समाजमा सेक्स र अपराध सबैभन्दा धेरै चासो राखिने विषयहरु हुन् । समाजको जो कोही मानिस अरु विषयमा भन्दा सेक्स र क्राइमको बारेमा बढि बुझ्न र सुन्न चाहन्छ । सेक्स भन्ने विषय सर्वव्यापी मात्र होइन वयस्क व्यक्तिको लागि अनिवार्य कुरो पनि हो । अझ पछिल्लो समयमा समाजमा खुल्लापन बढ्दै गएकाले समाज सेक्सको विषय पनि तुलनात्मक रुपमा उदार बन्दै गएको छ । हुनत जतिसुकै अनुदार समाजमा पनि सेक्स भन्ने कुरामा बन्देज लगाउन सकिने कुरै हुँदैन । त्यसैले होला परापूर्वकालदेखिनै सेक्सका बारेमा विभिन्न साहित्य रचिँदै आए, विभिन्न किम्वदन्ती बनाइए तथा विभिन्न प्रयोगहरु गरिए । समाजका विगतदेखि नै चलिआएका सेक्स बारेका केही त्यस्ता कथनहरु तथा व्यवहारहरु छन् जो अहिले पनि पूरै डेट एक्सपाएर भैसकेका छैनन् । अशिक्षित समाजमा मात्र होइन बुज्रुकहरुले समेत यस्ता परम्परागत सेक्सका मान्यताहरु अवलम्वन गर्दै आएका छन् । यहाँ हामीले सेक्सका विषयमा समाजमा रहेका केही त्यस्ता रोचक तथा अनौठा लाग्ने परम्परा तथा प्रयोग र भनाइहरु प्रस्तुत गरेका छौँ जसमा कुनै वैज्ञानिक आधार छैन तरपनि समाजमा यसबारेमा पर्याप्त जनविश्वास छ । १. धेरै हस्तमैथुन गर्ने पुरुषको हत्केलामा भुत्ला पलाउँछन् । २. सेक्स गरेपछि साबुनपानीले योनी पखालेमा गर्भ रहँदैन । ३. सेक्स गरेपछि पिसाब फेरेमा गर्भ रहँदैन । ४. सेक्स गरेलगत्तै महिला दौडिने र उपि|mने गरेमा गर्भ रहँदैन । ५. अश्लील चलचित्र हेर्न पुरुष हिंश्रक हुन्छ । ६. महिलाले सम्भोगका बेला कुनैपनि हालतमा चरम आनन्द प्राप्त गर्न सक्दैनन्, मात्र आनन्द प्राप्त गरेको नाटक गर्छन् । ७. एस्पिरिन जस्तो दुखाइ कम गर्ने औषधिले गर्भाधारण रोक्छ, एस्पिरिन खाने महिलाले परिवार नियोजन गर्नै पर्दैन । ८. एउटा भन्दा दुइवटा कण्डम लगाएर सेक्स गर्दा बढि यौन आनन्द तथा सुरक्षा प्राप्त हुन्छ । ८. महिलाले पहिलोचोटी सेक्स गर्दा गर्भ रहँदैन, दोश्रो तेश्रो पटकबाट मात्र गर्भ रहन्छ । ९.महिनावारी भएको बेलामा महिलाले जति सम्भोग गरेपनि गर्भ रहँदैन । १०. विवाहअघि सेक्स गरेको महिलामा बिहेपछि सेक्सको रुची कम हुन्छ र बिहे अघि सेक्स गरेको कुरा लोग्नेले पत्तो पाउँछ । ११. केटा मान्छे १८ वर्षको उमेरमा यौनक्षमताको चरमचुलीमा पुगेका हुन्छन् । १२. जति लामो समयसम्म सेक्स गर्नसक्यो उति राम्रो ।

मेरो एफएम ९३.५ मा नेपाल पत्रकार महासंघको प्रतिष्ठान शाखा गठन गरिएको छ । नेपाल पत्रकार महासंघ, प्रतिष्ठान शाखाका संयोजक बालकृष्ष्ण बस्नेत र सह–संयोजक मातृकाप्रसाद पौडेलको संयोजकत्वमा बसेको बैठकले  हरिबल्लभ नेपालको अध्यक्षतामा ९ सदस्यीय कार्य समिति पनि गठन गरेको छ ।
नव गठित कार्य समितिमा उपाध्यक्ष बिन्दु त्रिपाठी,सचिव राजन गौतम, कोषाध्यक्ष राजीव खत्री, सदस्यहरुमा  सीमा शर्मा, तारा फुंयांल,  रामकुमार श्रेष्ठ,जीवन बास्कोटा र प्रियंका बुढाथोकी रहनुभएको छ । कार्यक्रममा नेपाल पत्रकार महासंघका प्रतिष्ठान शाखा संयोजक बालकृष्ण बस्नेतले नवगठित शाखा महासंघले पारित गरेको र श्रमजीवी पत्रकार ऐन कार्यान्वन लगायतका विषय  लागु गर्न सक्रिय हुने विश्वास व्यक्त गर्नुभएको छ । कार्यक्रमा सहसंयोजक मातृका पौडेल , न्युज टवाण्टीफोर शाखाका उपाध्यक्ष नारायण भण्डारी, नेपाल पत्रकार महासंघ उज्यालो एफएमका अध्यक्ष रोशन पुरी लगायतले शाखाको सफलताको शुभकामना व्यक्त गर्नुभएको थियो । त्यस अवसरमा मेरो एफ एमका प्रबन्ध निर्देशक बलराम श्रेष्ठले शाखामा पत्रकार कल्याणकारी कोषका लागि रु ५ हजार प्रदान गर्नुभएको छ ।