अभिनेत्री सञ्चिता लुइँटेल अस्पतालमा भर्ना भएकी छन् । केही दिनअगाडि मात्र दोस्रो सन्तानका रूपमा एक छोरीलाई जन्म दिएर घर फर्केको केही दिन बित्न नपाउदै लुइँटेल फेरि अस्पतालमा भर्ना भएकी छन् । मंगलबार दिउँसो उच्च रक्तश्राव भएपछि उनलाई थापाथलीस्थित नर्भिक अस्पताल भर्ना गरिएको हो।गत भदौ ४ मा उनले छोरीलाई जन्म दिएकी थिइन्। उनी भदौ ८ मा नर्भिकबाट डिस्चार्ज भएकी थिइन्। 'दिउँसो एक्कासी उच्च रक्तश्राव भएपछि डा. ज्योति अग्रवालको क्लिनिकमा लग्यौँ। उहाँकै सुझावमा तत्काल आइसियुमा लग्यौं,' सञ्चिताकी बहिनी सिवानी लुइटेलले भनिन्। अलिअलि हुँदै दिदीलाई अत्यधिक रक्तश्राप भएकाले अस्पतालमा ल्याएको हो । ‘दिदीको अवस्था बिग्रिए पनि नौ दिनकी बच्चीको अवस्था भने सामान्य नै छ,’ बैनी शिवानीले भनिन् । सिजेरियन (अप्रेशन ) बाट बच्चालाई नौ दिनअगाडि जन्म दिएकी लुइँटेल को अप्रेशन मा डाक्टरको केही कमजोरीका कारण समान छुट्न गएकाले यो अवस्था आएको हुनसक्ने परिवारले अनुमान गरेको छ ।

                       अभिनेता निखिल उप्रेती बुधबार दिउँसो काठमाडौं आइपुगेका छन्। उनी कामको सिलसिलामा मुम्बईमा थिए। 'औषधी चलाइरहेको हुँदा हिजोको तुलनामा स्वास्थ्यमा केही सुधार भएको छ। तत्काल डिस्चार्ज हुने अवस्था छैन,'उनले भनिन्।