चुनाव बिशेष खबर: दैलेखको चामुण्डामा मतदान सुरु

दैलेखको चामुण्डामा मतदान सुरु भएको छ । विहान मतदान सुरु हुन केहीबेर अघि बैद्य माओवादीका कार्यकर्ता बुथ कब्जा गर्दै मतपेटिका र मतपत्र जलाएका थिए । बैद्य माओवादी आक्रमणमा उत्रिएपछि मतदान स्थलमा भागदौड मच्चिएको थियो भने प्रहरीले १७ राउण्ड हवाई फायर गरेको थियो । भागदौड तथा गोली चलाउने क्रममा १४ जना घाइते भएका छन् । उनीहरु मध्ये २ जनाको अवस्था गम्भीर छ । उनीलाई हेलिकोप्टरबाटै सदरमुकाम ल्याइँदैछ । हेलिकोप्टरबाट मतपत्र र मत पेटिका लगेपछि मध्यान्ह सवा १२ बजेबाट मतदान सुरु भएको छ ।

Labels: Letest news, मुख्य समाचार, समाचार