हत्याको आरोपमा पक्राउलाई छोडियो
श्रीमतीको हत्याको आरोपमा पक्राउ परेका श्रीमानसहित तीन जनालाई कञ्चनपुर प्रहरीले जमानीमा रिहा गरेको छ । भीमदत्त नगरपालिका–१८ निम्बुखेडाकी मञ्जु पन्तको हत्या गरेको आरोपमा पक्राउ परेका पति रमेश पन्त, सासु भुवेनश्वरी र देवर तर्कराजलाई २५ दिन हिरासतमा राखेर प्रहरीले जमानीमा रिहा गरेको हो । मञ्जुका बुवा परमानन्द जोशीले दिएको किटानी जाहेरीका अधारमा जिल्ला प्रहरी कार्यालयले उनीहरुलाई पक्राउ गरेको थियो गत असार ७ गते २५ वर्षीया छोरी मञ्जुको हत्या गरेको जोशीको किटानीमा दावी गरिएको छ । पीडित परिवारले प्रहरीले मिलेमतोमा आरोपीहरुलाई जोगाउन खोजेको आरोप लगाएका छन् । तर जिल्ला प्रहरी कार्यालयका प्रवक्ता एवं प्रहरी नायव उपरीक्षक विर्षबहादुर रावलले मृत्युको कारण खुल्न नसकेकाले आरोपीलाई जमानीमा छोडिएको प्रतिक्रिया दिनुभयो । शव पोष्टमार्टमको भिसेरा रिपोर्ट आएपछि मात्रै कारवाही प्रक्रिया अगाडी बढाईने प्रहरीले बताएको छ
Posts
0 comments