलेखानी भरिनै लागेका यो वर्ष गत वर्ष जस्तो लोडसेडिङको मार व्यहोर्नुनपर्ने बताए ।
जलाशय भरिएपछि मात्र कुलेखानी सञ्चालनमा ल्याउने सोचमा विद्युत्त प्राधिकरण रहेको छ । ‘बुधबार र विहीबार मंगलबारको जस्तै वर्षात भएको भए विहीबार दिउसोसम्ममा जलाशय भरिन्थ्यो’, कुलेखानी प्रथमका प्रमुख रामकुमार यादवले भन्नुभयो, ‘अब एक दुई दिनमा जलाशय भरिन्छ । यो समाचार कान्तिपुर दैनिकले छापेकोछ ।

अमेरिकाको लस एन्जल्समा एक ट्वाइलेट रेष्टुरेन्ट संचालनमा आएको छ । म्याजिक रेष्टरुम क्याफे नामको उक्त रेष्टुरेन्ट अमेरिकाको पहिलो शौचालय रेष्टुरेन्ट हो । उक्त रेष्टुरेन्टका सबै चिजबिज तथा खानेकुरा शौचालयकै अवधारणामा आधारित छन् । तर त्यो साँच्चीकै शौचालय भने होइन अर्थात् त्यहाँ दिसापिसाब भने गरिँदैन र दिशा गर्ने भाँडोमा बस्ने र खाने गरिन्छ ।अझ रोचक कुरा त के भने त्यहाँका खानाका परिकारका नाम पनि घिनलाग्दा अर्थात् दिसा पिसाबकै प्रकार छन् । सुनौलो लिँडे भात, कालो लिँड, गन्हाउने लिँड, दुइ नम्बरको रगते जस्ता नाम दिइएको छ खानेकुरालाई । त्यहाँ खानेकुरा पनि ट्वाइलेटमै प्रयोग हुने भाँडोमा पस्किइन्छ र कमोटमाथि बसेर खानुर्छ ।चिनीया व्यवसायी यो यो ली ले उक्त शौचालय रेष्टुरेन्ट खोलेका हुन् । त्यस्तै ट्वाइलेट रेष्टुरेन्टले चीन र ताइबानमा निकै लोकप्रियता कमाएपछि उनले अमेरिकामा पनि खोलेका हुन् । लस एन्जल्सको यो ट्वाइलेट रेष्टुरेन्ट अक्टोबर ११ का दिनदेखि विधिवत रुपमा संचालनमा आएको छ तर यसको औपचारिक विशेष उद्घाटन यो महिना



को अन्त्यतिर हुने बताइएको छ ।

हिमालय क्षेत्रमा पाइने भनिएको रहस्यमयी जीव 'यति' भालुको प्रजाति भएको एक बेलायती अनुसन्धानकर्ताले दाबी गरेका छन् । लन्डनस्थित अक्सफोर्ड विश्वविद्यालय मानवीय आणुवंशिक अनुसन्धानका प्राध्यापक ब्रायन स्काइजले उक्त जीव प्राचीन ध्रुवीय (पोलार) भालु र खैरो भालुको वर्णशंकर प्रजाति मात्र भएको अनुसन्धान निष्कर्ष सार्वजनिक गर्दै यस्तो दाबी गरेका हुन्।
धेरै वर्षदेखि पर्वतारोही र स्थानीयले हिमाली क्षेत्रमा मानिसजस्तो अनौठो जीव 'यती' सँग जम्काभेट भएको दाबी गर्दै आए पनि ठोस प्रमाण नहुँदा हिममानव हिमाली क्षेत्रको रहस्यमै थियो।प्राध्यापक स्काईजले हिमालयन क्षेत्रको पश्चिमी क्षेत्रमा पर्ने उत्तर भारतको लद्दाख र भुटानबाट हजार किलोमिटर पूर्वी क्षेत्रमा भेटिएको अज्ञात जनावरको रौको डीएनए परीक्षण गरेका थिए । त्यसबाट प्राप्त नतिजालाई उनले आफूसँग सुरक्षित सबै डीएनए परीक्षणका नतिजासँग तुलना गरेका थिए ।
यस्तो गर्दा हिमाली क्षेत्रमा भेटिएको रौको डीएनए नर्वेको प्राचीन ध्रुवीय भालुको चिउडोको डीएनए नतिजासँग मेल खाएको उनको प्रतिवेदनमा भनिएको छ । ध्रुवीय भालु ४० हजारदेखि एकलाख २० हजार बर्षपहिलोसम्म अस्तित्वमा थिए । त्यो बेला ध्रुवीय भालु र खैरो भालु भिन्न प्रजाति बन्दै थिए ।
लद्दाखमा भेटिएको रौ ४० बर्ष अघि शिकार गरिएको जनावरको अवशेषको रुपमा फेला परेको र भुटानमा भेटिएको रौ भने एक चलचित्र निर्मार्ताले १० बर्ष बासको झारीमा फेला पारेका थिए । स्काईजले यो नतिजा एकदमै आश्चर्यजनक भएको बताउँदै नतिजालाई व्याख्या गर्नको लागि थप अनुसन्धानको खाँचो रहेको बताएका छन् ।

