प्रेमी कै मिलेमतोमा आफू बलात्कृत भएको आरोप लगाउँदै प्रेमिका द्वारा प्रहरीमा किटानी जाहेरी

प्रेमी कै मिलेमतोमा आफू बलात्कृत भएको आरोप लगाउँदै प्रेमिकाले दोषीमाथि कारवाहीको माग गदै प्रहरीमा किटानी जाहेरी दिएकी छिन् ।नवलपरासी जिल्ला घर भई हाल जोरपाटी( २ बस्ने १८ बर्षे एक युवतीले आफ्ना प्रेमीकै मिलेमतोमा उसकै एक साथीले आफुलाई बलात्कार गरेको भन्दै बौद्ध प्रहरीमा किटानी जाहेरी दिएकी हुन् । जाहेरी परे लग्त्तै प्रहरीले दोलखा जिल्ला घर भई नयाँ बानेश्वर बस्ने उमेश उप्रेती र बलात्कार गर्ने भनि आरोपी मिनभवन बस्ने आकाश श्रेष्ठलाई पक्राउ गरी जिल्ला प्रहरी कार्यालय भत्तपुरमा पठाएपछि घटनास्थल काभ्रेकोभित्र पर्ने भन्दै भक्तपुरले थप अनुसन्धान सहित कारवाहीका गर्ने सोमवार दुई जना सहित  जिल्ला प्रहरी कार्यालय काभ्रेमा पठाएको छ । प्लस टु पढ्दै गरेकी ति युवतीको प्रेमी उमेश उप्रेती हुन् ।
उनीहरु दुईबीच प्रेम सम्बन्ध चल्दै आएको लामो समय भइसकेको छ ।  युवतीले पुस २७ गते राती नशालु पदार्थ खुवाएर नगरकोटको भ्यू होटलमा प्रेमीको साथी श्रेष्ठले आफु माथि बलात्कार गरेको आरोप लगाएकी छिन । भ्यू होटल जिल्लाको नाल्दुम बालुवापार्टी देउपुर गाविस भित्र पर्दछ ।प्रेमीको मिलेमतोमा उसको साथीले आफुलाई बलात्कार गरेको आरोप युवतीले लगाएकी छिन्,प्रहरी नायव उपरीक्षक कृष्णजी अधिकारीले ईकान्तिपुरसँग भने, ुपक्राउ परेका दुईसँग बयान लिएपछि थप कुरा थाहा हुनेछ । इलाका प्रहरी कार्यालय बनेपाबाट घटनाको अनुसन्धान थालेको उनले बताए ।
प्रेमीकै योजनामा आफु बलात्कृत भएको आरोप पीडित युवतीको छ । उनले प्रेमी सहित बलात्कार गर्ने श्रेष्ठलाई कडा कारवाहीको माग गरेकी छिन् ।

Labels: Letest news, मुख्य समाचार, समाचार