बलिउड अभिनेत्री प्रियङ्का चोपडाको यसै वर्ष बिहे हुन लागेको 'बलिउड मन्त्र'ले जनाएको छ। उनको जोडीका लागि उनका आफन्तले 'महादेव' लाई रोजेका छन्। महादेव अर्थात् टेलिभिजनमा भगवान शिवको अभिनय गर्ने कलाकार मोहित रैना। मोहितको नाम उनकी काकीले रोजेकी हुन्।बलिउड मन्त्रका अनुसार प्रियङ्कालाई पनि मोहितको नामले मोहित बनाएको जस्तो देखिएको छ।सन् २००० मा मिस इन्डिया र मिस वर्ल्ड जितेकी प्रियङ्का सन् २००२ मा फिल्म क्षेत्रमा प्रवेश गरेकी थिइन्। तमिल फिल्मबाट सुरु भएको उनको यात्रा अन्दाज फिल्म हिट नभएसम्म उल्लेखनीय भएन। त्यसपछि भने उनले निकै हिट फिल्महरु दिएकी छिन्।गत वर्ष उनले अंग्रेजी गीत पनि गाएकी थिइन्।टेलिभिजनमा पनि कलर्स टिभीको खतरोँका खेलाडी नामको कार्यक्रम उनले  होस्ट गरेकी थिइन्।