सामान्य मान्छे मात्र नभई कहलिएका मान्छेलाई पनि यो समस्याले सताउने गरेको छ । ओस्कार अवार्ड विजेता हलिउड अभिनेता जर्ज क्लुनी युवावस्थामा अनुहारको पक्षाघात -बेल्स पाल्सी) ले पीडित थिए । उनले केही समयअघि सञ्चारमाध्यमलाई बताएअनुसार केही व्यक्तिले उनको हाई स्कुल पढ्दाताकाको तस्बिर उनलाई देखाएर नराम्रो देखिएको टिप्पणी गरेका थिए । त्यतिबेला उनले आफूलाई अनुहारको पक्षाघात भएको जानकारी दिएका थिए ।
अनुहारको पक्षाघात भनेको मुहारका दुवैतर्फका नशामध्ये एउटाको क्षतिको परिणामस्वरूप अनुहारको एकातर्फ अस्थायी कमजोरी वा मांसपेशीको पक्षाघातले उत्पन्न अवस्था हो । बेल्स पाल्सीले अनुहारलाई मात्र प्रभावित गर्छ । यसैले कुनै व्यक्तिको शरीरका अन्य भागमा कमजोरी वा लक्षण भए त्यसो हुनुको कारण अर्को हुन सक्छ । चिकित्सा तथ्यपत्रअनुसार वयस्कमा हुने करिब ७५ प्रतिशत अनुहारको पक्षाघातको कारण बेल्स पाल्सी नै हो । 'यो रोग देखिनासाथ तुरुन्त स्नायु विशेषज्ञको सल्लाहमा उपचार थाल्नुपर्छ,' त्रिवि शिक्षण अस्पतालका वरिष्ठ स्नायु रोग विशेषज्ञ प्राडा. जगदीशप्रसाद अग्रवालले भने, 'यसको उपचारभन्दा पनि प्रबन्धन गर्नु महत्त्वपूर्ण हुन्छ ।' यो रोग अनुहारको सात नम्बरको नशा क्षतिग्रस्त हुँदा हुन्छ । तर यो स्थायी भने होइन । यसको खासै कुनै उपचारसमेत छैन ।

 फुलटेक्रा रकर्स क्लब नेपालगन्जले सीटी कलेज टी २० क्रिकेट प्रतियोगिता -२०६८ को उपाधीमाथि कब्जा जमाएको छ। नेपालगन्ज युथ क्लबको आयोजनामा स्थानीय मंगलमाविमा भएको फाइनल खेलमा रकर्सले रोयल स्पोर्टसलाई ५ विकेटले पराजित गर्दै उपाधी हात पारेको हो।
रकर्सले टस जितेको सो खेलमा रोयलले पहिले व्याटिगं गर्दै १८.५ ओभरमा सबै विकेट गुमाई ११७ रन बनाएको थियो। कप्तान महेश क्षेत्रीले सर्वाधिक ३२ र ईमरान सिद्दिकीले २१ रन बनाएका थिए। रकर्सका रोहित राना र निर्मल ओलीले ३-३ विकेट लिएका थिए। प्रतिउत्तरमा ११८ रनको विजयी लक्ष्य लिएर खेल्न आएको रकर्सले १७.५ ओभरमा ५ विकेट गुमाउदै १२० रन बनाएपछि जित निश्चित भएको थियो।

कमजोर भौतिक पूर्वाधार र फितलो व्यवस्थापनका साथ सुदूर पश्चिमको धनगढीमा आइतबार छैटौं राष्ट्रिय खेलकुद सुरु हुँदै छ। सुदूरपश्चिमले पहिलोपटक आयोजना मौका पाएको यो खेल महोत्सवको उद्घाटन राष्ट्रपति रामवरण यादवले गर्नेछन्।   
आठ दिन चल्ने राष्ट्रिय खेलकुदमा नेपाली सेनाको टोली भने सहभागी हुने छैन। पाँच विकास क्षेत्र, नेपाल प्रहरी, सशस्त्र प्रहरी, माओवादीको पिएलए र विश्वविद्यालय गरी नौ टोलीका खेलाडीले ३१ खेलमा प्रतिस्पर्धा गर्नेछन्। २ हजार २ सय ३४ पुरुष र १ हजार ३ सय ८५ महिला खेलाडीसहित करिब ५ हजार खेलकर्मी सहभागी हुनेछन्। 
सुदूरपश्चिमका धनगढी र महेन्द्रनगर लगायत स्थानमा प्रतिष्पर्धा हुनेछ। पहिलो दिन नौ खेल हुने आयोजकले जनाए।

