दैलेखमा तनावपूर्ण अवस्था देखिएको छ । एमाओवादीले गर्न लागेको जुलुसलाई बिपक्षीको जुलुसले पछि हट्न बाध्य बनाएको छ । जुन सुकै बेला एमाओवादी र विपक्षी कार्यकर्ताबीच झडपको अवस्था हुने संभावना रहेको छ ।माओवादी बिरुद्ध विपक्षीहरुले नारावाजी गरिरहेका छन् । एमाओवादीको जुलुस भने कार्यक्रमस्थलतर्फ अघि बढी रहेको छ ।पत्रकारहरु प्रहरी घेरामा रहेका छन् । विपक्षीहरुले बिहानै देखि एमाओवादी र विशेष गरेर प्रधानन्त्री आउने भएपछि बन्दको आह्वान गरेर बन्द आन्दोलन गरेका थिए ।
विपक्षी दलले प्रधानमन्त्री डा बाबुराम भट्टराईलाई दैलेख जिल्ला प्रवेशमा रोक लगाउन आज जिल्ला बन्द गराएका छन् । ७ विपक्षी दलले आज दिउँसो २ बजेदेखि ४ बजे सम्मका लागि यातायात र दिनभर सदरमुकाम बन्द गरि प्रदर्शन गर्ने बताएका छन् । ठाउँ ठाउँमा रुख ढालेर सदरमुकाम आउने चारैतिरका नाका बन्द गराएका छन् । एमालेका जिल्ला अध्यक्ष अम्मरबहादुर थापाले प्रधानमन्त्रीले जबरजस्ती प्रवेश गर्न खाजे सयुक्त अवरोध गर्ने जानकारी दिनुभयो । त्यस्तै एकीकृत नेकपा माओवादीले पनि विपक्षीको आन्दोलनलाई मध्यनजर गरि कार्यकर्ता जिल्ला पुर्याएको छ । छिमेकी जिल्लाबाट समेत नेताहरुको सुरक्षाका लागि भन्दै सयौ कार्यकर्ता दैलेख पुगेको एकीकृत माओवादीले जनाएको छ । जिल्ला सम्मेलन उद्घाटनका लागि आजप्रधानमन्त्री भट्टराईका साथै एकीकृत माओवादी अध्यक्ष पुष्पकमल दाहाल प्रचण्ड , उपप्रधानमन्त्री एवं उपाध्यक्ष नारायणकाजी श्रेष्ठ लगायतका नेताहरु दैलेख पुग्ने कार्यक्रम रहेको छ । दुईपक्षबीच झडप हुनसक्ने भन्दै स्थानिय प्रशासनले पनि सुरक्षा कडा पारेको छ ।विपक्षीले बुधबार बिहानै सदरमुकामका सबै घरमा कालोझन्डा राख्ने तयारीसमेत गरेका छन् । बजारको सुरु भाग ततांगदेखि बजारको अन्तिम भाग एमाओवादीको जिल्ला सम्मेलन उद्घाटनस्थल काँडाचौरसम्म कालोझन्डा राखिने एमाले जिल्ला अध्यक्ष अमर थापाले जानकारी दिए ।सम्मेलनस्थलसम्म कालोझन्डा राख्ने घोषणापछि एमाओवादी र विपक्षी दलका कार्यकर्ताबीच झडपको सम्भावना बढेको छ । झडप हुने सम्भावना र त्यसबाट हुन सक्ने खतरा देखेपछि शान्तिसुरक्षाका लागि प्रहरीले सदरमुकाममा सुरक्षाव्यवस्था कडा बनाएको छ । सुर्खेतबाट सुरक्षाका लागि सशस्त्र १ सय ५० र जनपद प्रहरी १ सय १० आइसकेका छन् ।
प्रधानमन्त्रीको विरोधमा विपक्षीले ‘जनसभा’ पनि गर्ने भएका छन् । एमाओवादीको जिल्ला सम्मेलन काँडाचौरमा हुँदै छ भने विपक्षीले टँुडिखेलमा जनसभा गर्ने तयारी गरेका हुन् । बिहान घरघरमा कालोझन्डा राख्ने र नाराजुलुससहित बजार परिक्रमापछि टुँडिखेलमा जनसभा गर्ने तयारी गरिएको राष्ट्रिय जनमोर्चाका जिल्ला अध्यक्ष मयाराम अधिकारीले बताए ।
त्यस्तै विपक्षीले एमाओवादीको जिल्ला सम्मेलन उद्घाटन समारोह कार्यक्रम बहिष्कार गर्ने भएका छन्
