जिल्ला अस्पताल बैतडीमा नियमित रुपमा कल्चर सेवा शुरु ।
जिल्ला अस्पताल बैतडीमा नियमित रुपमा कल्चर सेवा शुरु भएको छ । गतसालदेखि कल्चर सेवा शुरु भए पनि आवश्यक उपकरणको अभावमा सो सेवा नियमित रुपमा संचालन हुन सकेको थिएन । राष्ट्रिय जनस्वास्थ्य प्रयोगशालाले आवश्यक उपकरण प्रदान गरेपछि कल्चरसेवा शुरु भएको जिल्ला अस्पताल बैतडीका ल्याब टेक्निसयन ईश्वरी भुषालले जानकारी दिनुभयो । अञ्चल अस्पतालमा प्राप्त हुने सेवाहरुलाई जिल्ला अस्पताल मार्फत संचालन गर्नका लागि कल्चर सेवालाई नियमित गरिएको हो । बिरामीहरुलाई कुन प्रकारको औषधि प्रयोग गर्न उपयुक्त हुन्छ भन्ने कुराको पत्ता लगाउनका लागि कल्चर सेवा सुचारु गरिएको उहाँले बताउनुभयो । बैतडीमा कल्चर सेवालाई नियमित गर्ने क्रममा बैतडी पुग्नु भएका राष्ट्रिय जनस्वासथ्य प्रयोगशालाका माइक्रोबायोलोजिस्ट विष्णु उपाध्ययाले कल्चर सेवा शुरु भएकाले औषधिका कारण हुने प्रतिरोध नहुने बताउनुभयो । प्रयोगशालाको स्तरोन्नती गर्ने कार्यक्रम अनुसार जिल्ला अस्पताल बैतडीमा रहेको प्रयोगशालालाई उपकरण सहयोग गरिएको उहाँले बताउनुभयो । जिल्ला अस्पताल बैतडीमा कलेजो, मृगौलाको जाँचहरु नियमित रुपमा हुने उहाँले बताउनुभयो ।
Posts
0 comments