गृह मन्त्रालयले आज ३३ जना वरिष्ठ प्रहरी उपरीक्षक९एसएसपी० हरुको सरुवा गरेको छ । १४ अंचलका प्रहरी प्रमुखसंगै अन्य दरबन्दीमा रहेका एसएसपीहरुको सरुवा गरिएको हो । मेचीमा केशरीराज घिमिरे, कोशीमा यादवराज खनाल, सगरमाथामा भोगबहादुर थापा, बागमतीमा रमेशप्रसाद खरेल, नारायणीमा सवेन्द्र खनाल, गण्डकीमा केदारमानसिंह भण्डारी, धवलागिरिमा मिलन बस्नेत, लुम्बिनीमा मिङमार लामा, कर्णालीमा गणेशबहादुर गुरुङ, राप्तीमा उत्तमबहादुर सिंह, भेरीमा मधुप्रसाद पुडासैनी, सेतीमा लव विष्ट र महाकाली अंचल प्रहरी प्रमुखमा छविलाल जोशीलाई ल्याइएको छ ।  त्यस्तै, रणबहादुर चन्दलाई महानगरीय प्रहरी परिसर काठमाडौं, विजयलाल कायस्थलाई महानगरीय प्रहरी अपराध महाशाखा, सुबोध घिमिरेलाई लागु औषध नियन्त्रण ब्युरो, हेमन्तबहादुर पाललाई महानगरी आयुक्तको कार्यालय, रमेशप्रसाद फुयाललाई त्रिभुवन विमानस्थल, गोविन्दप्रसाद निरौलालाई प्रहरी प्रशिक्षण प्रतिष्ठान महाराजगन्ज, माधवप्रसाद जोशीलाई महानगरीय ट्राफिक महाशाखा, पशुपती उपाध्यायलाई प्रहरी कल्याण शाखा र पंकज श्रेष्ठलाई प्रहरी प्रधान कार्यालय प्रशासन शाखामा सरुवा गरिएको छ । 

भारतका एक जना पुरुष १० महिनादेखि रुखमै बसिरहेका छन् । उनको घर नभएकाले रुखलाई नै घर मानेर बसिरहेका होलान् भन्ने तपाइँको अनुमान होला । तर होइन, घरजम गरेका ती पुरुषले श्रीमतीका कारण रुखमा दिनरात कटाउनु परेको हो । हुनत ती पुरुष आफ्नै बुद्धिले रुख बासमा गएका हुन् । वास्तवमा उनले आफ्नी श्रीमतीलाई माफी मगाउन अनौठो उपाय अपनाएका हुन् । श्रीमतीले आफुलाई ढाँटेपनि माफी नमागेको भन्दै उनी रिसाएर घरमा नबसी रुखमा बस्ने गरेका छन् ।
संजय नामका ती पुरुषले आफ्नी तारा नामकी श्रीमतीलाई माफी मगाउन सकिन्छ की भनेर ९ महिनादेखि रुखमा बसेपनि अहिलेसम्म सफल हुन भने सकेका छैनन् । समाचार अनुसार वानारसीको रामगाउँका संजय र ताराबीच गएको वर्ष बिहे भएको थियो । बिहेपछि संजय जागिरको सिलसिलामा मुम्बइ गए । केही महिनापछि जब संजय छुट्टी मिलाएर घर फर्किए तब श्रीमतीको छिमेकी पुरुषसँग हिमचिम बढेको र लसपस भएको उनले देखे ।संजयले अर्कैसँग सल्केको ठहर गर्दै तारालाई गाली गरे । ताराले आफु सल्किएको कुरा अस्विकार गर्दै छिमेकीसँग कुरा गर्दैमा शंका नगर्न भनिन् । तर संजयले भने ताराले माफी नमागेसम्म आफुले स्वास्नीको रुपमा स्विकार नगर्ने अड्डी कँसे । उनीहरुको विवादले उग्र रुप लियो । माइतीपक्षका मानिस पनि जुटे । तर ताराले मरिगएपनि माफी माग्न नमानेपछि मार्च नौ तारेखका दिन संजय एकाएक एउटा अम्बाको रुखमा चढे अनि घोषणा गरेकी ताराले माफी नमागेसम्म उनी रुखबाट ओर्लिने छैनन् ।
बोटमा अम्बा छउञ्जेल त संजयले अरुले दिएको खाना खानै मानेनन् । तर जब रुखका अम्बा सकिए त भोकले सताउन थाल्यो र आमाले ल्याइदिएको खाना खान थाले । आफ्नो छोराले रुखबाट ओर्लिन नमानेको र जबरजस्ती ओरालेमा आत्महत्या गर्ने धम्की दिने गरेको संजयकी आमा बताउँछिन् । उनी रुखमै सुत्ने र त्यहीँ खाने गरेका छन् ।













onlinekhabar.com

    लण्डनको निर्माणाधिन एक अग्लोघर माथिको क्रेनमा हेलिकप्टर ठोक्किंदा पाइलटसहित दुई जनाको मृत्यु भएको  छ भने अन्य नौ जना घाइते भएका छन् । घाइतेमध्ये एकको अवस्था गम्भीर रहेको बताइएको छ । बाक्लो हुस्सुका कारण मध्य लण्डनको निर्माणाधिन सेन्ट जर्ज वार्फ टावरमाथि राखिएको क्रेनमा बुधबार बिहान हेलिकप्टर ठोक्किएको हो ।स्थानीय समयअनुसार बिहान ८ बजे हेलिकप्टर क्षतिग्रस्त भई भुँईमा खसेको  थियो । ससेक्सथिस्त एयरपोर्टबाट उडेको केहीबेरमै हेलिकप्टर दुर्घटना भएको हो ।लण्डन प्रहरीले दुर्घटनाको कारण  हुस्सु भएको जनाएको छ | हेलिकप्टर ठोक्किएको क्रेन पनि ढल्ने अवस्थामा भएकाले दुर्घटना क्षेत्र वरपर प्रहरीले सतर्कता बढाएको छ ।