सिद्धार्थ बैंकले संघसंस्था र सर्वसाधारणका लागि ४० करोड रुपैयाँको ऋणपत्र (डिबेन्चर) बिक्री गर्ने भएको छ । बैंकले ‘एसबीएल डिबेन्चर २०७५’ ऋणपत्र निष्कासन अनुमतिका लागि करिब दुई साताअघि धितोपत्र बोर्डमा निवेदन दिएको छ । बोर्डले यसलाई स्वीकृत गर्न बाँकी छ ।
बोर्डलाई दिइएको प्रस्तावअनुसार डिबेन्चर किन्नेले वार्षिक ११ प्रतिशत ब्याज पाउनेछन् । बैंकले डिबेन्चरको सावाँ सात वर्षमा फिर्ता गर्नेछ । “यो डिबेन्चरमा लगानी गर्नेले अर्ध–वार्षिक रूपमा ब्याज पाउनेछन्,” बैंकका वित्त तथा लेखा प्रबन्धक रामचन्द्र खनालले भने ।
राष्ट्र बैंकको निर्देशनअनुसार पुँजी पर्याप्तता अनुपात कायम गर्न डिबेन्चर निष्कासन गर्न लागेको बताउँदै खनालले भने, “बोर्डवाट फागुनसम्ममा निष्कासन अनुमति पाए चैतको पहिलो सातामा बिक्री खुला हुनेछ ।”

घरजग्गा व्यवसायमा समस्या भए पनि नयाँ अपार्टमेन्ट तथा हाउजिङमा लगानी गर्नेहरू १० महिनायता बढेका छन् ।
सहरी विकास तथा भवन निर्माण विभाग डिभिजन कार्यालय काठमाडौंका अनुसार २०६८ का १० महिनामा नयाँ र पुराना घरजग्गा व्यवसाय गर्ने कम्पनीले १ हजार ६ सय १० नयाँ अपार्टमेन्ट र हाउजिङ बनाउन स्वीकृति लिएका छन् । २०६७ मा ९ सय ७० नयाँ अपार्टमेन्ट तथा हाउजिङ बनाउन स्वीकृति लिइएको थियो । यो तीन वर्षयताकै बढी हो । गत माघमा मात्रै दुई नयाँ कम्पनीले घरजग्गा व्यवसाय गर्ने स्वीकृति लिएका छन् ।
व्यवसायीले यसलाई घरजग्गा व्यवसायको सुधार मानेका छन् । “नयाँ–नयाँ परियोजना आउने क्रम सुरु हुनु घरजग्गा कारोबारमा सुधारको संकेत हो,” नेपाल जग्गा तथा आवास विकास संघका सचिव भेषराज लोहनीले भने, “पछिल्ला महिनादेखि यो क्षेत्रमा केही सुधार भएका छन् ।”

 नेपाली कांग्रेसबाट व्रि्रोह गरी कांग्रेस प्रजातान्त्रिक गठनमा निकै महत्वपुर्ण  भूमिका खेलेका   पूर्वमन्त्री  चिरञ्जीवी वाग्ले र कांग्रेसबाटै फोरम राजनीतिमा लागेका जयप्रकाश प्रसाद गुप्तालाई राख्न डिल्लीबजार कारागार प्रशासनले लाइबे्ररी नै फुटाउनुपरेको हो । 
भ्रष्टाचार अभियोगमा जेल सजाय पाएका विशिष्ट अभियुक्तलाई राख्न डिल्लीबजार कारागार प्रशासनले लाइब्रेरीलाई एउटा कुनामा थन्क्याएर कोठालाई आधा/आधा गरी बारेको छ । जेलमा कोठा नभएपछि एक वर्षघि पूर्वमन्त्री वाग्लेका लागि लाइब्रेरीको आधा भाग फुटाइएको थियो । 
कारागार व्यवस्थापन विभागका महानिर्देशक दुर्गाप्रसाद भण्डारीका अनुसार खाली कोठा नभएकाले उनीहरूलाई एउटै ब्लकको पनि पुस्तकालय नै विभाजित गरेर राख्नुपरेको हो । 'कैदी बन्दीको संख्या अत्यधिक छ, त्यसैले पनि पुस्तकालयको कोठा बारेर आधा/आधा बनाउनुपरेको हो,' 

