नुवाकोटको समुन्द्रादेवीमा आयोजित कार्यकर्ता भेटघाट कार्यक्रममा नेता केसीले अहिले माओवादी नेतृत्वले दलहरुबीचको सहमतिको अपव्याख्या गर्न थालेको भन्दै काँग्रेस सहमतिबाट एक इन्च पनिपछि नहट्ने बताउनु भयो ।

पार्टीभित्र चरम असन्तुष्टि हुँदाहुँदै पनि काँगे्रस सम्झौता गरेको भन्दै उहाँले सहमति गरेर कार्यान्वयन नगर्ने माओवादी प्रवित्ति दोहोरिएका कारण संविधान निर्माणमा विश्वसनीय आधार समाप्त हुन थालेको बताउनुभयो । सहमतिको विश्वासिलो वातावरण निर्माणका लागि बाबुराम भट्टराई नेतृत्वको सरकारलाई राष्ट्रिय सहमतिको स्वरुप दिएपनि सहमति अनुसार कांग्रेस नेतृत्वको सरकाले मात्र संविधान जारी गर्नसक्ने उहाँले बताउनुभयो ।

कार्यक्रममा सभासद जगदीश्वरनरसिंह केसीले सरकारमा पार्टीको सहभागिताको सम्बन्धमा नेतृतवले पुनर्विचार गर्नुपर्ने बताउनुभयो ।