प्रधानमन्त्रीद्वारा १२ उपलब्धी सार्वजनिक

प्रधानमन्त्री डा बाबुराम भट्टराईले आफ्नो कार्यालमा भएका १२ वटा उपलब्धी सार्वजनिक गर्नु भएको छ । ट्विटरमामार्फत प्रधानमन्त्रीले आफू चूनौतिपूर्ण कालखण्डमा प्रधानमन्त्री बनेको उल्लेखगर्दै माओवादी लडाकुको समायोजन, काठमाडौंको सडक विस्तार, लगानी बोर्ड गठन गरी राष्ट्रिय गौरवका आयोजनाको सुरुवातलाई उपलब्धीको रुपमा व्याख्या गर्नु भएको छ । गरिवलाई परिचयपत्र वितरण, बेरोजगार युवालाई भत्ता, हेलो सरकार, जनतासँग प्रधानमन्त्री कार्यक्रम, राष्ट्रिय स्वयंसेवा अभियान लगायतलाई प्रधानमन्त्रीले उपलब्धीको सूचीमा राख्नु भएको छ । ट्विटरमा आएका जिज्ञासालाई सम्बोधनगर्दै प्रधानमन्त्री भट्टराईले छापा र विद्युतीय सञ्चार माध्यमहरुलाई समानुपातिक विज्ञापन वितरण प्रणालीको सुरुवात र सञ्चार क्षेत्र तथा पत्रकारहरुलाई विशेष राहत कार्यक्रम पनि उपलब्धीमुलक काम भएको उल्लेख गर्नु भएको छ ।

Labels: Letest news, मुख्य समाचार, समाचार