स्वैच्छिक अवकाश लिएका लडाकुले सरह आर्थिक प्याकेज माग्दै आन्दोलन गरेका माओवादीको बहिर्गमित लडाकुका कमान्डरसहित तीन जना मोटो रकम लिएर फरार भएका छन् ।सरकारले आन्दोलनमा लागेका अढाईसय भन्दा बढीलाई बाँड्ने गरी सोमबार १५ लाख रुपैयाँ दिएको थियो । शान्ति तथा पुननिर्माण मन्त्रालयले दिएको उक्त रकम लिएर लडाकू आन्दोलनका अगुवा लेलिन विष्टसहित तीन जना हराएको खबर छ ।सम्पर्कबिहीन भएका विष्ट, थर नखुलेका भीम र अर्का एक छन् । विष्टले मन्त्रालयबाट चेक पाएपछि तुरुन्तै साटेका थिए । बेलुका उक्त रकममध्ये चारलाख २५ हजार रुपैयाँ बोेकेर विष्ट सिँचाइमन्त्री महेन्द्रप्रसाद यादवका ज्वाई मनोज अधिकारीलाई लिएर पुल्चोकस्थित मन्त्री क्वाटर पुगेको स्रोतले जनाएको छ ।लेलिन बहिर्गमित जनमुक्ति सेना नेपालका अध्यक्ष थिए । उनले उक्त रकम १५ लाख रुपैयाँबाट एक एक लाख लडाकूका सातवटै शिविरबाट बहिर्गमन भएका लडाकुलाई बाँड्न दिने सहमति भएको थियो.jpg)
माघ १०, काठमाडौ- नवगठित नेकपा-माओवादीका अधिकांश नेताले एमाओवादी अध्यक्ष पुष्पकमल दाहाल र प्रधानमन्त्री बाबुराम भट्टराई 'भारतको इमानदार दलाल ' भएको आरोप लगाएका छन् । केन्द्रीय समिति बैठकमा बोल्ने अधिकांश नेताले एमाओवादी अध्यक्ष दाहाल र प्रधानमन्त्री भट्टराईबीच 'भारतको चाकडी गर्न प्रतिस्पर्धा भइरहेको' गम्भीर आरोपसमेत लगाए ।प्रवक्ता पम्फा भुसालले प्रधानमन्त्री भट्टराई भारतीय विस्तादवादको नयाँदलाल को रूपमा उदय भएको बैठकको निष्कर्ष रहेको बताइन् । 'यो जनताले बुझेका छन्,' उनले भनिन्, 'प्रचण्ड, बाबुराम इतिहासकै जनविरोधी र भारतीय विस्तारवादका ठेकेदार भएका छन् ।' बैठकले जनसंघर्षका कार्यक्रम सार्वजनिक गर्ने उनले बताइन् ।'भारतको चाकडी गर्नमा दाहाल र भट्टराई इतिहासमै पहिलो स्थानमा आएका छन् । भित्री रूपमा उनीहरू लम्पसार नै परेका छन्,' एक केन्द्रीय सदस्यको भनाइ उद्धृत गर्दै स्रोतले भन्यो, 'सबै कमरेडहरू गम्भीर भएका छन् । यसबारेमै बढी छलफल भयो ।राष्ट्रिय स्वाधीनताको विषयमा अन्य दल, नागरिक समाज, गणतन्त्रवादीसँग छलफल बहस चलाएर अगाडि नबढे मुलुकको स्थिति नाजुक हुनेसमेत केन्द्रीय नेताहरूले मंगलबारको छलफलमा नेतृत्वलाई सुझाव दिएका थिए । 'राष्ट्रिय स्वाधीनताका विषयमा गम्भीर नभए मुलुकको सिक्किमीकरण त हँुदैन ? भन्ने चिन्ता साथीहरूमा व्यापक थियो,'एक केन्द्रीय सदस्य भने ।केन्द्रीय सदस्य भरत बमले अबको आन्दोलनमा नेतृत्वले बलिदान गर्न तयार रहनुपर्ने सुझाव दिएको बताए । विगतका क्रान्तिमा जनताले बलिदान गरिसकेको भन्दै उनले अब आन्दोलनको अग्रपंक्तिमा नेतृत्व आए मात्र जनताले विश्वास गर्ने बताए ।'नेतृत्व इमानदार नभएको पटक-पटक पुष्टि भएको छ, आन्दोलनको उठानका लागि नेताले बलिदानीका लागि साहस गर्नुपर्छ भन्ने बैठकमा कुरा उठ्यो,' उनले भने । अबको आन्दोलनमा नेतृत्व बलिदानीका लागि तयार नभए जनताले पत्याउन गाह्रो हुने उनको भनाइ थियो ।जनसंघर्ष कार्यक्रम घोषणा गरेर तुरुन्त आन्दोलनका लागि तयार रहन अधिकांश पोलिटब्युरोलगायत केन्द्रीय सदस्यले नेतृत्वलाई दबाब दिएको छ । शान्तिपूर्ण आन्दोलन गर्दा सरकार दमनमा उत्रे सशस्त्र रूपमा तयार रहन समेत पोलिटब्युरोले सुझाव दिएको थियो ।
