आज विश्व धूमपानविरुद्वको दिवस

काठमाडौ, जेष्ठ १७ -आज मे ३१ तारिख अर्थात विश्व धूमपानविरुद्वको दिवस, नेपाल लगायत विश्वभरमा बिभिन्न कार्यक्रम गरी यो दिवस मनाइदै छ । सन् १९८७ देखि यो दिवस मनाउन लागिएको हो । सुर्तीजन्य पदार्थको विज्ञापन, प्रवद्र्वन तथा प्रयोजनमा प्रतिबन्ध लगाउँ भन्ने नाराकासाथ सरकारी तथा गैरसरकारी सङ्घसंस्थाहरुले बिभिन्न कार्यक्रम गर्दैछन् । नेपालमा भने सुर्तीजन्य पदार्थको सेवनबाट प्रत्येक दिन ४६ जनाको मृत्यु हुने गरेको तथ्याङ्कहरुले देखाएका छन् । विश्व स्वास्थ्य सङ्गठनले चुरोट, विँडी,  सिगार पाइप हुक्का, पानपराग, खैनी लगायतका सुर्तीजन्य पदार्थका कारण वार्षिक १७ हजारभन्दा बढि मानिसको ज्यान जाने गरेको बताएको छ । कुल जनसङ्ख्याको ३७ प्रतिशत अर्थात साढे ९८ लाख नेपाली सुर्तीजन्य पदार्थको प्रयोगकर्ता रहेको उल्लेखगर्दै विश्व स्वास्थ्य सङ्गठनले प्रयोगकर्ताको सङ्ख्या बढ्दै गएको उल्लेख गरेको छ । महिलाको बढ्दो सेवन दरले विश्वकै बढि धूमपान गर्ने महिलाको सूचीमा नेपाल परेको छ ।

Labels: Breaking news, Letest news, मुख्य समाचार, समाचार, स्वास्थ्य