चैत्र ९ गतेबाट देशभरका हलमा प्रदर्शनमा आउन लागेको चलचित्र ‘भिजिलान्ते थ्रीडी’ अहिले चर्चामा छ । नेपालमा बनेको पहिलो थ्रीडी सिनेमा भएकाले पनि यसले चर्चा बटुलेको हो । विश्वका विभिन्न मुलुकका सिनेमाहरुलाई थ्रीडी प्रविधिमा हेर्दै आएका नेपाली दर्शकका लागि ‘भिजिलान्ते’ एउटा नयाँ स्वाद पनि हो ।दिपेन्द्र के खनालको निर्देशनमा तयार भएको सिनेमा भित्र प्रियंका कार्की, राज घिमिरे, दिपशिखा शाही, मेनुका प्रधान, शंकर आचार्य लगायतका कलाकारहरुको अभिनय छ । चलचित्रमा शान बस्नेतको कथा, पुरुषोत्तम प्रधानको स्टोरियोग्राफी, सूर्य थोकरको द्वन्द्व, भुपेन्द्र खड्काको गीत, सुरेश राइको संगीत समावेश छ ।चलचित्र क्यूएफक्स र एफक्युब लगायतका हलमा थ्री डी प्रविधिमा प्रदर्शनमा आउनेछ । सिनेमाले समाजमा रहेका कुरीति र दण्डहिनताका विषयलाई मनोवैज्ञानकि ढंगले प्रस्तुत गरेको छ । थ्रीडी प्रविधिका बिषयमा लामो समयको अध्ययन पश्चात मात्र सिनेमा निर्माण गरिएको निर्देशक खनालको भनाई छ ।