उपराष्ट्रपति परमानन्द झाले देशको राजनीतिप्रति लक्षित गर्दै अहिले देशमा ग्रहण लागेको बताउनु भएको छ । मुलुक अस्तव्यस्त भएको र राजनितिक निकास निकाल्न दलहरु असफल हुदै गएको भन्दै उपराष्ट्रपति झाले देश अन्धकारमा रहेको बताउनुभयो । आजदेखि रौतहट सदरमुकाम गौरमा शुरु भएको सूर्य महायज्ञको उद्घाटन गर्दै यो महायज्ञले नेपालको राजनीतिलाई सही बाटोमा लैजाने पे्ररणा मिलोस् भन्नु भएको छ । स्थानीय गौर राइस मिलको प्रागंणमा शुरु गरिएको यज्ञमा सूर्यको विधिवत पूजा, शान्तिका लागि हवन र यज्ञ तथा रामधुन किर्तन र प्रवचन गरिने आयोजकले जनाएको छ । २०६३ चैत्र ७ गते भएको माओवादी हत्याकाण्डपछि चर्चामा आएको गौर राइस मिलमा त्यस यता पहिलो पटक धार्मिक कार्यक्रम भएको हो ।

               सरकारले रोकिएका टेलिभिजन च्यानलहरुको प्रसारण तत्काल सुचारु गर्न केबुल प्रदायकहरुलाई निर्देशन दिएको छ । सूचना तथा सञ्चार मन्त्रालयले आज विज्ञप्ती जारी गरी उक्त निर्देशन दिएको हो ।  केबुल सञ्चालकहरुको एउटा समूहले आइतबार साँझबाट इमज च्यानल तथा मंगलबारबाट सरकारी च्यानल नेपाल टेलिभिजन र त्यसैको एनटिभी प्लसको प्रसारण रोकेको छ । मन्त्रालयले केबुल प्रदायकहरुले राष्ट्रिय प्रसारण नियमावलीको प्रतिकुल हुने गरी केही टेलिभिजनको प्रसारण रोकेकोमा गम्भीर ध्यानाकर्षण भएको जनाउँदै तत्काल प्रसारण सुचारु नगरे कडा कारवाहीको चेतावनी समेत दिएको छ ।  यसअघि सञ्चार सम्वद्ध विभिन्न संघ संस्थाहरुले केही केबल प्रदायकहरुले इमेज, नेपाल टेलिभिजन र एनटिभी प्लसको प्रसारण रोकेको तर्फ सरकारको गम्भीर ध्यानाकर्षण गराउँदै सञ्चार मन्त्रालयमा ज्ञापन पत्र बुझाएका थिए । टेलिभिजन ब्रोडकास्टर्स नेपाल टिबीएन, नेपाल मिडिया सोसाइटी, ब्रोडकास्टिङ एसोसिएसन अफ नेपाल बान र सामुदायिक रेडियो प्रसारक संघले च्यानल प्रसारणमा पुर्‍याइएको अवरोधले गम्भीर आशंका उब्जाएको भन्दै निर्वाध सञ्चाल गराउन माग गरेको थियो । मन्त्रालयका प्रवक्ता नारायण प्रसाद संजेलद्वारा जारी विज्ञप्तीमा टेलिभिजन प्रसारणलाई डिजिटल प्रविधिमा रुपान्तरण गर्ने उद्देश्यले राष्ट्रिय प्रसारणको छैटौं नियमावली संशोधन लागु गर्ने प्रतिवद्धता समेत जनाइएको छ । संशोधत नियमावलीबाट प्रत्येक केबुलका ग्राहक संख्या, त्यसबाट प्राप्त हुने सेवाको पारदर्शीता र राजस्व संकलनमा सकारात्मक प्रभाव पार्नेमा मन्त्रालय विश्वस्त रहेको भन्दै त्यस विपरीत काम नगर्न सचेत गराइएको छ ।  नेपाल केबुल टेलिभिजन महासंघले  राष्ट्रिय प्रसारण निमावली छैटौं संशोधन जारी गरेको बिरोधमा च्यानलहरुको प्रसारण रोकेको जनाएको छ 

भुकम्पीय जोखिमबारे थाहा पाउन सकिने सफ्टवेयर पहिलो पटक नेपालमा भित्रिएको छ ।  शहरी विकास तथा भवन निर्माण विभाग र युएन ह्याविट्याटको आयोजनामा आज बिहान काठमाडौमा भएको कार्यक्रममा सफ्टवेयर सार्वजनिक गरिएको हो । सफ्टवेयर मार्फत नेपालका विद्यालय र अस्पतालमा भुकम्पीय सुरक्षा कतिको छ भनेर थाहा पाउन सकिने विभागले जनाएको छ । विद्यालय र अस्पतालामा बढी भिडभाड हुने भएकाले जोखिम न्यूनीकरणका लागि सफ्टवेयर लागु गरिएको हो । यो सफ्ट्वेयर विभागको कार्यालय मार्फत निःशुल्क रुपमा पाउन सकिन्छ ।

आज माघ २ गते, राष्ट्रिय भुकम्प सुरक्षा दिवस देशभर मनाईदैछ । विक्रम सम्बत १९९० साल माघ २ गते नेपालमा महाभुकम्प गएर जनधनको ठूलो विनास भएको संझना गर्दै हरेक बर्ष भुकम्प सम्बन्धी जनचेतना पैmेलाउन यो दिवस मनाईन्छ ।