चिनमा विश्वकै सबै भन्दा लामो तिब्र गतिको रेलमार्ग संचालन

चीनले विश्वकै सबैभन्दा लामो तिव्र गतिको रेलमार्ग औपचारिक रुपमा सन्चालनमा ल्याएको छ ।
राजधानी बेईजिङ्गबाट दक्षिण ब्यापारिक केन्द्र ग्वान्झाउ जोड्ने रेलमार्गमा वुधवार बिहान औपचारिक रुपमा पहिलो बुलेट रेल सन्चालन गरिएको छ । ३ सय किलोमिटर प्रतिघण्टाको दरले गुड्ने रेलमा २ हजार २ सय ९८ किलोमिटर लामो मार्ग ८ घण्टामै पुगिने चिनियाँ अधिकारीहरुले दावी गरेका छन् । यसअघि राजधानी बेईजिङ्ग देखि ग्वान्झाउ सम्मको दूरी पार गर्न २२ घण्टा लाग्ने गरेको थियो । विश्वकै सबैभन्दा लामो भनिएको रेल मार्गमा मुख्य शहरहरु वुहान र साङ्गसा समेत गरी ३५ वटा स्टप तोकिएका छन् । चिनियाँ अधिकारीले यो रेलमार्गलाई विश्वकै सर्वाधिक उच्च प्रविधीयुक्त भनेका छन् । चीनमा तिव्र गतिको रेल सेवा सन्जाल सन् २००७ मा शुरु भएकोमा सन् २०१० को अन्त्य सम्म ८ हजार ३ सय ८५ किलोमिटर क्षेत्र यो सन्जालमा जोडिएको छ । सन् २०२० सम्म यो क्षेत्र दोब्बर बनाउने अपेक्षा गरिएको छ । तिव्र गतिको रेल सेवा दिने नाममा सुरक्षामा ध्यान नदिएको भन्दै चिनले आन्तरिक आलोचना खेप्दै आएको छ ।

Labels: Letest news, World news, अन्तराष्ट्रिय समाचार, भर्खरै