नायक आर्यन सिग्देलले प्रेमिका सपना भण्डारीसँग इन्गेजमेन्ट गरेका छन् । पाँच बर्ष लामो प्रेमपछि उनीहरुले इन्गेजमेन्ट गरेका हुन् | बिहीबार दिउँसो एक बजे पुरानो बानेश्वरस्थित सिद्धार्थ फुडल्यान्डमा आर्यनले प्रेमिका सपनासँग औठी साटासाट गरी इन्गेजमेन्ट गरेका हुन् । फिल्म 'महसुस' को प्रेसमिटमा सपनासँग पहिलोपटक सार्वजनिक भएका आर्यनले त्यसको  केही महिनापछि नै टीकाटाला गरेका छन् ।दुई घन्टा लामो इन्गेजमेन्टपछि आर्यनले समझदार र राम्रो स्वभाव भएकी सपनालाई जीवनसंगिनीको रूपमा पाउन लागेकामा खुसी लागेको बताए । सुट पाइन्टमा ठाँटिएका आर्यनले साडीमा सजिएकी  सपनालाई एक सयभन्दा बढी आफन्त र साथीभाइसामु दुबोको माला एकले अर्कालाई लगाई औंठी साटेका हुन् । विवाहको मिति तय भइनसके पनि पारिवारिक स्रोतले भ
ने वैशाखमा हुने बताए । 

पुरुषहरुमा मोटोपना बढ्दै गएपछि पुरुषका स्तनको आकार समेत बढ्दै गएको र छाति निकै लत्रिँदै गएपछि दुइजना बेलायती डिजाइनरले पुरुष ब्रा को डिजाइन गरेका छन् ।
 यसले मोटे केटाहरुको छातिलाई कस्नेछ र वक्षस्थल लत्रिन दिनेछैन ।
एस भुन्नु र रिकी रोबिन्सनले बनाएको यो पुरुष ब्रा को मूल्य निकै चर्को छ । यसको मूल्य बेलायतमा २९.९९ पाउण्ड तोकिएको छ । यो ब्रा लाई खुकुलो र कसिलो दुबै रुपमा लगाउन सकिनेछ ।
यो पुरुष ब्रा को नाम फुंकीबोड मसल टप्स राखिएको छ । यसले पुरुषमा मोटोपनाबाट थपिएको तनाव कम गर्ने र आत्मविश्वास वृद्धि गर्ने दाबी भुन्नुको छ ।

काठमाडौँ, १४ भाद्र- काठमाडौं जमलस्थित ज्योति भवनमा आज आगलागी भएको छ । आगलागीबाट भवनमा रहेको नेपाल बैंक लिमिटेडको शाखा पूर्ण रुपमा क्षति भएको छ भने ग्राण्डी सिटी क्लिनिकमा सामान्य क्षति पुगेको छ । नेपाल बैंकको शाखाबाट विहान करिव ८ बजेदेखि शुरु भएको आगलागी नियन्त्रणमा ल्याउन झण्डै डेढ घण्टा लागेको थियो ।एक्कासी आगालागी भएपछि क्लिनिकमा रहेका ४ जना नर्सहरुलाई सकुसल बाहिर निकालिएको थियो । राससका अनुसार आगलागीबाट बैंकका अधिकांश कागजात, फर्निचरलगायत अन्य सरसामग्री जलेर नष्ट भएका छन् । बैंकको नगद लकर र अति महत्वपूर्ण कागजात भने सुरक्षित रहेको बुझिएको छ । आगो नियन्त्रणका लागि काठमाडौं, ललितपुर र भक्तपुरका बारुणयन्त्रका अतिरिक्त नेपाली सेना र नेपाल प्रहरीका खानेपानी टयाङ्कीहरूसमेत प्रयोग गरिएको थियो ।सम्भावित क्षतीबाट जोगाउन भवनमा रहेका हिरो र होण्डा ब्राण्डका मोटरसाइकल तथा स्कुलर बाहिर निकालिएको थियो । मोटरसाइकल भएको शो-रुममा भने कुनै क्षति भएको छैन् । केन्द्रीय प्रसारणको विद्युत लाइन बन्द हुनासाथ आगलागी सुरु भएको हुनाले यूपीएस पडि्कएको हुनसक्ने सुरक्षा गार्डहरुले बताउछन ।