ekantipur.com
.jpg)
दुई दिन अघि मात्रै माइक्रो ब्लगिङ ट्वीटर एकाउन्ट खोलेका प्रधानमन्त्री बाबुराम भट्टराईले आफूलाई मेन्सन गरेर सोधिएको प्रश्नको उत्तर दिएपछि ट्टीटर सञ्जालमा यसबारे चर्चा सुरु भएको छ ।'बिहारमा ५ बर्षमा विकास भयो, हामीले कतिन्जेल आशावादी बन्ने हो', भन्दै ओमभक्त उप्रेतीले ट्वीटरमा दुई दिन अघि सोधेको प्रश्नमा प्रधानमन्त्रीले मंगलबार जवाफ दिएका छन्,'बिहारमा जस्तै मलाई ५ बर्षसम्म बहुमतीय सरकार चलाउन दिनु, विकास गर्न सकिन भने गोली हाने हुन्छ ।'प्रधानमन्त्रीको तर्फबाट आएको यस्तो जवाफले मंगलबार दिउँसो ट्वीटर सञ्जालमा तरंग फैलिएको थियो । या स्माइए फरेभरको नाममा रवी शर्माले शोलार ऊर्जामा ध्यान दिन प्रधानमन्त्रीलाई गरेको अनुरोधमो जवाफमा प्रधानमन्त्रीले लेखेका छन्, 'मैले सोलार प्रबर्द्धन गर्न खोज्दैछु । सिंहदरबारमा पनि सोलार जडान गर्न भर्खरै सम्झौता गरिएको छ ।'मंगलबार बिहानै प्रधानमन्त्रीले आफ्नो ट्वीटरमा लोडसेडिङ दैनिक २ घण्टा घटाएको भन्दै ट्वीटेका थिए । गर्मीमा पनि १०-१२ घण्टा भन्दा बढी लोडसेडिङ हुन नदिने प्रण गरेका छन् । प्रधानमन्त्रीले ट्वीटरमा देखाएको सक्रियताबारे मिश्रति प्रतिक्रिया आएको छ ।प्रधानमन्त्रीको रहेक ट्वीटरमा युवालाई सम्बोधन गरिएको छ ।हालसम्मको उनलाई चार हजार तीनसय बढीले फलो गरेका छन् । यद्यपि उनले दुई नेपाली सहित अमेरिकी राष्ट्रपति बाराक ओमाबा र बिदेशी पत्रिकाको ट्वीटरलाई फलो गरेका छन् । ट्वीटरमा प्रधानमन्त्रीबाट फलो गरिएका व्यक्ति सञ्चारकर्मी प्रतिक प्रधान र रवीन्द्र मिश्र हुन् ।
एकीकृत नेकपा माओवादीका अध्यक्ष पुष्पकमल दाहाल प्रचण्डले प्रतिगामीहरूले षड्यन्त्र गरी आफ्नो दललाई घेरा हालेर फसाउने गतिविधि गरिरहेको आरोप लगाउनुभएको छ । आज पार्टीको ताप्लेजुङ जिल्ला सम्मेलनको उद्घाटन गर्दै अध्यक्ष प्रचण्डले बेलायतमा नेपाली सेनाका कर्णेल र दैलेखमा पत्रकार हत्याका आरोपितहरूलाई पक्राउ गरेर आफूहरूलाई तर्साउन खोजेको बताउँदै टाउकाको मूल्य ५० लाख तोकेको बेलासमेत हिम्मतका साथ लडेको पार्टीको नेता तथा कार्यकर्तालाई यसले कुनै असर नपर्ने बताउनुभयो । प्रतिक्रियावादीहरूले जतिसुकै कोसिस गरे पनि अहिले आफ्नो पार्टी ठूलो पार्टी बन्दै सरकारको समेत नेतृत्व गर्न सफल भइरहेको प्रचण्डको भनाइ थियो । उहाँले नेपाली राजनीतिमा अब नयाँ प्रक्रिया सुरु हुने बताउँदै नयाँ प्रक्रियाले सङ्घीयतासहितको नयाँ संविधान र पहिचानसहितको सङ्घीयता सुनिश्चित पार्ने दाबी गर्नुभयो । राजनीतिमा देखिएको तुवाँलो छिट्टै हट्ने दाबी गर्दै प्रचण्डले अब निराश नहुन पनि आग्रह गर्नुभयो ।
Posts
