राष्ट्रपतिले दलहरुसँग सहमतिबारे छलफल गर्दै

पाँचौ पटकको समय सीमाभित्र पनि दलहरुले सहमति गर्न नसकेपछि भावी योजनाको बारेमा राष्ट्रपति डाक्टर रामवरण यादवले अहिले दलहरुसँग छलफल गरिरहनु भएको छ । राष्ट्रपतिभवन शीतलनिवासमा केहीबेरअघि सुरु भएको बैठकमा प्रमुख तीन दललगायत मधेसी मोर्चाका शीर्ष नेताहरू सहभागी छन् । दलहरूले आ–आफ्ना अडान नछाडेपछि राष्ट्रपतिले सहमतीय सरकार गठनका लागि दिनुभएको पाँचौ पटकको समयसीमा पनि हिजो सकिएको छ । प्रमुख दलहरुसँगको छलफलबाट सम्भव नभएकाले राष्ट्रपतिले विघटित संविधानसभामा रहेका सबै दलहरूसँग सामुहिक छलफल गर्ने तयारी गर्नुभएको बुझिएको छ । आज बेलुकासम्म सबै दलसँग छलफल हुने राष्ट्रपतिका कानुनी सल्लाहकार सूर्य ढुङ्गेलले बताउनुभयो । भोलि भारत भ्रमणमा जानुअघि राष्ट्रपतिले मिलाउने हर प्रयत्न गर्नुहुनेछ ढुङ्गेलले भन्नुभयो ।

Labels: Letest news, समाचार