राष्ट्रपति यादव जापानको अस्पतालमा भर्ना
काठमाडौँ, ४असार-उपचारका लागि जापान पुग्नुभएका राष्ट्रपति डा. रामवरणलाई टोकियो विश्वविद्यालय शिक्षण अस्पतालमा भर्ना गरिएको छ । उहाँ आज बिहान टोकियो पुग्नुभएको हो । जापान पुगेलगत्तै यादवलाई अस्पताल भर्ना गरएको हो । राष्ट्रपति स्वास्थ्य परीक्षण भोलिदेखि मात्रै सुरु हुने बताइएको छ । विमानस्थलमा पुगेका नेपाली समुदायसँग सङ्क्षिप्त कुरा गर्दै राष्ट्रपति यादवले आफ्नो स्वास्थ्यका विषयमा धेरै चिन्ता नलिन आग्रह गर्नुभयो । जापानमा पुगेर स्वास्थ्य परीक्षण गराउँदा राम्रो हुने चिकित्सकहरूको सल्लाहअनुसार आफू टोकियोमा आएकोमो पनि उहाँले बताउनुभयो । विमानस्थलमा राष्ट्रपति यादवलाई नेपाली राजदूत मदनकुमार भट्टराई, त्यहाँ रहेका नेपाली समुदायले स्वागत गरेका थिए । राष्ट्रपति यादव उपचारका लागि हिजो जापान जानुभएको हो ।
Posts
0 comments