हिन्दूहरुले आज भगवान श्रीकृष्ण जन्मिएको दिनको स्मरण गर्दै कृष्णजन्माष्टमी पर्व मनाउँदैछन् । ज्ञानयोग, कर्मयोग र भक्तियोगका प्रणेता भगवान् श्रीकृष्णको जन्म द्वापरयुगमा भाद्रकृष्ण अष्टमीको मध्यरातमा भएकाले आजको दिनलाई श्रीकृष्ण जन्माष्टमी र रातलाई मोहरात्री भनिन्छ। जन्माष्टमीका दिन अधिराज्यका कृष्ण मन्दिरहरूमा भगवान् श्रीकृष्णको पूजा-आराधना, प्रवचन, भजन-कीर्तन गर्नुका साथै विशेषगरी महिलाहरू 'व्रत' बसी रातभर जाग्राम बस्ने चलन छ । ज्ञानयोग, भक्तियोग र कर्मयोगका प्रणेता श्रीकृष्णको जन्म द्वापर युगमा भाद्र कृष्ण अष्टमीको मध्येरातमा भएको विश्वास अनुसार आजको दिनलाई ‘मोहरात्री’ पनि भन्ने गरिन्छ ।