शिक्षक सेवा आयोगले शिक्षकका लागि खुलाएको आवेदन दिने समय एक हप्ता थप गरेको थियो । यसअघि एक महिनाका म्यादसहित भोलिसम्म आवेदन दिने समय भएकोमा एक हप्ता थपिएको आयोगले जनाएको छ । १७ वर्षपछि आयोगले खुला विज्ञापन गरेको र आवेदन दिनेहरुको भीड बढिरहेकाले सुविधा दिन भन्दै समय थपिएको आयोगले बताएको छ । फागुन ४ गतेदेखि भने दोब्बर दस्तुर बुझाएर एक हप्ता आवेदन दिन पाइने पनि आयोगले जनाएको छ ।
एकीकृत नेकपा माओवादीको सातौं राष्ट्रिय महाधिवेशन मकवानपुरको हेटौडामा सुरु भएको छ । महाधिवेशनको अध्यक्ष पुष्पकमल दाहाल प्रचण्डले पानसमा बत्ति बालेर उद्घाटन गर्नु भएको छ । अध्यक्ष दाहालसहित उपाध्यक्ष द्वय डा बाबुराम भट्टराई, नारायणकाजी श्रेष्ठ लगायतका पार्टीका शीर्ष नेताहरु महाधिवेशनको उद्घाटनसत्रमा सहभागी हुनु भएको छ । एमाले, काङ्ग्रेस लगायतका राजनीतिक दलका नेताहरु पनि उद्घाटन सत्रमा उपस्थित भएका छन् । बिभिन्न मुलुकका राजदूत र कुटनितीज्ञहरुको पनि महाधिवेशनको उद्घाटनसत्रमा सहभागिता रहेको छ । उद्घाटन समारोहलाई अहिले बिभिन्न राजनीतिक दलका प्रतिनिधि,कुटनितिक नियोगका प्रतिनिधिहरुले सम्बोधन गर्नेक्रम चलिरहेको छ ।उद्घाटन समारोहमा स्वागत मन्तव्य राख्दै उपाध्यक्ष नारायणकाजी श्रेष्ठले सातौं महाधिवेशनले पार्टीको मात्र नभइ सिङ्गो मलुकलको निकास, विकास र नेपाली समाजको आमुल परिवर्तनसँग महत्व राख्ने बताउनुभयो । जनताको अधिकारलाई सुनिश्चित गर्न र लोकतन्त्र तथा न्यायको पक्षमा समेत महाधिवेशनले उचित कार्यनिती पारित गर्ने उपाध्यक्ष श्रेष्ठको भनाइ छ । सङ्क्रमणकाललाई छिटोभन्दाछिटो निष्कर्षमा पु¥याउनको लागि आफूहरु लागेको जानकारी दिदै श्रेष्ठले महाधिवेशनसँगै मुलुकले उचित निकास पाउने पनि दावी गर्नभयो । हुप्राचौरमा सुरु भएको उद्घाटन समारोहअघि विभिन्न चार वटा नाकाबाट जुलुस समेत निकालिएको थियो । महाधिवेशनमा देशभरका झन्डै तीन हजार प्रतिनिधि सहभागी हुने माओवादीले जानकारी दिएको छ । महाधिवेशन सुरक्षाका लागि स्थानीय प्रशासनले १४ सय सुरक्षाकर्मी र पार्टीले झन्डै ६ सय वाईसीएल कार्यकर्ता परिचालन गरेको छ । हेटौडामा सुरक्षा व्यवस्था निकै कडा पारिएको छ । हेटौडा सहर यतिबेला महाधिवेशनको झन्डा, व्यानर र स्वागतद्वारहरूले सिङ्गारिएको छ । बन्दसत्र भने भोलिदेखि हेटौडा कपडा उद्योग परिसरमा हुने व्यवस्था गरिएको छ । २१ वर्षपछि हुन लागेको यो महाधिवेशनलाई एकीकृत माओवादीले एकताको महाधिवेशन भनेको छ । २०४८ सालमा छैटौ राष्ट्रिय महाधिवेशन भएको थियो
नेपाल विद्युत प्राधिकरणले लोडसेडिङ केही घटाएको छ । दैनिक १४ घण्टा लोडसेडिङ गर्दै आएको प्राधिकरणले आइतवारदेखि लागू हुने गरी लोडसेडिङ दैनिक दुई घण्टाले घटाएर १२ घण्टामा झारेको हो ।प्रधानन्त्रीको ठाडो आदेशमा केही दिनअघि देखि अनौपचारिक रुपमा लोडसेडिङको समयमा केही हेरफेर गरेको प्राधिकरणले आगामी आइतवारदेखि औपचारिकरुपमै दैनिक दुई घण्टा घटाउन लागेको हो । नदीमा पानीको जलस्तर घट्ने क्रम तीव्र रहेता पनि भारतबाट आयातित विद्युत् आपूर्तिमा केही सुधार भएको तथा सूर्यास्तको समय परिवर्तन भएका कारण साबिकमा हुँदै आएको विद्युत्भार कटौतीको तालिकामा हेरफेर गरिएको प्राधिकरणले जनाएको छ ।यसअघि माघ ६ गतेदेखि हप्तामा ९७ घन्टा लोडसेडिङ गर्दै आएको प्राधिकरणले अब हप्तामा ८४ घन्टा विद्युत कटौती गर्ने छ । परिवर्तित तालिकाअनुसार अब हप्ताको सातै दिन १२ घन्टा विद्युत कटौती हुनेछ
