यौन शोषण गरी गर्भपतन गराएको आरोपमा एक दम्पती पक्राउ
होटलमा काम गर्न राखिएकी एकजना बालिकालाई यौन शोषण गरी गर्भपतन गराएको आरोपमा इलामका एक दम्पती पक्राउ परेका छन् । मगरले आफ्नो होटलमा काम गर्ने मोरङको लामाटोलकी १६ वर्षीया बालिकालाई झापाको भद्रपुरस्थित ओमसाई पाथीभरा क्लिनिकमा लगेर आठ महिनाको अवैध गर्भपतन गराएको वताइएको छ । मोरङको लामाटोलकी १६ वर्षीया बालिकालाई दुई वर्षअघि आफ्नै होटलमा राखेका मगरले यौन शोषण गरेको छिमेकीले बताएका छन् ।
आठ महिनाको गर्भपतन गराएको आरोपमा इलाम गोदक-१ का टेकबहादुर मगर र उनकी श्रीमती चन्द्रकला मगरलाई प्रहरीले पक्राउ गरेको हो ।मगरले एक हजार रूपैंया मासिक तलब दिने शर्तमा बालिकालाई दुई वर्षअघि आफ्नै होटलमा राखेको भएपनि उनलाई तलब नदिई यौन शोषण मात्र गर्ने गरेको छिमेकीले बताएका छन् ।पीडित बालिकाले जिल्ला प्रहरी कार्यालयमा मगर विरूद्ध किटानी जाहेरी दिएकी छिन् ।
मगर दम्पतीले भने आफूहरुलाई झुटो आरोप लगाएर छिमेकीहरुले घरमा आगो लगाईदिने र मार्नेसम्मको धम्की दिएपछि सुरक्षा माग गर्दै प्रहरी समक्ष आएको बताए ।
Posts
0 comments