बल्र्डलिंक कम्युनिकेसन्सले मुलुकमै तीव्र गतिको इन्टरनेट सेवा सुरु गरेको छ । 'केवल जुम'  नाममा सुरु गरिएको इन्टरनेट निश्चित परिमाणमा १० एमबीपीएससम्म गतिमा चलाउन सकिने छ ।  कम्पनीले कम्तीमा १ हजार १ सय रुपैयाँ शुल्क तिरेर २० जीबीसम्म डाटा १० एमबीपीएस गतिमा चलाउन सक्ने छन् । तोकिएको डाटा परिमाण सकिएपछि डाटा सेवा लिएको अवधिभर ग्राहकले १ सय १८ केबीपीएस गतिमा इन्टरनेट चलाइरहन पाउने कम्पनीका अध्यक्ष तथा प्रबन्ध निर्देशक दिलीप अग्रवालले पत्रकार सम्मेलनमा बताए । 'बजारमा अहिलेसम्म आएका गतिको १० गुणा तीव्र इन्टरनेट सेवा हामीले ल्याएका छौं,' उनले भने, 'बजारमा १ एमबीपीएसभन्दा बढी गतिमा कुनै कम्पनीले सेवा दिन सकेका छैनन्् ।कम्पनीले सुरुमा काठमाडौं र ललितपुरको केही स्थानहरूमा सेवा सञ्चालनमा ल्याएको छ । अरू स्थानमा चरणबद्ध रूपमा विस्तार गर्दै लाने कम्पनीको कार्य योजना रहेको अग्रवालले बताए ।