आर.बी. के. शरदले यसअघि निर्देशन गरेको चलचित्र ‘नैना रेशम’ सांगीतिक र व्यवसायिक रुपमा चर्चित बनेको थियो । सोही चलचित्रबाट उनी नेपाली सिनेमा क्षेत्रमा आशा लाग्दा निर्देशकको रुपमा देखिएका थिए ।

नैना रेशमपछि उनले निर्देशन गरेको चलचित्र ‘नबोलेनी हाँसी राख न’ रिलीजका लागि तयार भएको छ । यो सिनेमा कात्तिकको ३ गतेबाट रिलीजमा आउने भएको छ ।

   चन्द्रकुमारीको निर्माणमा तयार भएको चलचित्र ‘नबोलेनी हाँसी राख न’ मा वसन्त सापकोटाको संगीत रहेको छ । राजेन्द्र खड्गीको द्वन्द्व, शम्भु सापकोटाको छायांकन रहेको यो चलचित्र पूर्णतया सांगीतिक लभस्टोरी धारमा निर्माण भएको छ । चलचित्रले निस्वार्थ सेवा नै धर्म हो भन्ने भावलाई समेत उठाउन खोजेको निर्देशक शरदले बताएका छन् ।चलचित्रको शीर्ष गीत र फस्ट लुक अनलाइनखवर मार्फत प्रिमीयर गरिएको छ । शीर्ष गीतमा दिपक लिम्बुले आवाज भरेका छन् । यो गीतमा नायक निखील उप्रेती, नायिकाद्वय ऋचा सिंह ठकुरी र शान्ति गिरीले अभिनय गरेका छन् । पोखरा र काठमाडौंका बिभिन्न रमणीय स्थानमा छायांकन गरिएको यो गीतको लोकेशन मनमोहक रहेको छ ।

यो गीतको शीर्ष गीतलाई निर्देशक स्वयंले लेखेका हुन् । चलचित्रमा सुनिल सिंह ठकुरी, कमलकृष्ण, लक्ष्मी गिरी, सुरवीर पण्डित, युनिका खड्का लगायतका कलाकारको समेत अभिनय रहेको छ ।