डाक्टरले दिएको मिती अनुसार एक महिना भित्रमा सन्तानलाई जन्म दिन लागेकी अभिनेत्री ऋचा घिमिरे र दुई महिना भित्रमा सन्तान जन्माउन लागेकी सञ्चिता लुईटेललाई फिल्मकर्मीले दही चिउरा खुवाए । सन्तान जन्मनु पूर्व दही चिउरा खुवाउने प्रचलन यदाकदा चलेकाले त्यसलाई फलो गर्दै ऋचाकै निवासमा एक जमघटका विच दही चिउरा खुवाईएको हो ।
 

अभिनेत्री मेलिना मानन्धरले दही चिउरा खुवाउन शुरू गरेपछि अरूणिमा लम्साल सहित अभिनेता मुकेश ढकाल, करियोग्राफर गोबिन्द राई, हेयरड्रेसर लोकेश थापाले पनि आम बन्ने तयारीमा रहेका दुई अभिनेत्रीलाई दही चिउरा खुवाए । सबैले दही चिउरा खुवाएर सकेपछि ऋचा र सञ्चिता एक अर्काले पनि दही चिउरा खुवाए । दही चिउरा खुवाउन निर्देशक सुरेश दर्पण पोखरेल, करियोग्राफर पुनम राई, थ्री लभर्स हिरो देबु श्रेष्ठ लगायत फिल्मकर्मी ऋचा निवास पुगेका थिए ।

 

निर्देशक शंकर घिमिरेसँग बैबाहिक बन्धनमा बाँधिएकी ऋचाले केहि दिनमा छोरालाई जन्म दिंदैछिन् । छोरा पाउने खुसीमा रमाईरहेका निर्देशक शंकरले भने, 'चेकअप गर्दा छोरा देखिएको छ ।' यता दश महिनाको छोरा काखमा बोकिरहेकी सञ्चिताले भने गर्भमा छोरा या छोरी के हुर्किएको छ भन्ने कुरालाई सस्पेन्स राखिन् । उनले भनिन्, 'पहिलो छोरा भयो दोस्रो के छ भन्ने कुरालाई अहिले सस्पेन्स नै राख्छु । जन्मेपछि नै सरप्राईज हुनेछ ।' सञ्चिताले अभिनेता निखिल उप्रेतीसँग दोस्रो बिबाह गरेकी हुन् ।

                                                                बाबुराम भट्टराइको सरकारलाई सडकबाटै हटाउने उद्‌घोषसहित कांग्रेस एमालेसहितका २६ दलले आज काठमाण्डौमा शक्ति प्रदर्शन गर्दैछन् ।

भट्टराई सरकारबाट नहटेसम्म आन्दोलन जारी राख्ने निर्णय गरेका सरकार बाहिरका दलहरुले गाउँ गाउँबाट आफ्ना नेता कार्यकर्ता झिकाई लाखौको संख्यामा उपस्थित गराउने तयारी गरेका छन् ।

माओवादीले संविधानसभा विघटन भएपछि एकलौटी ढंगले संविधानसभाको निर्वाचन घोषणा गरेर सत्ता कव्जा गर्न खोजेकाले बाध्य भएर आन्दोलन गर्नुपरेको काँग्रेस र एमालेका नेताहरुले बताएका छन् ।

आमसभाअघि राजधानीका विभिन्न ठाउँबाट र्‍याली निकालिने भएको छ । काङ्ग्रेस नेतृत्वमा सुन्धारा, एमाले नेतृत्वमा भृकुटीमण्डप, चुरेभावरले पुतलीसडक न्यूप्लाजा, नेकपा मालेले गौशाला, जनता दलले लैनचौर तथा अन्य साना दलहरूले भद्रकालीबाट एकसाथ र्‍याली निकाल्ने तयारी भएको नेकपा एमालेका केन्द्रीय सदस्य कृष्णगोपाल श्रेष्ठले जानकारी दिनुभयो । सभालाई काँग्रेस, एमाले लगायतका दलका शीर्ष नेताहरुले सम्बोधन गर्ने कार्यक्रम तय भएको छ ।

जनजाती नेताले बहिष्कार गर्ने

काङ्ग्रेस-एमालेका जनजाती नेताहरुले भने आजका सरकार विरोधी कार्यक्रमको बहिष्कार गर्ने भएका छन् । नयाँ संविधानमा जनजातिको अधिकार सुनिश्चित गर्न नेतृत्व तह उदार नभएको भन्दै असन्तुष्ट जनजाति नेताहरुले विरोधसभा बहिष्कार गर्न लागेका हुन् । नेपाली काङ्ग्रेसका नेता ईन्द्रबहादुर गुरुङ्गले आफ्नो पार्टी आदिवासी जनजातिको मुद्दामा पार्टी सहमत नभएकोले बिरोध गर्नुपरेको बतायनुभयो । यसैगरी नेकपा एमालेका नेता पृथ्वीसुब्बा गुरुङ्गले सरकारविरुद्धको आन्दोलन एजेण्डाविहीन भएको भन्दै एजेण्डाबिनाको आन्दोलनमा सहभागी नहुने दाबी गर्नुभयो ।

                                                          पुलिसले आज न्यायाधीश रणबहादुर बमलाई गोली हानी हत्या गर्नेमध्ये एकको स्केच सार्वजनिक गरेको छ। त्यतिबेला मास्क लगाएको भएर यति मात्र स्केच सार्वजनिक गरिएको रहेछ। घटनाको प्रत्यक्षदर्शीको बयानको आधारमा घटनामा संलग्न एक व्यक्तिको हुलिया यस्तो भनिएको छ- गोलो अनुहार, कालो वर्ण, पातलो दाह्री पालेको, अनुहारमा खटिराहरु भएको, आर्मी पुलिसको जस्तो छोटो कपाल काटेको, खाइलाग्दो जिउडाल भएको, अं. ५ फिट ६ इन्च उचाई भएको, मंगोल समुदायको जस्तो देखिने अं. वर्ष २७।२८ को पुरुष। 
विज्ञप्तिमा थप यस्तो छ-
यस अनुसन्धान समितीलाई हत्याको सम्बन्धमा महत्वपूर्ण सूचना दिने व्यक्तीलाई उचित पुरस्कार प्रदान गरिने छ साथै सूचनादाताको परिचय गोप्य राखिने छ ।

यो घटना ULTRA MODERN ORGANIZED CRIME को विशेषतायुक्त भएकोले यस्ता अपराध बिरुद्ध Systematic & Scientific Approach of Investigation अवलम्बन गरी हामी घटनाको गहिराई सम्म पुग्न प्रयासरत छौं । अपराधका विविध पक्ष, प्राप्त सूचना र प्रमाणहरुको सुक्ष्म अध्ययन विश्लेषणको विधी अख्तियार गरी अनुसन्धानलाई तिव्रता दिईएको छ । बिगतमा भएका अन्य गम्भीर प्रकृतीका अपराधहरुको अनुसन्धानबाट प्राप्त ज्ञान, सिप र प्रविधीको प्रयोग गर्दै यो अपराधको अनुसन्धानलाई प्रमाणमुखी बनाउन गहन अपराध अनुसन्धानमा दक्ष प्रहरी जनशक्ती अहोरात्र क्रियाशिल रहेका छन् ।

घटनासँग सम्बन्धित देहायमा उल्लेख गरिए जस्ता कुनै पनि सूचना तथा जानकारी भए निम्न मोबाइल नंवरहरुमा खबर गरिदिन हुन अनुसन्धान समिति हार्दिक आग्रह गर्दछ ।