बागलुङ तथा गुल्मीका पत्रकार आन्दोलनमा ललितपुरका पत्रकारहरुले प्रधानमन्त्रीलाई टर्च लाइट उपहार

दैलेखका पत्रकार डेकेन्द्रराज थापाको हत्यामा संलग्नलाई छानविन गरी कारबाहीको  माग गर्दे बागलुङ तथा गुल्मीका पत्रकार आन्दोलनमा उत्रेका छन् । आज बागलुङका पत्रकारहरुले हातमा कालोपट्टी बाँधेर काम गरेका छन् भने गुल्मीका दिउँसो एक घण्टा चक्काजाम गरेर विरोध जनाएका छन् । पत्रकार हत्याका आरोपिलाई उचित कार्वाहीको माग गर्दै दवाव दिन भन्दैे  स्वतन्त्र प्रेस प्रतिको हस्तक्षेप भएको भन्दै विरोध स्वरुप एक दिनका लागि पत्रकारहरुले हातमा कालोेपट्टी बाँधेर काम गरेको युनियनका अध्यक्ष दिलिप पौडेलले बताउनुभयो ।ललितपुरमा पनि डेकेन्द्रराज थापा सहितका पत्रकारहरुका हत्यारालाई कारबाही गर्न माग गर्दै ललितपुरका पत्रकारहरुले प्रधानमन्त्रीलाई टर्च लाइट उपहार पठाएका छन् । नेपाल पत्रकार महासंघ ललितपुर शाखाले आज प्रमुख जिल्ला अधिकारी शशीशेखर श्रेष्ठमार्फत टर्चलाइट उपहार पठाएका हुन् । टर्चलाइट उपहार प्रदान गर्दै पत्रकार महासंघ ललितपुर शाखाका सदश्यहरुले प्रधानमन्त्री डाक्टर बाबुराम भट्टराईले पत्रकार डेकेन्द्रराज थापाका हत्यारालाई कार्वाहीमा सहयोग गर्नुको साटो प्रमाण लोप गर्न निर्देशन दिनु आपत्तिजनक भएको बताउनुभयो ।

Labels: Letest news, मुख्य समाचार, समाचार