संविधानसभाको म्याद केही घन्टामात्रै बाँकी रहँदा दलहरुबीच विगतका सहमतिका विषयमा समेत मतभेद देखिएको छ। शनिबार दिनभर दलहरुबीच भएको छलफलले जनताले जेठ १४ मा नयाँ संविधान पाउने आशा थप कमजोर हुँदै गएको छ।
संविधान निर्माणमा सबैभन्दा विवादित संघीय संरचनाका विषयमा पनि दलहरु पुरानै अवस्थामा फर्किएका छन्। माओवादी र मधेसी मोर्चाले संविधानसभा राज्य पुनर्संरचना आयोगको प्रतिवेदनलाई आधार बनाएर सहमति गर्नुपर्ने अडान कायम राखेपछि दलीय सहमतिका प्रयास विफलतातिर मोडिएका हुन्। माओवादी र मोर्चाको उक्त प्रस्तावलाई अस्वीकार गर्दै कांग्रेस-एमाले संघीयताको नामांकन र सीमांकन जेठ १४ पछिको रुपान्तरित संसदलाई जिम्मा दिनेगरी संविधान घोषणा गर्नुपर्ने पक्षमा छन्।
दलहरुले आ-आफ्ना अडान छाड्ने सम्भावना नदेखिएपछि जनताले चार वर्ष प्रतीक्षा गरेको नयाँ संविधान घोषणा हुने/नहुने निश्चित छैन।
संविधान घोषणामा अन्योलसँगै प्रमुख दलहरुबीच फेरि ध्रुवीकरण सुरु भएको छ। माओवादी र मोर्चाले सहमतिको बाधकका रुपमा कांग्रेस-एमालेलाई आरोप लगाएको छ भने कांग्रेस-एमालेले माओवादी र मोर्चाकै कारण विगतमा भएका सहमतिबाट पछाडि फर्किएको आरोप लगाएको छ।
दलहरुबीच सहमतिबाट संविधान जारी हुने सम्भावना न्यून हँुदै गएपछि माओवादीले संविधानसभा राज्य पुनर्संरचना समितिले पेस गरेको १४ प्रदेशको प्रस्तावलाई मतदानमा लैजाने तयारी गरेको छ।
माओवादी उच्च स्रोतका अनुसार अर्थमन्त्रीसमेत रहेका स्थायी समिति सदस्य वर्षमान पुनको नेतृत्वमा १४ प्रदेशको समर्थनमा ४ सय १ सभासद्को हस्ताक्षर संकलन गरिएको छ। माओवादी, मधेसी मोर्चा, साना दल र कांग्रेस-एमालेका जनजाति सभासद्ले उक्त दस्तावेजमा हस्ताक्षर गरेका छन्।

                                                                     संविधानका विवादित विषयमा प्रमुख दलहरूबीच आइतबार मध्यरात सम्ममा सहमति नजुटे संविधानसभाबाट नयाँ संविधान पाउने जनताको चाहनामाथि तुषारापात हुनेछ । दलहरूका आ–आफ्नै अडानका कारण संविधानसभाको भविष्य नै संकटमा परेको छ ।

काठमाण्डौका १६ र बाहिरका ५ गरी २१ वटा हलमा चलिरहेको चलचित्र ‘द लास्ट किस’ विरुद्ध यही सिनेमाको मुख्य नायिका शोभिता सिंखडाले उजुरी हालेकी छिन् । उनले, चलचित्र विकास वोर्डका अध्यक्ष गणेश भण्डारीलाई फोन गरेर आफुले पारिश्रमिक नपाएको वताएकी हुन् ।
‘द लास्ट किस’का निर्माताले आफुलाई सम्झौता बमोजिमको रकम नदिएको भन्दै उनले विकास वोर्डका अध्यक्षलाई मौखिक रुपमा उजुरी गरेको थाहा भएको छ । शोभिताको उजुरी आएपछि अध्यक्ष भण्डारीले निर्माता युवराज खत्रीलाई फोन गरी आफैमा यो कुरा मिलाउन भनेका थिए ।
शुक्रवारवाट प्रदर्शनमा आएको यो चलचित्रले पहिलो दिन नै १० लाख माथिको व्यापार गरेको छ । नायिकाको उजुरी परेपछि निर्माता खत्री तनावमा छन् । तर नायिका शोभिताले भने, आफुले लिखित उजुरी पनि दिन सक्ने वताउँदै भनिन्, सिनेमा चलिरहेको समयमा किन अप्ठ्यारोमा पारौँ भन्ने सोचेर मौखिक रुपमा मात्र जानकारी गराएकी हुँ ।