सचिन तेन्दुलकरद्वारा एक दिवसिय क्रिकेटबाट सन्यासको घोषणा

भारतको स्टार क्रिकेटर सचिन रमेश तेन्दुलकरले एक दिवसिय क्रिकेटबाट सन्यास लिएको घोषणा गुरेका छन् । मास्टर ब्लास्टरको नामले प्रचलित तेन्दुलकरले भारतीय क्रिकेट कन्ट्रोल बोर्डलाई एक पत्र पठाएर आफू अब एक दिवसिय क्रिकेट नखेल्ने घोषणा गरेका हुन् । सन् १९८९ मा पाकिस्तानविरुद्ध म्याच खेलेर एक दिवसिय क्रिकेटमा छिरेको उनी सन्यासको घोषण गरेपछि गत मार्च १८ तारिखका दिन बंग्लादेशमा पाकिस्तान विरुद्ध खेलेको म्याच नै उनको अन्तिम एक दिवसिय म्याच बनेको छ । जम्मा ४ सय ६३ एक दिवसिय म्याच खेलको तेन्दुलकरले ४९ शतक र ९६ अर्धशतकको मदतले एक दिवसिय म्याचमा १८ हजार ४ सय २६ रन बनाएका छन् । क्रिकेट जगतमा धेरै विश्व किर्तिमान आफ्नो नाममा कायम गर्न सफल तेन्दुलकरले यसअघि नै ट्वान्टी ट्वान्टी क्रिकेट नखेल्ने घोषणा गर्नुभएको थियो । उनी टेस्ट क्रिकेट म्याच भने खेल्ने छन् ।

Labels: Letest news, Sports, खेलकुद, भर्खरै, समाचार