हेलिकोप्टर खरिदका लागि सेनालाई ३ अर्ब दिने सरकारको निर्णय

आज बसेको नेपाल सरकार मन्त्रिपरिषद्को बैठकले नेपाली सेनालाई हेलिकोप्टर खरिदका लागि ३ अर्ब रुपैँया दिने निर्णय गरेको छ । रुसमा बनेको ३० सिट क्षमताका एमआई–१७ अत्र्याधुनिक दुई ओटा हेलिकोप्टर किन्ने प्रक्रिया नेपाली सेनाले अघि बढाइसकेको छ । मन्त्रिपरिषद्को बैठकले चलचित्र विकास बोर्डलाई ५० लाख रुपैँया अनुदान दिने निर्णय समेत गरेको सरकारका प्रवक्ता एवम् सूचना तथा सञ्चारमन्त्री राजकिरोशर यादवले जानकारी दिनुभयो । त्यस्तै हङकङको महावाणिज्यदूतमा महेशकुमार दाहाललाई, हेटौडा सिमेन्टको महाप्रवन्धकमा सुनिलकुमार झा र उदयपुर सिमेन्ट उद्योगको महाप्रवन्धकमा शिवकुमार पटेललाई निुयुक्त गरिएको छ । सगरमाथा अञ्चल अस्पतालको नाम गजेन्द्रनारायण सिंह सगरमाथा अस्पताल राख्ने निर्णय पनि मन्त्रिपरिषद् बैठकले गरेको छ । विपन्न नागरिक कल्याण कोषलाई ५ करोड, उपेक्षित तथा उत्पीडित दलित वर्ग उत्थान समितिलाई ४ लाख अनुदान दिने निर्णय पनि भएको छ । ६० प्रतिशत कैद समयावधि कटाइसकेका ६६ जना कैदीलाई फागुन ७ गते प्रजातन्त्र दिवसको अवसर पारेर माफी दिने निर्णय समेत गरिएको मन्त्री यादवले जानकारी दिनुभयो ।

Labels: Letest news, मुख्य समाचार, समाचार