 हिरोइन ऋचा घिमिरेले फिल्म 'तुलसी'को पोस्टर सार्वजनिक गरेको भोलिपल्ट अर्की हिरोइन रेखा थापाले 'रावण'को प्रोमो निकालेकी छिन्। ऋचाले मंगलबार आफ्नो २९ औं जन्मदिनमा पोस्टर रिलिज गरेकी थिइन्। रावणको पोस्टर यसअघि नै रिलिज भइसकेको छ।
दुवै फिल्मको रिलिज डेट पनि सँगैसँगै हुने सम्भावना छ। कमलकृष्णको निर्देशनमा बनेको 'रावण'लाई चैत २७ मा रिलिज गर्ने योजना रेखाको छ भने ऋचाले नयाँ वर्ष ताकेकी छिन्। 'तुलसी'को सुटिङ अगाडि गरिएको भए पनि रिलिजमा 'रावण'ले उछिनेको छ।

 फिल्म 'साथी म तिम्रो'को पत्रकार सम्मेलनमा अभिनेत्री रेखा थापाले भुवन केसीलाई 'थुप्रै शताब्दीदेखि क्रियाशील अभिनेता' भनेर व्याख्या गरिन्। रेखाको गल्ती सुनेर पत्रकार पंक्तिमा हाँसोको पर्रा छुट्यो।

मधेसी जनअधिकार फोरम गणतान्त्रिकले सरकार गठनताका माओवादीसँग भएको चारबुँदे सहमति कार्यान्वयनका लागि समिति गठन गर्ने निर्णय गरेको छ ।फोरम गणतान्त्रिकको केन्द्रीय कार्यसमितिको शनिबार बैठकले चारबुँदे सहमतिको कार्यान्वयनको स्थिति र सहमति पालनाको समीक्षाका लागि स्पष्ट कार्यादेश बनाउन कार्यवाहक अध्यक्ष राजकिशोर यादवलाई आफ्नै नेतृत्वमा तीन सदस्यीय समिति गठन गर्ने गरी जिम्मेवारी दिएको छ ।

 ‘लुट’ले पहिलो सातामै लगानी उठाइसकेको हो । ३० लाखमा बनेको सिनेमाले सात दिनमा १ करोड १० लाख ग्रस कलेक्सन गरिसकेको थियो । ४२ दिनसम्म आइपुग्दा २ करोड ५५ लाख (अलनेपाल ग्रस) र ओभरसिज (अष्ट्रेलिया र अमेरिका) ५० लाखसहित ३ करोड ०५ लाख कूल सेलिङ भैसकेको छ जसलाई निकै प्रयत्नपछि डीसीएनले सार्वजनिक गरिदिएको छ । आगामी १९ गते ५१ दिनको डे अभ सक्सेस मनाइरहँदा ‘लुट’को भावी पिकअपबारे विमर्शहरू अवश्य हुनेछन् 
निर्मातामध्येका एक नरेन्द्र महर्जनले त ५१ दिनपछि ‘हंगामा’ हुने भविष्यवाणी नै गरे । बक्सअफिस स्थापनाको कारण देखाएर नेपाली सिनेमाको एउटा वर्गले ‘लुट’को आम्दानीलाई वाहियात भन्न सक्छ ।

पोस्टर विदेशी सिनेमाबाट प्रभावित हुने प्रवृत्ति पछिल्लो समय बढेको छ । ‘साथी म तिम्रो’, ‘चपली हाइट’ पछि ‘माइ लाइफ’को पोस्टर पनि हलिउड सिनेमाबाट प्रभावित छ । चैत १० गते रिलिज हुने थ्रीलर सिनेमा ‘माइ लाइफ’को पोस्टर टम क्रुज स्टारर ‘भल्काएर’सँग दुरुस्त छ । जीवन रसाइली निर्देशित सिनेमाले चैत ३ को पूर्वनिर्धारित रिलिज डेट स्थगन गरेर १० गते पोस्टपोन्ड गरेको हो । सुरज आरडी, झरना बज्राचार्य अभिनित सिनेमा अलनेपाल रिलिज हुँदैछ ।

