"बिन्दास" ६० लाखमा

गत भाद्र ८ गते देशभर एकसाथ प्रदर्शनमा आएको राजु गिरी निर्देशित फिल्म बिन्दासले व्यापारिक सफलता पाएको छ । चलिरहेका अन्य फिल्म भन्दा यो फिल्मले राम्रो व्यापार गरेको वितरक तथा हल सञ्चालक बताउँछन् ।
सिङगल स्क्रिन यो फिल्मको ओपनिङ कलेक्सन जसरी आक्रमक थियो त्यसपछिका दिनमा पनि बिजनेश खासै तल झरेन । रिलिजको पाँचौ दिनसम्म आईपुग्दा फिल्मले ६० लाखको व्यापार गरेको बताईएको छ । अझै पनि कतिपय सिङगल स्क्रिनमा फिल्म हाउसफुलका साथ चलिरहेको बुझ्नमा आएको छ । राजधानीको कलंकी हलका म्यानेजर मदनमान शाक्यले आजको दिनसम्म पनि फिल्ममा दर्शकको ओईरो लागेको बताए । उनले भने, 'अचम्म लागिरहेको छ दर्शक यसरी ओईरिएको देख्दा
हाम्रा चितवन सहकर्मी श्याम सुन्दर गिरीले दिएको जानकारी अनुसार सो स्थानमा पनि फिल्मको बिजनेश आक्रमक नै छ । धरान सहकर्मी अर्पण ढकालले ओपनिङ राम्रो गरेको र अहिलेको बिजनेश सन्तोषजनक रहेको बताए । फिल्मको बिजनेश देखेर अहिले निर्माण युनिट निकै हौसिएको छ । तर, समिक्षात्मक रूपमा फिल्मले राम्रो प्रशंशा भने पाउन सकेन ।
युवाहरूको अझ बिशेषगरी कलेज पढ्दै गरेका युवाहरूको सेक्स प्रतिको धारणा र विकृतीलाई कथानमा उतारिएको भनिएको फिल्म बिन्दासमा शुष्मा कार्की, शुशान्त कार्की, अशोक फुयाल र रोशनी घिमिरेको मुख्य अभिनय रहेको छ । फिल्ममा अर्जुन पोखरेलको संगीत सुन्न सकिनेछ । फिल्मलाई मधुकुमार श्रेष्ठ र राजु केसीले निर्माण गरेका हुन् ।




                                                                   

   filmykhabar.com

Labels: Letest news, नेपाली