सरकारले उच्च प्राथमिकतामा राखेको काठमाडौँ-हेटौंडा सुरुङ मार्ग निमार्ण आगामी कात्तिकबाट सुरु हुने भएको छ ।

सरकारले निजी क्षेत्रलाई आयोजना निर्माणमा लागि अनुरोध गरेबमोजिम काम अगाडि बढाउन लागिएको हो । केही समय पहिले मात्रै आयोजनाको स्थलगत अध्ययन सम्पन्न भएको हो । काठमाडौँ, भिमफेदी, कुलेखानी, सिस्नेरी हुँदै मकवानपुरको हेटौंडा जोड्ने सुरुङमार्ग बनाउने काम आउँदो कात्तिकदेखि सुरु हुने नेपाल पूर्वाधार विकास कम्पनी लिमिटेडले जनाएको छ ।सरकारले सुरुङमार्ग निर्माण गर्न निजी क्षेत्रलाई जिम्मा दिएपछि नेपाल पूर्वाधार विकास कम्पनी लिमिटेडले काम सुरु गरेको हो । हेटौंडाबाट भिमफेदीसम्म २१ किलोमिटरको सडक, तीन किलोमिटरको सुरुङ र कुलेखानीबाट काठमाडौँसम्म २४ किलोमिटरको सडक निर्माण गर्न लागिएको कम्पनीका अध्यक्ष कुशकुमार जोशीले जानकारी दिनुभयो । अहिले काठमाडौँ, भिमफेदी, कुलेखानी हुँदै हेटौंडा पुग्ने सडक मार्ग करिब ८० किलोमिटर लामो छ भने सुरुङमार्ग निर्माण भइसकेपछि ४८ किलोमिटरमा झर्नेछ ।

          २० अर्बको लगानीमा निर्माण हुन लागेको सुरुङमार्ग निर्माणका लागि स्थानीय जनतालाई पनि निर्माणमा सहभागी गराउन सेयर जारी गरिने भएको छ । रासस

तीज विशेष कार्यक्रममा अतिथि बनेर पुगेका हमालले उपस्थित महिलाहरुसँगै कम्मर मर्काए र नाँचे । हमालसँग नाच्नका लागी महिलाहरुले पनि तछाडमछाड नै गरे। कार्यक्रमको सुरुवातदेखि नै विभिन्न गायक तथा गायीकाको भाकामा थपडी बजाउदै रमाएका हमालको मन थामिन सकेन ।अविवाहीत नायक राजेश हमाललाई यसपालीको तीज मझैले लागेको छ । आमा सरस्वती मुभिजले आयोजना गरेको तीज विशेष कार्यक्रममा हमाल कम्मर मकाई मकाई नाचेका हुन् ।


यसपछि स्टेजमा उक्लीएर उनले आफ्नो नृत्यको रहरलाई पुरा गरेका हुन् । कार्यक्रममा नायक राजेश हमालले आफ्नो विहे नहुनको कारण पनि खोले । उपस्थित महिलाहरुलाई दिदी बहिनी भनेर सम्बोधन गरेपछि उनले भने, पुर्वदेखि पश्चिमसम्मका सबै महिलाहरुलाई दिदी बहिनी भनेकै कारणले होला मेरो हालसम्म बिहे हुन नसकेको । तर हमालले बिहे कहिले हुन्छ भनेर कुनै मिति भने खुलाएनन् ।सुन्न मा आएको छ बैशाख मा राजेश हमाल को बिहे हुँदैछ रे शायद बिहे गर्न लगेको केटी लाई चाँही दिदिबहिनी भनेका रहिन्छन क्यारे राजेश हमालले | जे होस् शुभकामना छ  बिहेको .............









अन्लाईन खबर बाट लिइएको भिडियो.........

एक दिनका लागि प्रधानमन्त्री बन्ने अवसर पाए ? 

