सिटी सेन्टरमा भएको आगलागी नियन्त्रणमा
काठमाडौंको कमलपोखरीस्थित सिटी सेन्टरमा भएको आगलागी नियन्त्रणमा आएको छ , प्रहरीका अनुसार अण्डरग्रउण्डमा रहेको जेनेरेटरबाट आगलागी भएको हो । तीन वटा मदकल र प्रहरीको सहयोगमा झण्डै डेढ घण्टामा आगलागी नियन्त्रणमा आएको छ । बेसमेन्टमा आगलागी भएको हुनाले फैलिएन। सिटी सेन्टरका कार्यकारी निर्देशक राजकुमार बंकका अनुसार दिउसो १ बजेतिर भवनको तल्लो तलामा रहेको पार्किङ स्थलबाट आगलागी सुरु भएको थियो । भूइँतल्ला मुनि पार्किङमा क्षेत्रमा रहेको जेनरेटर तातेर आगो लागेको प्रारम्भिक अनुसन्धानबाट खुलेको प्रहरीले जनाएको छ । आगलागीबाट पार्किङमा रहेका ४ वटा मोटरसाइकलमा क्षति पुगेको सेन्टरका सुरक्षागार्ड अनिल घिमिरेले जानकारी दिए । सिटी सेन्टरमा अत्याधुनिक व्यापारिक कम्प्लेक्स सहित बिग सिनेमाका तीनओटा हल छन् । यहाँ विभिन्न बहुराष्ट्रिय कम्पनीका शो रुमहरु छन् ।धुँवाले सिटी सेन्टरका सबै तल्लाहरु प्रभावित भएका छन्
Posts
0 comments