आर्यन र सपनाको इन्गेजमेन्ट
नायक आर्यन सिग्देलले प्रेमिका सपना भण्डारीसँग इन्गेजमेन्ट गरेका छन् । पाँच बर्ष लामो प्रेमपछि उनीहरुले इन्गेजमेन्ट गरेका हुन् | बिहीबार दिउँसो एक बजे पुरानो बानेश्वरस्थित सिद्धार्थ फुडल्यान्डमा आर्यनले प्रेमिका सपनासँग औठी साटासाट गरी इन्गेजमेन्ट गरेका हुन् । फिल्म 'महसुस' को प्रेसमिटमा सपनासँग पहिलोपटक सार्वजनिक भएका आर्यनले त्यसको केही महिनापछि नै टीकाटाला गरेका छन् ।दुई घन्टा लामो इन्गेजमेन्टपछि आर्यनले समझदार र राम्रो स्वभाव भएकी सपनालाई जीवनसंगिनीको रूपमा पाउन लागेकामा खुसी लागेको बताए । सुट पाइन्टमा ठाँटिएका आर्यनले साडीमा सजिएकी सपनालाई एक सयभन्दा बढी आफन्त र साथीभाइसामु दुबोको माला एकले अर्कालाई लगाई औंठी साटेका हुन् । विवाहको मिति तय भइनसके पनि पारिवारिक स्रोतले भने वैशाखमा हुने बताए ।
Posts
0 comments