सबैभन्दा पहिला रातारात महँगिएको पेट्रोलको भाउ घटाउँथेँ । विस्तार भइरहेको सडक निर्माण कार्यलाई निरन्तरता दिन्थेँ । अनि, महिलाको हितमा काम गर्थें ।
आकाशबाट जून र तारा लिन आए कोसँग जानुहुन्छ ?
म जून र तारालाई छाडेर घामको प्रतीक्षामा रहन्थेँ । जबसम्म घाम आकाशबाट लिन आउँदैन त्यति बेलासम्म कुरेर बसिरहन्छु ।
एक जनालाई चन्द्रमामा लिएर जान पाए कसलाई लैजाने ?
चन्द्रमामा पहिल्यै पुगेर आएका स्व. निल आर्मस्ट्रङलाई लिएर जान्थेँ । उहाँलाई लिएर जाँदा चन्द्रयात्रा सार्थक हुन्छ जस्तो लाग्छ ।
चेपाङ समुदायको उत्थानका लागि सरकारले तपाईंलाई सद्भावनादूत बनायो भने ?
सबैभन्दा पहिला चेपाङ समुदायलाई शिक्षित बनाउन लागिपर्छु । उनीहरूको उत्थानमा सहयोग पुग्ने किसिमका फिल्म निर्माणमा लाग्छु ।
चेपाङ समुदायमा घुलमिल हुँदा त्यही समुदायका कुनै युवासँग मायाप्रीति बस्यो भने ?
मायामा कुनै सीमा हुँदैन । समाज र परिवारकै अगाडि चेपाङ समुदायका केटासँग विवाह गर्छु ।
यस वर्षको तीजमा शिवजस्तै वर पाए बिहे गर्ने ?
शिवजीजस्तै वर पाए त सोच्नै पर्ला । तर, घाँटीमा सर्प नबेर्ने, भाङधतुरो नखाने, बाघको छालामा नसुत्ने केटो हुन पर्‍यो, पक्कै बिहे गरिन्छ ।
विवाहपछि पतिले सेक्स सम्बन्ध राख्न मानेनन् भने नि ?
नो कमेन्ट †

http://www.souryadaily.com

 त्रिभुवन विश्वविद्यालय परीक्षा नियन्त्रण कार्यालय, बल्खुले व्यवस्थापन सङ्कायतर्फ प्रवीणता प्रमाणपत्र तह (आईकम) द्वितीय वर्षको परीक्षाफल प्रकाशित गरेको छ ।

परीक्षा २०६९ साल जेठ महिनामा भएको थियो । परीक्षा फल educationsansar.com ,tuexam.edu.np,  मा हेर्न सकिन्छ ।

                                महिलाहरूलाई पुरुष मिलनको रहर कुन बेला अधिक हुन्छ ? एउटा अध्ययनका अनुसार, महिनावारी पूरा भएको पाँचौंदेखि सातौं दिनसम्म । यो अवधिमा महिलालाई सहवासमा बढी आनन्द आउँछ । जर्मनीको युनिभर्सिटी अफ बेम्बर्गनका अनुसन्धाताहरू एक हजार युवा र युवतीमा सर्वेक्षणपछि उपयुक्त निष्कर्षमा पुगेका हुन् । सहभागीहरूलाई महिलासँग कुन समय यौनसम्बन्ध राख्दा उनीहरूलाई बढी आनन्द अनुभूति हुन्छ भन्नेबारे सोधिएको थियो । यौन विशेषज्ञहरूका अनुसार, महिनावारी पूरा भएको पाँचदेखि सात दिनसम्म यौनको 'मुड' मा बढी हुन्छ । महिनावारी पूरा भएपछि यौनका लागि उत्तेजित गर्ने हार्मोन सक्रिय हुन्छ । अनुसन्धाताहरूले त्यस अवधिमा युवतीहरूको मस्तिष्कको तरंगमा समेत निकै अध्ययन गरे । त्यस अनुसार, महिनावारीपछिको तीन दिनमा हुने सहवासले बढी रमाइलो अनुभूति दिन्छ । यस्तो किन हुन्छ, पाँचौंदेखि सातौं दिनसम्म गर्भाधारणको सम्भावना बढ्छ । यसैले यस अवधिमा सम्पर्कको तीव्र इच्छा जागृत हुन्छ । त्यो सर्वेक्षणमा युवतीहरूले महिनावारीपछिका तीन दिन पूर्ण यौनानन्दको चाहना राख्ने गरेको बताए । उनीहरूका अनुसार, त्यो बेला पाइने यौनानन्द अन्य दिनको दाँजोमा निकै सुखद, आह्लादक हुन्छ ।अध्ययनमा के पनि पाइयो भने, महिनैपिच्छे तीन दिन गरिने सहवासले वैवाहिक जीवनलाई बढी रमाइलो बनाउने रहेछ, दुवै पार्टनरबीच भविष्यमा यौनको विषयलाई लिएर दूरी पनि नबढ्ने रहेछ ।

