प्रेस चौतारीको नयाँ नेतृत्वका लागि चुनावी प्रक्रिया सुरु

प्रेस चौतारी नेपालको नयाँ नेतृत्व चयनका लागि विराटनगरमा जारी सातौं महाधिवेशन चुनावी प्रक्रिया सुरु भएको छ । सहमतिका लागि गरिएको प्रयास सफल नभएपछि अध्यक्ष पदमा राजेन्द्र अर्याल र विष्णु रिजालको उम्मेद्वारी परेको छ । यसैगरी वरिष्ठ उपाध्यक्ष पदका लागि शरद अधिकारी, दुर्गाप्रसाद शर्मा र प्रकाश खतिवडाको उम्मेद्वारी परेको छ । महासचिव पदमा माधव नेपाल, लक्की चौधरी र बद्री  खनालबीच प्रतिस्पर्धा हुने निश्चित भएको छ । जम्मा ५९ पदको नयाँ कार्यसमिति चयनका लागि दिउँसो साढे १ बजेदेखि ४ बजेसम्म मतदान हुने कार्यक्रम तय भएको छ । हिजोदेखि सुरु भएको महाधिवेशनको नेकपा एमाले अध्यक्ष झलनाथ खनालले उद्घाटन गर्नुभएको थियो ।

Labels: Letest news, मुख्य समाचार, समाचार