भानुभक्तको जन्म धनञ्जय आचार्य र धर्मावतीदेवीका पुत्रको रूपमा तनहूँको रम्घामा विक्रम सम्वत १८७१ असार २९ गते भएको थियो ृ३े। बाजे श्रीकृष्ण आचार्यबाट शिक्षा पाएका यिनले एउटा घाँसीको घाँस काटेर पाटी पौवा बनाउने इच्छाबाट केही न केही गरी नाम कमाउने प्रेरणा पाएका थिए भन्ने भनाइ छ।
१९५ वर्षअघि उदाएका नेपाली बाङ्ग्मयका ज्योति भानुभक्त आचार्य राणाकालीन संकटपूर्ण, अस्थिर वातावरणभित्र रामको आदर्श सृष्टि गर्ने एक मार्गदर्शक हुन्। मनुष्य जीवन र सम्पूर्ण संसारका प्रतीक रागीवन र मृत्युका प्रतीक रामको राजमहलबाट वनबास यात्रा लोकहितका निम्ति जस्तो पनि काम गर्नुपर्छ भन्ने आदर्श उनले प्रचार गरे। हजारौ वर्षदेखि पूर्वीय जगत्मा उपजीव्य बनेको प्रतिनिधि ग्रन्थ रामायणको नेपालीमा पुनर्जन्म गराउन सफल भए भानुभक्त।
नेपाली जगत्मा एकैपल्ट भाषा, साहित्य, संस्कृति, धर्म, दर्शन, परम्परा, चरित्र, मर्यादा, पितृप्रेम, भ्रातृत्व, दाम्पत्य, कर्तव्य, देशप्रेम, जनवात्सल्य जस्ता समग्र विषयको समन्वय एवं समष्टि भाव प्रदान गरेर भानुभक्तले आदिकवि तथा नेपालको राष्ट्रिय विभूति जस्ता सम्मान पाएका हुन्। भानुभक्तका बारेमा अरू कुरा भन्न र उनलाई चिनाउन बाँकी पो के छ र रु मोतीरामका कलमबाट समाजमा मुखरित भानुभक्त प्रत्येक लेखकका कलमको टुप्पामा अडिएका छन् जसले जता घुमाए पनि हुने। जेजस्तो उपाधि दिए पनि हुने।
नेपाली वाङ्ग्मयका नेपाली लेखक कविहरूका आधारस्तम्भ भानुभक्तलाई देशविदेशका अध्येता, समालोचक एवं अनुसन्धाताहरूले विभिन्न दृष्टिले हेरेका छन्। नेपाली वाङ्मयमा सागर बनेका भानुलाई आआफ्ना विवेक र बुद्धिले भ्याएसम्म कतिले गाग्रीले उघाएका छन् त कतिले लोहोटा, कचौरा, गिलास पञ्चपात्रो, आचमनी जेले जति पाइयो उघाउने काम भएको छ। यहा केही पत्रपत्रिका र भानुसम्बन्धी कृतिहरूका आधारमा भानुभक्त सम्बन्धीरउनका कृतिहरूका बारेमा लेखिएका रचनाहरूबाट कतिपय शीर्षक र लेखकहरूको नाम उल्लेख गरिएको छ। शीर्षक र लेखकका बीचमा केही शब्दहरू राखिएका छन् त्यो केवल पूर्वापर सम्बन्ध जोड्ने र भाषिक मिठासका निम्ति भएको हो। भानुसम्बन्धी रचनाका यहा प्रस्तुत गरिएका शीर्षकहरू मेरो आफ्नो अध्ययनले भ्याएसम्म र प्राप्त भएसम्मका पत्रपत्रिकाहरूबाट उद्धृत गरिएको छ। शीर्षक प्राप्त भएका पत्रपत्रिका र अन्य स्रोतहरूको सम्पूर्ण विवरण यो सानो टिपोटमा दिन सम्भव देखिएन। यो एउटा सङ्केत मात्र हो। उदाहरणस्वरूप केही शीर्षकहरू(
कवि भानुभक्तको जीवन चरित्र वि।सं। १९४८मा प्रकाशित गरेर पहिलोपल्ट भानुभक्तलाई तनहुँ चुदीबाट झिकिदिएर बाहिर निकाल्ने काम गरे मोतीराम भट्टले। अनि मात्र त्यस बेलाको नेपाल ९काठमाडौंं उपत्यका० र वरपर रामायणका श्लोकसाग भानुभक्त गाइन थाले। सुब्बा होमनाथ, केदारनाथ, सर्वहितैषी कम्पनी, बाबू माधवप्रसाददेखि बम्बै पुस्तक भण्डारसम्म प्रकाशकहरूले कतै सातकाण्ड त आठकाण्डका रूपमा अनि कतै भानुभक्तको रामायण, भक्तमाला र बधूशिक्षा आदि नामबाट प्रकाशन गरेर भानुभक्तलाई अझ धेरै व्यापक बनाए। वि।सं। १९८६ तिरबाट सूर्यविक्रम ज्ञवाली, पारसमणि प्रधानजस्ता व्यक्तिहरूले नेपालबाहिरका विभिन्न क्षेत्रमा भानुभक्तलाई यात्रा गराएपछि भानुभक्तले राष्ट्रिय सीमा नाघेर अन्तर्राष्टिय (नेपालीभाषी सबै क्षेत्रमा० मान्यता पाए। भक्त भानुभक्तका रूपमा बालकृष्ण समले नाटकीय अभिनयसहित मञ्चमा उभ्याइदिएपछि २००२ भाद्र २२को गोरखापत्रले पनि यसरी लेखेको छः ुगौरी शङ्कर नाट्यसमुदायले भक्त भानुभक्त नाटक देखायो। भानुभक्तको यौटा श्राद्ध मोतीराम भट्टले गरेथे। अर्को गौरी शङ्कर नाट्यसमुदायबाट भयो।ु
