सामूहिक बलात्कारको शिकार भएकी छात्राको निधन

          दिल्लीमा सामूहिक बलात्कारको शिकार भएकी २३ वर्षीया छात्राको शनिबार बिहान सिंगापुरको अस्पतालमा निधन भएको छ । उनलाई थप उपचारका लागि दिल्लीबाट बिहीबार सिंगापुरको माउन्ट एलिजावेथ अस्पताल पुर्याइएको थियो ।
१३ दिन अगाडि बलात्कृत छात्राका विभिन्न अंगहरुले काम गर्न छाडेपछि स्थानीय समय अनुसार बिहान ४ बजेर ४५ मिनेटमा उनको निधन भएको जनाइएको छ । बलात्कारको घट्ना लगतै दिल्ली सहित पूरा भारतमा विरोध प्रदर्शन भइरहेकोमा उनको निधनले थप प्रदर्शन हुनसक्ने भएकाले दिल्लीमा उच्च सुरक्षा सतर्कता अपनाइएको छ । १० वटा मेट्रो स्टेशन बन्द गरिएको छ ।
प्रधानमन्त्री मनमोहन सिंहले बलात्कृत छात्राको निधनप्रति दुःख व्यक्त गरेका छन् । उनले सबैलाई संयम अपनाउन अनुरोध गर्दै उनको निधनलाई बेकार नजान दिने प्रतिवद्धता व्यक्त गरेका छन् ।

Labels: Letest news, World news, अन्तराष्ट्रिय समाचार, समाचार