आन्दोलन आज पनि जारी

                           महिलामाथिको हिंसा रोक्न, अनुसन्धान प्रभावकारी बनाउन र दोषीमाथि कडा कारवाही हुनुपर्ने माग गर्दै अधिकारकर्मीहरुले आज पनि प्रधानमन्त्री निवास अगाडी धर्ना दिएका छन । पटक पटक दबाब दिंदा पनि हिंसाका घटनामा फितलो अनुसन्धान भएकाले दोषीले उम्किने मौका पाएको भन्दै अधिकारकर्मीहरुले सरकारलाई यसप्रति ध्यानाकर्षण गराउँदै दबाब मूलक कार्यक्रम गरिरहेका छन् । यसैबीच, हिंसाका घटनामा भएको अनुसन्धानको अनुगमन गर्न बनेको समितिले अनुसन्धानको कामलाई निरन्तरता दिएको छ । काठमाडौं अनामनगरकी सरस्वती सुवेदीको शवको पुनः पोष्टमार्टम भएको र अध्यागनमको घटनाबारे पनि अध्ययन भईरहेको अनुगमन समितिका सदस्य रमेश ढकालले जानकारी दिनुभयो । शिक्षण अस्पताल काठमाडौं र धरानको बिपी कोईराला स्वास्थ्य विज्ञान प्रतिष्ठानका पाँच जना विज्ञको टोलीले सुवेदीको शवको पुनः पोष्टमार्टम गरेको हो । यस्तै समितिको टोली हिजो बारा गई विन्दु ठाकुरको हत्याबारे स्थलगत अनुगमन गरेको छ । टोली बाराबाट फर्किएपछि भोलीपर्सीमै बर्दियाकी शिवा हासमीको हत्या प्रकरणबारे बुझ्न त्यसतर्फ जाने तयारी छ ।

Labels: Letest news, मुख्य समाचार, समाचार