माओवादी जनमुक्ति सेनाको गाँस काटेर जम्मा भएको रकमबाट कमाण्डर जर्नादन शर्मा प्रभाकारको लगानीमा चलेको जनमैत्री अस्पताल धारासायी बन्न पुगेको छ ।आर्थिक अनियमितता तथा आन्तरिक विवादका चरम सीमामा पुगेको अस्पतालले बैंकको ऋणसमेत तिर्न नसकेको अवस्था छ । प्रचण्डको प्रधानमन्त्रीत्वकालमा शान्तिमन्त्री रहेका प्रभाकरले पार्टीबाट पनि अस्पतालमा लगानी गरेका छन् । स्रोतका अनुसार पटकपटक गरी जनमुक्ति सेनाको गाँस काटेर करिब २८ करोड र पार्टीबाट तीन करोड रुपैयाँ शर्माले अस्पतालमा लगाएका छन् । यसैगरी शान्तिमन्त्रीको शक्ति देखाएइर प्रभाकरले विभिन्न्न बैंकबाट ३५ करोडभन्दा बढीको ऋण लिएका छन् ।

उक्त ऋण तिर्न नसक्ने अवस्था भएपछि अहिले उनले व्यवस्थापनमा नयाँ मान्छे ल्याएका छन् । प्रभाकरको निर्देशनमा चल्दै आएको अस्पताललाई लिटिल एन्जेल्स स्कूलका सञ्चालक उमेश श्रेष्ठले पनि साथ दिँदै आएका छन् । जनयुद्धका घाइते तथा अपांग नेता कार्यकर्ताको उपचार गर्न भन्दै प्रभाकरले नेताहरुलाई लगानी गर्न उत्पेरित गरेको माओवादी नेताहरुले बताएका छन् । अहिले ऋण उपलब्ध गराउने बैंकहरुको सावाँ ब्याजसमेत डुब्ने अवस्था छ । प्रभाकरको आसेपासे र आफन्त नियुक्ती गर्दागर्दै ओधर स्टाफिङ भएर अस्पताललाई थप समस्या भएको कर्मचारीहरुको भनाइ छ । ऋण छिटो तिर्न बैंकहरुले ताकेता गरिरहेका छन् ।हिमालयन बैंकको नेतृत्वमा लगानी भएको उक्त रकम तिर्न नसक्ने भएपछि प्रभाकरले बैंकहरुको आँखामा छारो हाल्न र्खरै व्यवस्थापन परिवर्तन गरेका छन् । अस्पतालको नाममा करोडौँ रकम हिनामिना गरेको आरोप उनलाई माओवादीभित्रैबाट लाग्दै आएको छ । आजको सँाघु साप्ताहिकले यो समाचार छापेको छ ।

by;online.com