चलचित्रकी नायिका सुमिना घिमिरेले मंगलबार साँझ अनलाइनखबरका रंग पत्रकार विजय ‘आवाज’ लाई ज्यान मार्ने धम्की दिएकी छिन् । बेलुकी साढे ५ बजे फोन गरेर नायिका घिमिरेले ‘टाउको झोलामा र खुट्टा खोलामा पुर्याइदिने’ धम्की दिएकी हुन् ।मंगलबार अनलाइनखबरमा ‘सोझीबाट हट हुँदा पनि चलिनन् सुमिना’ शीर्षकमा नायिका सुमिनाले खेलेका चलचित्र नचलेको र फिल्म घाटामा गएको समाचार प्रकाशित भएको थियो । समाचारमा नायिकाको व्यक्तिगत विषयमा कुनै टिप्पणी नगरी चलचित्रमा उनले सफलता पाउन नसकेको मात्र विश्लेषण गरिएको थियो । तर, यसै विषयलाई लिएर उनले पत्रकारलाई फिल्मी डायलगमा धम्की दिएकी हुन् ।फोनमा सुमिनाले मेरो बिरुद्धमा किन समाचार लेखेको, मेरो बारेमा नराम्रो र राम्रो दुबै समाचार नलेख भन्दै धम्काएकी हुन् । ‘तेरा बाउले बनाएको सिनेमा हो ? तँ साले प्रोड्युसर होस् ?’- सुमिनाले फोनमा भनिन् ।यस्तै उनले तँ साले खाते, भन्दै पत्रकार आवाजलाई मारेर फालिदिने धम्की दिएकी हुन् । ‘तँ सालेले मलाई चिनेको रैनछस्, तेरो टाउको झोलामा र खुट्टा खोलामा पुर्याइदिन्छु ।’- नायिका घिमिरेले फोनमा धम्काउदै भनिन् । करिब ४ मिनेट फोन गरेकी घिमिरेले पत्रकार आवाजलाई असभ्य भाषामा गाली गरेको अडियो रेकर्ड अनलाइनखबरसँग सुरक्षित छ ।
नेपाली मिडियामा चलचित्रहरु र त्यसमा अभियन गर्ने नायक नायिकाहरुका विषयमा समीक्षा हुनुलाई समान्य मानिन्छ । सुमिनाका बारेमा अनलाइनमा छापिएको समाचारमा सुमिनाले खेलेका चलचित्रबारे समीक्षा गरिएकोमा यसैलाई आधार मानेर ‘टाउको झोलामा खुट्टा खोलामा’ भन्दै नायिकाको धम्कीले उनी चलचित्रमा मात्रै असफल हैन, सांस्कृतिक स्तरको हिसाबले पनि कमजोर छिन् भन्ने देखाएको छ । नायिका जस्तो संस्कृतिकर्मीले यस्तो तल्लोस्तरको भाषा बोल्ला भनेर सभ्य समाजमा कल्पनासम्म गर्न सकिँदैन ।
अनलाइनखबरले खबर प्रकाशित गरेको छ |
गाली गरेको अडियो रेकर्ड
नेपाली सेनाको आग्रहमा सुचना तथा संचारमन्त्रलायले प्रदर्शनमा रोक लगाएको चलचित्र ‘वधशाला’ अन्ततः चल्ने भएको छ । चलचित्रलाई सेन्सर बोर्डले पीजी सर्टिफिकेट दिएको चलचित्रका निर्माता मोहन डोटेलले बताए ।मनोज पण्डितको निर्देशनमा तयार भएको यो चलचित्रमा अनुप बराल, सौगात मल्ल, दयाहाङ राई लगायतका कलाकारको अभिनय छ । युद्धकालमा नेपाली सेना र तत्कालिन नेकपा माओवादी बिच भएको घटनालाई उठाएको चलचित्र वधशाला लाइ नेपाली सेनाले प्रत्यक्ष हस्तक्षेप गरेपछि यसको सर्वत्र विरोध भएको थियो ।
एसीसी ट्वान्टी-२० कप क्रिकेटको उपाधी लगातार चौथो पटक अफगानिस्तानले जितेको छ ।नेपाललाई ७ विकेटले पराजित गर्दै अफगानले उपाधी रक्षा गरेको हो । अघिल्ला खेलहरुमा जस्तो व्याटिङ र बलिङ दुबै चल्न नसक्दा पहिलो पटक फायनल पुगेको नेपाल उपविजेतामा सिमित भएको छ ।नेपालले प्रस्तुत गरेको १ सय ३६ रनको विजयी लक्ष्य अफगानिस्तानले १३ बल बाँकी छँदा मात्र ३ विकेटको क्षतिमा भेट्टयो । उसका लागि गुल्वादिन नाभीले अविजित ४३ रन बनाए । नेपालका कप्तान पारस खड्का र शक्ति गौचनले समान १-१ विकेट लिए ।
यसअघि त्रिबि क्रिकेट मैदानमा टस हारेर पहिले व्याटिङ थालेको नेपालले २० ओभरमा ५ विकेटको क्षतिमा १ सय ३५ रन बनाएको थियो ।
Posts