अनि त्यही दिनको गोरखापत्रले टिप्पणी पनि गर्‍योथ ुअहिलेसम्म भेट्टाएका पुस्तक र कहानीबाट मात्र स्व। कवि भानुभक्तको चित्र लेख्न कनि ट।ु तर त्यसैबेला दार्जिलिङको चौरस्तामा भानुभक्तको मूर्ति सूर्यविक्रमहरूको सत्प्रयासाबट स्थापित गरेरै छोडियो। ब्रहृम सम्शेर जबराले पनि कवि भानुभक्त भनेर लेखेका थिए। त्यसैबेला भानुभक्तको महत्त्वका रूपमा सूर्यविक्रम ज्ञवालीले देखे। नेपाली साहित्यका इतिहासमा सर्वश्रेष्ठ पुरुष महाकवि देवकोटाका कलममा घोटिएर घासीसम्म बन्नपुगे। आदिकवि भानुभक्त आचार्य लिएर भाइ चन्द प्रधान उभिएकै बेला भानुभक्तको सच्चा जीवन चरित्र नरनाथ आचार्यका कलममा अझ तिखारियो। ुभानुभक्ताचार्यको जन्म जयन्ती यही आषाढ २९ गते मनाउनुहोस्ु भनेर गोपाल पाडेले आहृवान गरेपछि २०१२ सालको भानुजयन्ती भव्यतासाथ सम्पन्न भयो। ुभानुले रामायण सिर्जना गरी नेपालीमा एकता ल्याउनुभयो।ु भनी सोही दिन कवि शिरोमणि लेखनाथ सभापतिको आसनबाट गुन्जिए। उक्त दिन सरस्वती सदनमा आयोजित भानुजयन्ती समारोहमा श्री जगदम्बा कुमारीद्वारा भानुभक्तको प्रतिमा बनाइदिने वचन दिइएपछि भानुभक्त सचेत सहृदयीहरूमा व्यापक बन्दैगए।
ुनेपाल राष्ट्र रहेसम्म भानुभक्त अमर रहनेछन्ु लेखनाथ पौडेलको त्यस बेलाको घोषणा आजसम्म सार्थक छ। नेपाली समाजप्रति आदिकवि भानुभक्तको देन सम्झिने गोपाल पाँडे, नेपाली साहित्यमा भानुभक्तको स्थान खोज्ने कृष्णप्रसाद ज्ञवाली, भानुभक्तको काव्य साधनामा अलमलिने गणेश भण्डारी, भानुभक्तको परिचय दिने ज्योति उपाध्याय, आदिकवि भानुभक्त र उनको साहित्यिक साधनको पृष्ठभूमि पहिल्याउने प्रो।ढुण्डीराज भण्डारी, भानुभक्तलाई नेपालीहरूमा भाषात्मक एकता स्थापित गर्ने श्रेय दिने राजेश्वर देवकोटा, भानुभक्तको गाउः अतीतको सम्झनाभित्र राख्ने रामचन्द्र न्यौपाने, दुई जोईको पोइः भानुभक्त निक्र्‍योल गर्ने काशीनाथ तमोट, कवि भानुभक्त र उनका दृष्टिमा नारी उभ्याइदिने राजेन्द्र सुवेदी, भानुभक्तको कान्तिपुर र आजको काठमाडौको तुलना गर्ने केशवराज पिँडाली, भानुको भावना बुझ्ने मुक्तिप्रसाद आचार्य, भानुभक्त विद्रोही र रुढिवादी भावनाको समन्वय गराउने देवेन्द्रराज उपाध्याय, भानुभक्त रामायणबारे लेखिएका केही कुरा खोतल्ने रामदेव ठाकुर र नेपाली साहित्यका प्रज्वलित ज्योति आदिकवि भानुभक्त भन्दै मदन थापाहरू आएका छन्। एउटा खुलापत्र भानुभक्तलाई लेख्न पनि हिचकिचाउदैनन्। राष्ट्रियता तथा सांस्कृतिक चेतना जगाउन आदिकवि भानुभक्तको उल्लेखनीय योगदानको महत्त्व दिनेहरू पनि छन्। इन्द्ररत्न बज्राचार्यले पनि आदिकवि भानुभक्त चिनेका थिए। भानुभक्त रामायणको महात्म्य भागलाई संस्कृत मूलसित दाजेर हेर्दा भनेर डा। डिल्लीराम तिमसिनाको कलम तिखारियो। केशवप्रसाद उपाध्याय भानुभक्त र उनको रामायणको मूल्याङ्कन गर्छन्। भानुभक्तको देन पाएर नेपाली साहित्य समृद्धिशाली भन्नेहरू राष्ट्रभाषा भानुभक्तको देन ठानेर त्यसैमा रमेका पनि भेटिएका छन्।
आदिकवि भानुभक्त र उनका सर्वश्रेष्ठ गुणहरूको खोजी गर्ने खड्गबहादुर लोहार, युग चेतनाका सजग कवि भानुभक्तः केही सन्दर्भ, केही प्रसङ्ग निकाल्ने डा। सूर्यनाथ, भानुभक्त जागीरे थिए भनेर औाल्याउने मङ्गलदेव परियार, भानुभक्त विषयक मतभेद बटुल्ने मोतीवीर राई, भानुभक्तले कलम किन चलाए रु भन्दै सोधीखोजी गर्ने श्रीभद्र शर्मा, भानुभक्तको युगबोध र नैसर्गिक कवित्व शक्तिसाग जोरी खोज्ने जगन्नाथ त्रिपाठी, भानुको साहित्यिक योगदानबारे प्रकाश पार्ने प्रो। यदुनाथ। भानुभक्तको स्मृतिमा विरह पोख्ने धर्मराज थापा, व्यंग्यात्मक कवि भानुभक्त भनेर व्यंग्य गर्ने श्रीप्रसाद पण्डित, आदिकवि भानुभक्तः केही बुादाहरूमा टिपोट गर्ने अमरकुमार प्रधान, भानुभक्तीय नेपाल भाषाः एक विवेचनामा टुंग्याउने विजय चालिसे, रसभावपूर्ण भानुभक्तभित्र पस्ने नरनाथ शर्मा, भानुभक्त र उनको दिग्दारीमा चिन्तित हुने प्रताप कालिकोटे, भानुभक्तले