त्यसो त चलचित्र आई एम सरीको प्रोमोहरु विभिन्न टेलिभिजनमा रिलिज भए देखी नै प्राय चलचित्रकर्मीहरुले र दर्शकले अनुमान लगाएका हुन् कि नायक आर्यन सिग्देल र नायिका केकी अधिकारीको जोडी राम्रो मिलेको छ भनेर नभन्दै चलचित्र रिलीज भए पछि पनि त्यस्तै भयो उनीहरुको जोडी चलचित्रमा राम्रैसंग जमेको पाईयो । सुन्दर नायिका र हेण्सम नायकको जोडीले चलचित्र हेर्ने दर्शकलाई उनीहरु रिल मात्रै नभएर साँच्चिकै रियलमा पनि जोडी त होईनन् भन्ने शंका उब्जाई दियो । प्राय जसो नायिकाहरुसंग चलचित्रको काम सकिए पछि त्यति सम्पर्कमा रहन नचाहने नायक आर्यन सिग्देल नायिका केकी अधिकारीसंग भने राम्रैसंग नजिकीएका रहेछन् ।

अचानक नेपाली सिनेमा उद्योगमा भित्रिएकी अभिनेत्री संयूक्ता राणाले राजेश हमाल बाहेक अरू कुनै सिने सेलिब्रेटीलाई आफूलाई नचिन्ने बताएकी छिन् । शुक्रबार चलचित्र काठमाण्ठूले आयोजना गरेको प्रेस मिटमा भेटिएकी राणाले फिल्मीखबरको विविध जिज्ञासामा भनिन्, 'म राजेश हमाल बाहेक अरू कसैलाई चिन्दिन ।'  चलचित्र काठमाण्डू मार्फत सिने कलाकारको ट्याग भिरेकी डिउटी फ्रि ब्यावसायी राणाले राजेश हमालसंग एउटा म्यूजिक भिडियो खेलेकी थिईन् जुन उनको फष्ट क्यामेरा फेस थियो । हमालसंगको पहिलो भेटबाट उनको आनिबानी र पर्सनालिटीले मात खाएकी राणाले मौका मिले हमालको अपोजिटमा फिल्म खेल्न आफू तयार रहेको समेत बताईन् । राजेश हमाल बाहेक अरू कुन हिरोहरूसंग अपोजिटमा खेल्न मन छ ? भन्ने प्रश्नमा उनले कुनै पनि हिरोहरूको नाम लिन सकिनन् । यति सम्मकी काठमाण्डूमा उनको अपोजिटमा खेलेका अर्जुन श्रेष्ठको नाम समेत उनले भन्न सकिनन् । 'म कुन दुनियाँको मान्छे कुन दुनियाँमा आए त्यसैले आर्टिष्ट चिन्न मलाई धेरै समय लाग्छ', उनले भनिन् । संयुक्ताले काठमाण्डूका निर्देशक आकाश अधिकारी, संगितकार राहुल प्रधान बाहेक अरूको नाम लिन सकिनन् । सिनेमा भित्र उनको साथीको भूमिकामा खेलेका सुनिल दत्त पाण्डेको नाम उच्चरण गर्न समेत उनलाई गाहो पर्‍यो ।

एघारौ महिनामा आएर सिनेमाको ब्यापारमा सुधारको संकेत देखिएको छ । नयाँ कन्सेप्ट सहितका सिनेमा निर्माण भैदिंदा र युवा दर्शक नेपाली फिल्म प्रति आकर्षित भैदिंदा विग्रिएको सिने उद्योगमा उत्साह थपिएको छ ।  दशौ महिनाको सुरूवातबाट लुटले सिने बजारमा तहल्का मच्चाईदिंदा अहिले लुट पछि रिलिज भएको चलचित्रका निर्माता निर्देशकहरू केही हर्षित बनेका छन् । राम्रा सिनेमा निर्माण भईदिंदा समेत दर्शक हलसम्म नगएको अवस्थामा लुटबाट पुनः सुरू भएको दर्शक हल जाने प्रक्रियाले खस्किएको उद्योगमा राहत मिलेको छ । लुटले साढे दुई करोडको छेकोमा गस्र बटुलेको अवस्थामा त्यस पछाडीका सिनेमाले पनि आफूलाई कलेक्सनमा अब्बल तुल्याई रहेको छन् ।