पुलिसले आज न्यायाधीश रणबहादुर बमलाई गोली हानी हत्या गर्नेमध्ये एकको स्केच सार्वजनिक गरेको छ। त्यतिबेला मास्क लगाएको भएर यति मात्र स्केच सार्वजनिक गरिएको रहेछ। घटनाको प्रत्यक्षदर्शीको बयानको आधारमा घटनामा संलग्न एक व्यक्तिको हुलिया यस्तो भनिएको छ- गोलो अनुहार, कालो वर्ण, पातलो दाह्री पालेको, अनुहारमा खटिराहरु भएको, आर्मी पुलिसको जस्तो छोटो कपाल काटेको, खाइलाग्दो जिउडाल भएको, अं. ५ फिट ६ इन्च उचाई भएको, मंगोल समुदायको जस्तो देखिने अं. वर्ष २७।२८ को पुरुष। 
विज्ञप्तिमा थप यस्तो छ-
यस अनुसन्धान समितीलाई हत्याको सम्बन्धमा महत्वपूर्ण सूचना दिने व्यक्तीलाई उचित पुरस्कार प्रदान गरिने छ साथै सूचनादाताको परिचय गोप्य राखिने छ ।

यो घटना ULTRA MODERN ORGANIZED CRIME को विशेषतायुक्त भएकोले यस्ता अपराध बिरुद्ध Systematic & Scientific Approach of Investigation अवलम्बन गरी हामी घटनाको गहिराई सम्म पुग्न प्रयासरत छौं । अपराधका विविध पक्ष, प्राप्त सूचना र प्रमाणहरुको सुक्ष्म अध्ययन विश्लेषणको विधी अख्तियार गरी अनुसन्धानलाई तिव्रता दिईएको छ । बिगतमा भएका अन्य गम्भीर प्रकृतीका अपराधहरुको अनुसन्धानबाट प्राप्त ज्ञान, सिप र प्रविधीको प्रयोग गर्दै यो अपराधको अनुसन्धानलाई प्रमाणमुखी बनाउन गहन अपराध अनुसन्धानमा दक्ष प्रहरी जनशक्ती अहोरात्र क्रियाशिल रहेका छन् ।

घटनासँग सम्बन्धित देहायमा उल्लेख गरिए जस्ता कुनै पनि सूचना तथा जानकारी भए निम्न मोबाइल नंवरहरुमा खबर गरिदिन हुन अनुसन्धान समिति हार्दिक आग्रह गर्दछ ।

[प्रहरीले सुरुमा पठाएको विज्ञप्तिमा संशोधन गरी अर्को विज्ञप्ति पठाएकोले त्यसै अनुसार माथि पनि संशोधन गरिएको छ]