के गरे त भनेर निहु झिक्ने इन्द्रदेव सिंह, भानुभक्तका राममा रमाउने कमला साङ्कृत्यायन र यस्तैयस्तै धेरै कुराहरू धेरै जनाले देखेका छन् भानुभक्तका कृतित्व र व्यक्तित्वभित्र। सानुभाइ शर्माले भानुलाई मान्छेको रूपमा हेर्दा पनि कसैले अनौठो मानेन। सावित्री सुन्दास भानुभक्तको जीवनदर्शन पाएर खुसी भइन्। कोही चाहि भानुभक्तबाट नेपाली भाषाको उत्थानमा भएको योगदानको कुरा उठाउाछन्। भानु बा नजाती नमान्नु होला भनेर बेस्सरी गाली गर्नेहरू पनि छन्। भानुभक्तलाई कतिले राष्ट्रिय कविको संज्ञा दिएका छन् त कति चाहि जातीय कवि भन्न मन पराउछन्। भाषिक कविको उपाधि दिनेहरू पनि छन्। ।।। उनका कृतिलाई नेपालीमा लेखेको दर्शनशास्त्र। गीतारनेपाली काव्यक्षेत्रको गुरुग्रन्थ जस्ता पदवी प्रदान गर्नेहरू पनि छन्। नेपाली तब जगाउने, जातीय भेदभाव मेटाउने, भाषिक सङ्कीर्णता हटाएर नेपाली भाषालाई सशक्त राष्ट्र भाषाका रूपमा दरो पार्ने काम भानुभक्तले गरे।ु ुनेपाली भाषालाई निक्खार र भावमय रूप दिने यिनै पहिला कवि हुन्।ु ुआधुनिक भाषा तथा साहित्यका एउटा महान् जातीय कवि भानुभक्त हुन्। ।।। विविध वर्गका मानिसलाई मिलाउने एकताको मूलभाषा तथा संस्कृति प्रदान गरेर भानुभक्तले नेपाली मात्रको अनुपम सेवा गरे।ु ुपण्डितहरूका विरोधमा जनपक्ष लिने भानुभक्त युगअनुसारका प्रगतिशील थिए।ु यस्तै यस्ता असङ्ख्य उद्गारहरू, अभिव्यक्तिहरू, श्रद्धाञ्जलि र सद्भावनाहरू व्यक्त भएका छन् भानुभक्तप्रति।
पहिलोपटक मोतिराम भट्टले भानुभक्तलाई चिनाइदिएपछि यता आजसम्म जसले जति लेखे पनि उनै कुरा हुन्। घुमाइफिराई पुरानै कुरालाई नया रूप दिने काम भएको हो। आफ्ना पुर्खालाई डोर्यारएर आउने क्रममा क्रमशः नया पुस्ताका हातमा पुर्याकइदिनैपर्छ। यतिबेलाको लोकतान्त्रिक गणतन्त्र नेपालमा ुआधुनिक नेपालका दुई महापुरुष राष्ट्रनिर्माता श्री ५ पृथ्वीनारायण शाह, भाषा निर्माता आदिकवि भानुभक्त आचार्य।ु जस्ता भनाइ दोहोर्या उनु अर्घेलो हुनसक्छ तर योभन्दा राम्रो र धेरै काम नभएसम्म जनताले त्यति सजिलै बिर्सने पनि छैनन् र बिर्सनु पनि हुदैन। जसले जे भने पनि भानुभक्त नेपाली वाङ्मयकै विराट् पुरुष हुन्। विराट्को व्यक्तित्व र कृतित्व प्रकाश पार्न अझै विराट कामहरू हुनै छन्। नयानया ढङ्गबाट उनका बारे व्याख्या र विश्लेषण भइरहनुपर्नेछ। पछिल्लो जनआन्दोलनका क्रममा धेरै ठाउमा भानुभक्तका मूर्तिहरू पनि तोडिएका छन्। भानुभक्तले गर्दा हाम्रा भाषाहरूको विकास हुन नसकेको हो भनेर गुनासो पनि धेरैले गरेका छन्। त्यसकारण गणतान्त्रिक नेपालमा भानुभक्तलाई कसरी मूल्याङ्कन गर्ने भन्ने कुरा झन् विचारणीय भएको छ। ृ४े
बहुभाषाभाषी हाम्रो मुलुकका जनतामा परस्पर सम्बन्ध सूत्र जोड्न आधार निर्माण गर्ने आधार व्यक्ति भानुभक्तको योगदान आजको सङ्घीय गणतन्त्रात्मक लोकतन्त्र नेपालमा उत्तिकै सान्दर्भिक छ। भानुभक्तका योगदानको स्मरणसागै सम्मान गर्ने परम्परा अगाडि बढाउदा मात्र अन्य भाषाका आदिपुरुषहरूको पनि स्मृति र सम्मान गर्ने परम्परा विकसित हुदैजानेछ
रामायण १।बाल काण्ड
एक् दिन् नारद् सत्य लोक् पुगिगया लोक्को हित् गरौ भनि
ब्रम्ह्ना ताहि थिया पर्या चरगनमा खुसि गराया पनि
क्या सोद्च्हौ तिमी सोध् म भन्च्हु म भनि मर्जि भयेथ्यो जसै
ब्रम्ह्नाको करुना भुजेर रिसिले बिन्ति गर्या यो तसै्र
हे ब्रम्ह्ना जति हुन् सुभा सुभ सबै सुनि रया छु कछु
बाकि छइन तथा बिसुन्न इछया
म यो गर्द्छु
आउ लाज भयो कलि बखतम प्रानि दुराच्रार भइ
गर्न्याछन सब पाप् पनि सरलका निस्काम तिमा गइ्र
साच्ह्यो कुरा गरि नकोइ अरुकोइ गर्नन् त निन्दा पनि
अर्कको धन खानलाई अभिला गर्नन् तद यो भनि
कोहि जान् परत्रिमा रतहुनन कोही त हिम्सा महा
दिनइलाई त अत्मा जानि रहलान् नत्तिक पसु झहि कहा्र


