नायिकाको जवानी देखाईएको हुन्छ धेरैजसो सिनेमामा ।दर्शक हलसम्म त्यही जवानी हेर्न  आउँछन् भन्ने सोचाईले होला, नायिकाहरु पनि खुलेरै कथाले मागेको भन्दै अंगप्रदर्शन गर्छन् ।तर, रामप्रसाद रिजालले निर्माण गरेको चलचित्र ‘धुवाँ यो नशा’ यो नशामा भने नायिका नभएर नायक नाङगिएका छन् । चलचित्रको एक दृश्यमा नायक आर्यन सिग्देल अन्डरवेयरमा मात्र देखिन्छन् । आर्यनलाई यसरी नङ्ग्याउनुको कारण खोज्नु त सिनेमा नै हेर्नुपर्ने हुन्छ । तर आर्यनको नङ्ग्याई हेर्दा लाग्छ अव नायिकाको हैन नायकको जवानी विक्न थालेको छ । भद्र २२ मा जसरी पनि सिनेमा रिलीज गराई छाड्ने भन्दै कम्मर कसेका निर्माता रामप्रसाद रिजाल अन्तत पछि सरेका छन् । चलचित्र अव कात्तिको ३ गतेबाट उपत्यका बाहीर र १० गते उपत्यकामा लाग्ने पक्का भएको छ ।भाद्र २२ सम्म सिनेमा नै तयार नहुने देखेपछि यसको निर्माणपक्ष पछि सरेको हो । चलचित्रको हाल धमाधम सम्पादन कार्य भईरहेको छ । लक्ष्मण रिजालले निर्देशन गरेको धुवा यो नशामा आर्यन सिग्देल र निशा अधिकारीको मुख्य भूमिका रहेको छ ।