 |
एकीकृत माओवादीको शनिबारबाट हेटौँडामा हुन गईरहेको सातौ राष्ट्रिय महाधिवेशनलाई दृष्टिगत गरी हेटौँडा नगरपालिका क्षेत्रभित्र मादक पदार्थको बिक्री,वितरण र सेवनमा कडाई गरिएको छ ।
 |
| Press release of General Convention of CPN Maoist |
जिल्ला प्रशासन कार्यालय मकवानपुरले शुक्रबारबाट माघ २६ गतेसम्मका लागि साँझ परेपछि बिक्री वितरण र सेवनमा रोक लगाएको छ । शान्ति सुरक्षालाई चुस्तदुरुस्त राख्न साँझ परेपछि मदिराको बिक्री वितरण र सेवनमा निषेध गरिएको मकवानपुरका प्रजिअ भण्डारीले बताउनुभयो । जिल्ला प्रशासनले दैनिक साँझ ६ः०० बजेबाट भोलिपल्ट विहान ६ः०० वजेसम्मका लागि मदिरा बिक्री वितरण र सेवनमा रोक लगाइएको हो । स्थानीय प्रशासन ऐन २०२८ को दफा ६ को ३ (क) को अधिकार प्रयोग गरी प्रशासनले मादक पदार्थको विक्री, वितरण, सेवनलगायतका कानुनले निषेध गरेका कार्य नगर्न नगराउन भनेको छ । प्रशासनले सार्वजनिक सूचना प्रकाशित गरी सूचनाको बर्खिलाप गरे र गराइएको पाइएमा कानुन बमोजिम गर्ने जनाएको छ । nepalsambad.com ले यो खबर प्रकासित गरेको छ |
मेक्सिकोको एक तेल कम्पनीको कार्यालयमा विष्फोट हुँदा १४ जनाको ज्यान गएको छ । झण्डै १ सय जना घाइते भएका छन् । मेक्सिको सिटीमा रहेको पेमेक्स तेल कम्पनीको मुख्यालयमा विष्फोट भएको अन्तर्राष्ट्रिय सञ्चारमाध्यमले जनाएका छन् । विष्फोट भएको भवनबाट ३ हजार ५ सय मानिसलाई सकुशल उद्दार गरिएको छ । विष्फोटका कारण भवनका तीनवटा तलामा क्षति पुगेको छ । विष्फोटको कारण खुल्न नसकेपनि कम्पनीले विद्युत आपूर्ति गर्ने उपकरणमा आएको गडबडीका कारण घटना भएको हुन सक्ने आशंका गरेको छ । पेमेक्स कम्पनीमा यसअघि पनि विष्फोटका घटना भएको अन्तर्राष्ट्रिय सञ्चारमाध्यमले जनाएका छन् । गएको सेप्टेम्बरमा उत्तरी मेक्सिकोमा रहेको पेमेक्सको प्राकृतिक ग्याँस कम्पनीमा विष्फोट हुँदा ३० जनाको ज्यान गएको थियो । त्यसअघि सन् १९८४ मा ग्याँस कम्पनीमा विष्फोट हुँदा ३ सय जनाको र त्यसको आठ वर्षपछि भएको अर्को विष्फोटमा २ सय जनाको ज्यान गएको थियो । १५ सय जना घाइते भएका थिए
दाङमा एक किशोरी माथि सामुहिक बलात्कार भएको घटना सार्वजनिक भएको छ । हापुर गाविस ४ की १६ वर्षीया एक किशोरीलाई माघ १३ गते राती ९ बजे दुई युवाहरुले सुतिरहेको युवतीलाई लतारेर बाहीर निकाली घरदेखी केही टाढा लगेर सामुहिक बलात्कार गरेको घटना सार्वजनिक भएको हो । हापुर २ का १९ वर्षीय देवेन्द्र गिरी र सोही ठाउँका १८ वर्षका माधव गिरीले सामुहिक बलात्कार गरेको पीडित किशोरीले बताउनु भएको छ । घटना भएको अर्को दिन १४ गते पीडित किशोरीले आफूलाई जबरजस्ती बलात्कार गर्ने ति युवाहरुको नाममा जाहेरी दिएपछि प्रहरीले अभियुक्तहरुलाई १६ गते पक्राउ गरेको थियो । पीडित किशोरीकी बुवा अर्को बिहे गरेर झापामा बस्दै आएको र आमा पनि विवाह गरेर अन्तै गएपछि मामा माइजुको घरमा बस्दै आउनु भएको छ । .jpg)
Posts