ekantipur.com

११ शहरमा गरिने अडिसन दमक, ईलाम, धुलाबारी, बिराटनगरमा भईसकेको र धरानमा भईरहेको बताईएको छ । प्रतियोगिताको अडिसन असोज ३ गते नारायणगढ, ६ गते बुटवल, १४ र १५ गते पोखरा, १९ गते बनेपा र २३, २४ र २५ गते काठमाडौंमा हुने बजार व्यवस्थापक रुपाखेतीले जानकारी दिनुभयो । प्रथम चरणमा सहभागि करिब तीन जनामध्ये उत्कृष्टलाई काठमाडौंमा हुने प्रतिष्पर्धामा सहभागि गराईने रेड लाईट ईन्टरटेनमेन्टले जनाएको छ । प्रतियोगितामा प्रथमलाई नगद एक लाखसहित पाँच लाख बराबरको म्यूजिक एल्बम बनाउँने अबसर र फिल्ममा गित गाउने अबसर पाउँने छन् । त्यस्तै, दोश्रालाई ५० हजार, तेश्रालाई २५ हजारसहित फिल्ममा गित गाउने अबसर पाउँने बताईएको छ । प्रतियोगिताको उत्कृष्ट दशमा पर्न सफलहरुको म्यूजिक एल्बम र म्यूजिक भिडियो निर्माण गर्नेपनि बताईएको छ । पप गायक निमा रुम्बा, दिप श्रेष्ठ लगाएतले निर्णायकको भुमिका निर्बाह गर्ने प्रतियोगिता एनटिभी प्लसबाट प्रशारण गरिने बताईएको छ ।

nepalsambad.com

                            सरकारले ६० वर्ष उमेरमाथिका ज्येष्ठ नागरिकलाई सार्वजनिक सवारी र स्वास्थ्योपचारमा ५० प्रतिशत छुट दिने भएको छ । ज्येष्ठ नागरिक र सरकारबीच भदौ १२ गते भएको सहमतिअनुसार यस्तो व्यवस्था भएको हो । महिला, बालबालिका तथा समाज कल्याण मन्त्रालय र ज्येष्ठ नागरिकबीच भएको सहमतिमा स्वास्थ्योपचारका लागि ५० प्रतिशत र सार्वजनिक सवारीमा ५० प्रतिशत सहुलियत दिने उल्लेख छ । महिला मन्त्री बद्रीप्रसाद न्यौपानेले सहमतिअनुसार कानुनी व्यवस्थालाई एक महिनाभित्र कार्यान्वयन गर्ने बताए । ’सहमति कार्यान्वयन हुनेछ,’ उनले भने, ‘मन्त्रालयले एक महिनाभित्र अर्को समिति गठन गरेर थप अध्ययन गरी सहमति कार्यान्वयन गर्नेछ ।’ ज्येष्ठ नागरिकसम्बन्धी ऐन, २०६१ को ९ (२) मा सार्वजनिक सवारी र स्वास्थ्योपचारमा ५० प्रतिशत छुट दिनुपर्ने कानुनी व्यवस्था छ ।पत्रकार सम्मेलनमा पूर्वप्रधानमन्त्री लोकेन्द्रबहादुर चन्दले ऐन कार्यान्वयन गर्नु सरकारको दायित्व भएको बताए । ‘सबैले जीवनमा वृद्ध हुनुपर्छ,’ उनले भने, ‘यसले दीर्घकालीन रूपमा सबै व्यक्तिलाई फाइदा पुग्छ ।’ सर्वोच्च अदालतले ०६७ साल चैतमा ज्येष्ठ नागरिकलाई सुविधा दिन आदेश दिएको थियो । आदेश कार्यान्वयन नभएपछि ज्येष्ठ नागरिक आन्दोलनमा उत्रेका थिए । माग सुनुवाइ नगरे सार्वजनिक यातायातमा तालाबन्दी, अमरण अनशनलगायत आन्दोलन घोषणापछि सहमति भएको हो ।‘माग पूरा नगरे सबै खालका आन्दोलन गर्न तयार छौं,’ दिव्यश्वरी नागरिक समाजका अध्यक्ष दुर्गाप्रसाद घिमिरेले भने । सार्वजनिक सवारीमा महिला तथा अपांगका लागि सिट आरक्षण भए पनि ज्येष्ठ नागरिकका लागि त्यस्तो सुविधा छैन । सार्वजनिक सवारीसमेत ज्येष्ठ नागरिकमैत्री छैनन् । सहमति कार्यान्वयनका लागि भौतिक योजना, निर्माण तथा यातायात व्यवस्था मन्त्रालयले समेत सहमति जनाएको छ । उसले मातहतका निकायका लागि जारी गरेको परिपत्रमा ज्येष्ठ नागरिकलाई सवारीमा २ वटा सिट सुरक्षित गर्न निर्देशन दिएको छ । 

ekantipur.com