सुनको भाउले नयाँ रेकर्ड

                    सुनको भाउले आइतवार नयाँ रेकर्ड बनाएको छ । गएको हप्तादेखि प्राय हरेक दिन रेकर्ड तोड्दै आएको सुनले आज  नयाँ कीर्तिमान बनाएको हो । गत शुक्रवारको तुलनामा आज एकै दिन ९ सय रुपैयाँ प्रतितोलाले वढेर छापावाल सुन प्रतितोला ५९ हजार ९ सय रुपैयाँ पुगेको नेपाल सुनचाँदी व्यवासायी संघका महासचिव मणिकरत्लेन शाक्यले अनलाइनखबरलार्इ जानकारी दिनुभयो । उहाँका अनुसार गएको शुक्रवार छापावाल सुन प्रतितोला ५९ हजार रुपैयाँमा कारोवार भएको थियो ।यसैगरी तेजावी सुन पनि उसैगरी वढेको छ । शुक्रवार ५८ हजार ७ सय ५० रुपैयाँ रहेको तेजावी सुन आज प्रतितोला ९ सय रुपैयाँले नै वढेर ५९ हजार ६ सय ५० रुपैयाँ कायम भएको छ । चाँदीको भाऊ पनि केही वढेको छ । शुक्रवार प्रतितोला ११ सय ५ रुपैयाँमा कारोवार भएको चाँदी ४० रुपैयाँ प्रतितोलाले वढेर ११ सय ४५ रुपैयाँ कायम भएको छ ।अहिले अन्तराष्ट्रिय बजारमै भाऊ बढेकोले त्यसको असर नेपाली बजारमा पनि परेको नेपाल सुनचाँदी व्यवसायी संघका महासचिव मणिकरत्न शाक्यले जानकारी दिनुभयो । शाक्यका अनुसार सात वर्षदेखि अन्तर्राष्ट्रिय बजार बढिरहेको छ । सुरक्षित लगानी क्षेत्र मानिने सुनमा माग बढेपछि स्वतः भाउ बढ्छ । पेट्रोलियम पदार्थमा भएको मूल्यबृद्धिले पनि सुनको भाउलाई असर गर्छ । किनकी तेलको भाऊ बढ्दा सुन उत्पादनको लागत बढ्छ ।

Labels: Letest news, समाचार