बिहीबार सम्म दैनिक ९ घण्टा लोडसेडिङ हुँदै आएकोमा अझै ३५ लाख युनिट विजुली आपूर्ति कम भएका कारण दैनिक ८ घण्टा कायमनै रहने प्राधिकरण प्रणाली सञ्चालन विभागका प्रबन्धक भुवनकुमार क्षेत्रीले जानकारी दिएको खबर आजको कारोबार दैनिकले छापेको छ ।

क्षेत्रीले दिएको जानकारी अनुसार दैनिक १ करोड ५२ लाख युनिट विद्युतको माग रहेको छ । औद्योगिक क्षेत्रमा पनि दैनिक १ घण्टा घटाएर लोडसेडिङको समय ११ घण्टा बनाएको छ । ७० प्रतिशत चुवाहट हुने ठाउँमा भने थप ५ घण्टा लोडसेडिङ हुने प्राधिकरणले जनाएको छ । प्रशारण प्रणालीबाट २७ प्रतिशत चुहावट हुने गरेको पनि उल्लेख गरिएको छ ।