नेपाली विकिपीडियाबाट

बाढी पीडितका लागि आएको फिस्टेल एअरको हेलिकप्टर हुम्लामा दुर्घटनामा परेको छ । हुम्लाको मुचु गाविसमा हेलिकप्टर दुर्घटनामा परेको मुगु प्रहरीले जनाएको छ । हिल्साबाट सिमकोटका लागि उडेको हेलिकप्टर दुर्घटनामा परेको र मानव बस्ती नभएको ठाउँमा दुर्घटना भएकोले उद्धारका लागि समस्या हुनुका साथै यकिन विवरण पनि आउन सकेको छैन । दिउँसो ४ बजेर २५ मिनेटमा हेलिकप्टर दुर्घटना भएको हो । कर्णाली वारीबाट हेलिकप्टर खसेको देख्ने प्रत्यक्ष दर्शी सिटार लामाका अनुसार हेलिकप्टर दुई टुक्रा भएको छ । खराब मौसमले गर्दा दुर्घटना भएको अनुमान गरिएको छ । यसैबीच काठमाडौमा रहेको फिस्टेल एअरको कार्यालयले पनि दुर्घटना भएको पुष्टि गर्दै विस्तृत विवरण आउन बाँकी रहेको सीआईएनलाई जानकारी दिएको छ ।

काठमाडौँ, ४ असार-तीन दिनदेखि लगातार परेको भारी वर्षातका कारण दैलेखको मालीकामा घर भत्किदा एकै परिवारका सातजनाको मृत्यु भएको छ । मालिका गाविस वडा नं २ छडुङको मोहन कुमालको घर भत्किदा उहाँको घरमा भएका सातजनाको मृत्यु भएको हो । मृत्यु हुनेहरुमा मोहन कुमाल, श्रीमती तुल्छा कुमाल, छोराहरु गणेश चुनारा, खगेन्द्र
चुनारा, नगेन्द्र चुनारा, त्यस्तै छोरीहरु कृष्ण चुनारा र गिता चूनाराको मृत्यु भएको हो । यसैबीच भारी वर्षातकै कारणले दैलेखको कर्णाली नदिको बाढीका कारण तल्लो डुङगेस्वरमा २५ घर डुबानमा परेका छन भने सात्तला गाबिसको रामघाटमा पनि ३० घर डुबानमा परेका छन भने ५ घर बगाएको प्रहरीले जनाएको छ । यसैबीच भारी वर्षातकै कारण दैलेखको मध्यपहाडी राजमार्गको घेराउ मोड फुट्दा जगनाथ ५ बुङचिका २८ घरपरिवार आज विस्थापित भएका छन । पहिरोले भद्रबहादुर शाही, र अम्मरबहादुर तिरुवाको घर बगाउँदा उक्त  घरमा बस्ने २ जना च्यापिएको अवस्थामा स्थानिय बासिन्दाले सकुशल उद्वार गर्न सफल भएका छन ।

 कालीकोट

आईतबारदेखि भएको अबिरल बर्षाका कारण कालिकोट जिल्लामा १२ जना बेपत्ता भएका छन् । जिल्लाको मेहलमुडि गाबिस वडा नं. ४ लामाबगर र मुम्रा गाबिस वडानं. १ विद्युत पावरहाउस नजिकै रहेको चोक्टे बगर भन्ने ठाउँमा सान्निगाढबाट बाढि आउदा १४ पसल १५ वटा घट्ट बगाउनुका साथै १२ जना बेपत्ता भएका छन् । १२ जना मध्य २ जनाको लास खोटे भन्ने ठाउमा भेटिएको प्रमुख जिल्ला अधिकारी जगतबहादुर बस्नेतले जानकारि दिनुभएको छ । बेपत्ता भएका अन्यको खोजि कार्य जारि रहेको छ । बेपता हुने हरुमा सिपखाना २ का सत्यबहादुर शाही, उनकी श्रीमती सरिता शाही ५ वर्षका छोरा र ३ वर्षकी छोरी, स्थानिय व्यापारी चन्चला शाही, कला थापा, भुपे शाही, कमरा शाही, हिमचुली शाही, मेहेलमुडी ४ का मनबहादुर शाही जिल्ला बिकास समिति कालिकोटमा कार्यरत फुकोट घर भएका प्राबिधिक कृष्ण न्यौपाने, हुरुन्डेक कालिकोटमा कार्यरत प्राबिधिक थिपु घर भएका टक्क वम रहेका छन ।

अछाम

लगातार भएको वर्षाका कारण पहिरोमा परी अछामको कुन्तीवण्डाली गाविसमा एकै घरका आमा छोरीको मृत्यु भएको छ । गएराती ११ बजेतीर घर माथिवाट आएको पहिरोमा परी गाविसको वडा नं. ३ मीस्तुर निवासी मीन वहादुर वोगटीको श्रीमती अनिसा वोगटी र ४ वर्षिया रविना वोगटीको मृत्यु भएको हो । मीन वहादुर वोगटी सहित छोराहरु मुकेश वोगटी र रोहीत वोगटी घाईते भएका छन् । पहिरोमा पुरिएर ज्यान गुमाएका पिडितका परिवारलाई जिल्ला प्रशासन कार्यालय अछामले राहात उपलब्ध गराएको छ ।

