बलिउडका नम्बर एक अभिनेता सलमान खानले आज बिहिबार आफ्नो ४७ औँ जन्मदिन मनाएका छन् । सन् १९६५ को डिसेम्बर २७ मा मध्यप्रदेशको इन्दोरमा जन्मिएका सलमानलाई जन्मदिनको उपलक्ष्यमा बलिउड सहकर्मी तथा लाखौँ फ्यानहरुले शुभकामना दिएका छन् । सलमानलाई जन्मदिनको बधाइ दिन उनको घरमा गन्यमान्य सेलिब्रेटी पुगे छन् भने उनको घर बाहिर शुभेक्षुकको ठूलै घुइँचो लाग्यो ।सन् १९८८ मा फिल्म बीवी हो तो ऐसी बाट बलिउडमा डेब्यू गरेका सलमानले अहिलेसम्म ८० भन्दा बढि बलिउड फिल्ममा अभिनय गरिसकेका छन् ।सलमान खानलाई जन्मदिनको शुभकामना दिँदै निर्माता करन जोहरले टि्वटेका छन्, जन्मदिनको शुभकामना…….आर्शिवादयुक्त वर्ष बनोस् । सोनाक्षी सिन्हाले पनि ह्याप्पी बर्थडे पान्डेजी भनेकी छिन् । त्यस्तै मल्लिका शेरावत तथा नेहा धुपियाहरुले पनि सलमानलाई टि्वटर मार्फत शुभकामना दिएका छन् ।यो वर्ष दुइ हिट फिल्म रिलिज भएका सलमानका लागि सन् २०१२ निकै फाप्यो । उनको फिल्म एक था टाइगरले २ अर्ब भारु भन्दा बढि कमाएर इतिहास रच्यो भने अहिले दबंग टू ले पनि राम्रै व्यापार गरिरहेको छ । त्यस्तै सलमान खानले फेसबुक अकाउण्ट खोलेको, बलिउडमा सबैभन्दा ठूला करदाता बनेको, नशा रोगबाट पीडित बनेर उपचारका लागि अमेरिका गएको जस्ता समाचारले पनि यो वर्ष निकै चर्चा पाए ।