नयाँ कीर्तिमान थप्दै बुधबार सुन तोलाको ५८ हजार ५० रुपियाँ पुग्यो
.jpg)
दुई महिनासम्म उतारचढाव रहेको सुनको भाऊले बुधबार फेरि नयाँ रेकर्ड कायम गरेको छ । नेपाल सुनचाँदी व्यवसायी संघका अनुसार। मंगलबारको तुलनामा साढे ३ सय रुपैंयाँले बढेर सुनको भाउ
बुधबार तोलाको ५८ हजार ५० रुपैंया पुगेको हो। यसले गएको असार ७ गते नेपाली बजारमा कायम भएको ५७ हजार ७ सय रुपैंया तोलाको रेकर्ड तोडेको छ।अन्तर्राष्ट्रिय बजारमा भएको मूल्यवृद्धिसँगै नेपाली बजारमा माग बढेपछि भाउ आकासिएको हो। अहिले अन्तर्राष्ट्रिय बजारमै भाऊ बढेकोले त्यसको असर नेपाली बजारमा पनि परेको संघले जनाएको छ । संघका अध्यक्ष तेजरत्न शाक्यका अनुसार सात वर्षदेखि अन्तर्राष्ट्रिय बजार बढिरहेको छ । सुरक्षित लगानी क्षेत्र मानिने सुनमा माग बढेपछि स्वतः भाउ बढ्छ । पेट्रोलियम पदार्थमा भएको मूल्यबृद्धिले पनि सुनको भाउलाई असर गर्छ । किनकी तेलको भाऊ बढ्दा सुन उत्पादनको लागत बढ्छ ।
अमेरिकाको न्यूयोर्कमा रहेको कोमेक्स हाउसको मूल्यको आधारमा स्थानीय बजारमा सुनको मुल्य निर्धारण हुन्छ । त्यहाँको मूल्य, भन्सार शुल्क र बैंक तथा व्यवसायीले लिने कमिशन जोडेर स्थानीय मूल्य निर्धारण गर्ने गरिएको संघको भनाई छ ।
Posts
0 comments