 गुलरिया

विगत तिन दिन देखि परेको अविरल वर्षाका कारण कर्णाली नदिमा पानीको सतह बढेपछि बर्दियाको राजापुर क्षेत्रका केही गाविस तथा गाउँहरु जलमग्न भएका छन् । कर्णाली नदिमा पानीको सतह वृद्धि भै खतरा सतह भन्दा माथि पुगेपछि राजापुर, भिम्मापुर, दौलतपुर, पाताभार लगायतका गाविसमा पर्ने दुर्गा नगर, नंगापुर, तिघ्रा, टिउनी, शंकरपुर, चैनपुर गोडीयाना गाउँहरु जलमग्न भएका हुन् । बाढीले करिब एक हजार ५ सय घर डुवानमा परेका छन् ।

सरकारद्वारा बाढीपीडित दुई जिल्लालाई एक करोड राहतको घोषणा 

सरकारले बाढी पीडित दुई जिल्ला कन्चनपुर र दार्चुलालाई ५०÷५० लाख आर्थिक सहयोग उपलब्ध गराउनेभएको छ । आज बिहान बसेको दैवी प्रकोप उद्धार समितिको  बैठकले यस्तो निर्णय गरेको छ । यसैगरी बाढीपीडितका लागि तत्काल पाँच कम्बल वितरण गरिने पनि निर्णय भएको छ । गृह मन्त्रालयले औषधी र राहतसहितको टोली प्रभावित क्षेत्रमा पठाउने निर्णय गरेको छ  ।

डोटी

यहि असार २ गते आईतबारदेखि परेको अबिरल बर्षाका कारण पहिरो जाँदा डोटीको तोलेनी गाविस स्थित ६३ किलोवाट क्षमता भएको साईलीगाड तेश्रो जलविद्युत आयोजनाको पावर हाउस बगाएको छ । जल विद्युत आयोजनाको पावर हाउस माथिबाट आएको पहिरोले आधा जति मेशिनका सामानहरु बगाएको र आधा सामानहरु पुरीएको स्थानिय भक्तराज उपाध्यायले जानकारी दिनुभयो । पावर हाउसमा कार्यरत ३ जना कर्मचारी भने भागेर बाँच्न सफल भएका छन् । लघु जलविद्युत आयोजनाको पावर हाउस नै बगेपछि कूल ६ सय ११ घरधुरीका मानिसहरु मर्कामा परेका छन् । त्यस्तै डोटीकै रानागाउँ गाविस २ जमलकट्टे स्थित दुर्गा प्राथमिक विद्यालयको भवनमाथिबाट आएको पहिरोले भत्काएपछि आजबाट पठनपाठन अवरुद्ध भएको स्थानिय प्रेम विकले जानकारी दिनुभयो ।
अविरल वर्षाका कारण डोटीको सिमचौर गाविसमा भीरबाट ढुङ्गा खस्दा एकजनाको मृत्यु भएको छ । मृतकको नाम ठेगाना खुल्न सकेको छैन । स्थानीयको सहयोगमा शवको उदार गपरएको छ । यसैगरी गगुडा गाविसको रौवा खोलामा आएको बाढीले बगाउँदा एकजना बेपत्ता भएका छन् भने दुईजना बाँच्न सफल भएका छन् । रोपाई गर्न गएका बेला खोला तर्ने क्रममा हिजो साँझ ५ बजे गगुडा गाविस ३ निवासी देवी बोगटीलाई खोलाले बगाएको हो । बोगटीको खोजि कार्य जारी रहेको स्थानिय गणेश बोगटीले जानकारी दिनुभयो ।

 नुवाकोट

नुवाकोटको ओखरपौवा गाविस ४ को तल्लो सिउडिनीमा फैलिएको रोगको प्रकोप नियन्त्रणमा आएको छ । शनिबारदेखि फैलिएको रोगको प्रकोप हिजो साँझबाट पूर्णरुपमा नियन्त्रणमा आएको टेकु अस्पताल काठमाडौका चिकित्सकहरुले जनाएका छन् । अव्यवस्थित रुपमा फ्याँकिएको फोहोरबाट हैजा फैलिएको अनुमान गरिए पनि सिउडिनीबासीले प्रयोग गर्ने पानीको जाँच गराउँदा पानीमा खराबी देखिएको चिकित्सकहरुले जनाएका छन् । भाइरल प्रकोपबाट बिरामी भएर टेकु अस्पतालमा भर्ना भएका २३ जना बिरामीहरु पूर्णरूपमा निको भइसकेको अस्पतालले जनाएको छ ।

 हुम्ला

असार १ गतेदेखि लगातार रूपमा परेको वर्षाका कारण सिमकोट ९ स्याम्ने गाउँ पुरै जलमग्न भएको छ भने गाउँले सबै सुरक्षाका लागि गाउँमाथि भएको ओढारमा गएका छन् । वर्षाले बुराउँसे घट्टे खोला र हुमाने खोलामा आएको बाढीले पानीको बहाव अत्याधिक भएको कारण गाउँ जलमग्न भएको उद्धारमा गएका टोलीमा संलग्न टेकबहादुर रोकायाले जानकारी दिएका छन् । स्थानीयबासी गाउँ छाडेर भागेका छन् भने उनीहरुको उद्धारका लागि सदरमुकाम सिमकोटबाट गएको डेड सय जनाको सुरक्षा टोली गाउँमा जाने बाटो नै बगाएपछि टोली फिर्ता भएको छ । वर्षाले जिल्लाको जनजीवन अत्यन्तै कष्टकर भएको छ । वर्षाले जिल्लााको एकमात्र आवतजावतको माध्ययम हवाई सेवासमेत तीन दिनदेखि ठप्प छ । वर्षाले कर्णालीको बहाव एकाएक बढेपछि कर्णाली तिरैतिरको बाटो पुरै डुबानमा परेको छ भने छिप्रा ९ लेखको खोणको खोलमा गएको पहिरोका कारण हुम्ला कर्णाली १० मिनेट सम्म नियमित बहावसमेत रोकिएको थियो ।

