अमार्कको एशिया प्रशान्त क्षेत्रीय उपाध्यक्षमा मीनबहादुर शाही निर्वाचित

सामुदायिक रेडियोहरुको विश्व संस्था (अमार्क) को एसिया प्रशान्त क्षेत्रीय उपाध्यक्षमा सामुदायिक रेडियो प्रसारक संघ नेपाल अकोरावका निवर्तमान अध्यक्ष मीनबहादुर शाही निर्वाचित हुनुभएको छ । कोरियाको राजधानी सोलमा सम्पन्न अमार्कको तेस्रो साधारणसभाले शाहीलाई उपाध्यक्षमा चयन गरेको हो । अमार्कका एसिया प्रसान्त क्षेत्रको अध्यक्षमा फिलिपिन्सका माइका लग्मन, उपाध्यक्षमा नेपालका मीनबहादुर शाही, कोषाध्यक्षमा जापानका जुनिची हेविनो, दक्षिणपुर्वी एशिया उपक्षेत्रीय उपाध्यक्षमा इन्डोनेसियाका इमाम प्राकोसो, पुर्वी एशिया उपक्षेत्रीय उपाध्यक्षमा कोरियाका आङ् वियोन् चेङ्, दक्षिण एसिया उपक्षेत्रीय उपाध्यक्षमा भारतका रामनाथ भाट र प्रशान्त क्षेत्रका लागि सीर्ले तागी निर्वाचित हुनुभएको हो ।मङ्सिर १६ गतेदेखि तीन दिनसम्म कोरियाको राजधानी सोलको सीटी हलमा भएको सम्मेलनमा भागलिन सामुदायिक रेडियो प्रसारक संघ (अकोराव) नेपालका अध्यक्ष मोहन चापागाईको नेतृत्वमा २२ सदस्यीय प्रतिनिधि मण्डल कोरिया गएको थियो । सम्मेलनमा नेपालमा सामुदायिक रेडियोहरुको उपलब्धीको विषयमा सामुदायिक रेडियो प्रसारक संघले विशेष कार्यशालाको आयोजना गरेको थियो ।

Labels: Breaking news, Letest news, मुख्य समाचार, समाचार