धु्रवे फेला नपरेपछि बर्दियाको प्राविधिक टोली फर्किए

चितवन निकुञ्ज आसपासमा आतंक मच्चाउँदै आएको धु्रवे नामको जंगली हात्ती फेला नपरेपछि बर्दियाको प्राविधिक टोली वुधवार फर्किएको छ । बर्दिया राष्ट्रिय निकुञ्जका सहायक संरक्षण अधिकृत रमेश थापा सहितको टोली फर्किएको हो । हात्ती नियन्त्रणमा झण्डै दुई दशक अनुभव प्राप्त थापा सहितको टोली पनि परिचालन हुँदा समेत धु्रवे फेला परेको छैन । जिपीएस जडित रेडियो कलरले पाँच सय मिटरसम्म मात्र थाहा पाउन सकिने भएपनि खराब मौसमले सिग्नल नआउने, फेला परिहालेपनि धु्रवे भाग्ने र निकुञ्जको बाक्लो झाडीका कारण धु्रबे मार्ने अभियान सफल हुन नसकेको थापाले जानकारी दिनुभयो । ध्रुवे मार्नका लागि अहिले ट्यापिङ्ग र सुटर सहित झण्डै १ सय ५० जना परिचालन गरिएको छ भने १५ वटा हात्तीको सहयोग लिइएको छ । अहिले पनि निकुञ्जको चुरे क्षेत्र, वनकट्टा, सुकेभार र टाईगर टप्स क्षेत्रमा ध्रुवे रहेको आशंका गरिएको छ

Labels: Letest news, भर्खरै, समाचार