 दार्चुला

भारतीय क्षेत्रमा रहेको धोलीगंगा जलविद्युत परियोजनाका कारण दार्चुलामा बाढिले क्षति पु¥याएको जिल्लास्थित सरोकारवाला निकायहरुले बताएका छन् । आज जिल्ला प्रशासन कार्यालय दार्चुलामा भएको जिल्ला दैवी प्रकोप राहत उद्दार समितिको बैठकमा जिल्लास्थित राजनीतिक दल र सुरक्षा निकायको बैठकले यस्तो निष्कर्ष निकालेको हो । असार २ गते सदरमुकाम खलंगामा १३ वटा सरकारी भवन, व्यक्ति घर तथा पसलहरु ४७, १७ वटा अस्थायी टहरा र चारवटा मठ मन्दिर र पूल बगाएको छ । परियोजनाले जानकारी नै नदिई ड्याम खोल्दा दार्चुलामा तीनदेखि भौतिक संरचना भत्काउने काम गरेको छ । प्रमुख जिल्ला अधिकारी चिरञ्जीवी अधिकारीले भारतीय एसडीएमसँग पटकपटक फोन गर्दा पनि फोन रिसिभ नभएको बैठकमा जानकारी गराउनुभयो । जिल्लास्थित एकीकृत नेकपा माओवादी, नेपाली काङ्ग्रेस, नेकपा एमाले र नेकपा–माओवादीले भारतीय पक्षले सुनियोजित ढंगले बाँधबाट पानी निकाली क्षति भएको बताएका हुन् । भारतीय पक्षले आफ्नो क्षेत्रमा भने माइकिङ गर्दै बस्ती हटाएको थियो । भारतीय पक्षले आफ्नो क्षेत्रमा पक्की तडबन्धका कारण दार्चुलाले ठूलो क्षति बेहोरेको छ । बैठकले सदरमुकामलाई संरक्षण गर्न महाकाली किनारमा पक्की तटबन्ध लगाउनुपर्ने बताएका छन् । यसैबीच सदरमुकाम खलंगामा बाढिबाट विस्थापित भएका परिवारको अवस्था र सङ्ख्या पत्ता लगाउन तीनवटा समूह बनाई परिचालित गरिएको छ । राजनीतिक दल सम्मलित टोलीले बाढिको यकिन क्षति र तथ्याङ्क सङ्कलन गर्ने जनाइएको छ ।

काठमाडौँ, ४असार-उपचारका लागि जापान पुग्नुभएका राष्ट्रपति डा. रामवरणलाई टोकियो विश्वविद्यालय शिक्षण अस्पतालमा भर्ना गरिएको छ । उहाँ आज बिहान टोकियो पुग्नुभएको हो । जापान पुगेलगत्तै यादवलाई अस्पताल भर्ना गरएको हो । राष्ट्रपति स्वास्थ्य परीक्षण भोलिदेखि मात्रै सुरु हुने बताइएको छ । विमानस्थलमा पुगेका नेपाली समुदायसँग सङ्क्षिप्त कुरा गर्दै राष्ट्रपति यादवले आफ्नो स्वास्थ्यका विषयमा धेरै चिन्ता नलिन आग्रह गर्नुभयो । जापानमा पुगेर स्वास्थ्य परीक्षण गराउँदा राम्रो हुने चिकित्सकहरूको सल्लाहअनुसार आफू टोकियोमा आएकोमो पनि उहाँले बताउनुभयो । विमानस्थलमा राष्ट्रपति यादवलाई नेपाली राजदूत मदनकुमार भट्टराई, त्यहाँ रहेका नेपाली समुदायले स्वागत गरेका थिए । राष्ट्रपति यादव उपचारका लागि हिजो जापान जानुभएको हो ।

काठमाडौँ, ४ असार-खाद्य प्रविधि तथा गुण नियन्त्रण विभागका कर्मचारीहरुबाट भक्तपुरस्थित खरिपाटी डेरीमा गरेको अनुगमनको समाचार संकलन गर्न गएका नेपाल टेलिभिजनका सञ्चारकर्मीमाथि डेरीका कर्मचारीहरुले दुव्र्यवहार तथा क्यामेरा तोडफोड गरेको घटनाप्रति नेपाल पत्रकार महासंघको गम्भीर ध्यानाकर्षण भएको जनाएको छ । हिजो दिउँसो डेरीका कर्मचारीहरुले अनुगमनको समाचार गर्न भक्तपुरको खरिपाटीस्थित डेरीमा पुगेका नेपाल टेलिभिजनकी पत्रकार सुभद्रा गौतमलाई दुव्र्यवहार र क्यामेरा पर्सन शिव पंगेनीलाई हातपात र क्यामेरा तोडफोड गरेको घटना प्रति आज बिज्ञप्ती मार्फत महासंघले निन्दा गरेको हो ।

काठमाडौँ, ४असार-त्रिभुवन विस्वबिद्यालय परिक्षा नियन्त्रण कार्यलयले स्नातकोत्तर तह प्रथम बर्षको शिक्षाशास्त्र संकाय को परिक्षाफल आज सार्बजनिक गरेको छ|परिक्षाको नतिजा नेपाल टेलिकमको वेबसाइट मा पनि थाहा पाउन सकिने परिक्षा नियन्त्रण कार्यलयले जनाएको छ |