भारतिय राष्ट्रपतिलाई नेपाल आउन राष्ट्रपति यादबको निम्तो

         भारतको पाँच दिने भ्रमणमा रहेका राष्ट्रपति डा रामबरण यादवले भारतीय राष्ट्रपति प्रणव मुखर्जीलाई नेपाल भ्रमणको निम्तो दिनु भएको छ । भारतका राष्ट्रपतिको निवासमा भएको दुई मुलुकका राष्ट्रपति विचको भेटवार्ताको क्रममा राष्ट्रपति यादवले मुखर्जीलाई नेपाल भ्रमणको निम्तो दिएको नयाँ दिल्लीमा रहेका पत्रकार ऋषि धमलाले जानकारी दिनुभयो । जवाफमा भारतीय राष्ट्रपतिलेसमय मिलाएर आफू नेपाल आउने जानकारी दिदै नेपाल भ्रमणमा आउन आफू उत्सुक भएको बताउनु भएको थियो । भेटवार्तामा भारतीय राष्ट्रपतिले नेपालको राजनीतिक गतिरोध लम्बिनुको कारण, सहमतिको अवस्था, निर्वाचन, नेपालको शान्ति र स्थायित्वको विषयमा जिज्ञासा राख्नुभएको थियो । उहाँले भारत शान्त र स्थीर नेपालको पक्षमा रहेको भन्दै सहमतिमा निर्वाचन हुनु पर्नेमा जोड दिनुभयो । जवाफमा राष्ट्रपति यादवले दलहरु सहमतिको नजिक रहेको निर्वाचनको विषयमा एक मत रहेको भन्दै छिट्टै सहमति बन्ने विश्वास ब्यक्त गर्नुभएको थियो । राष्ट्रपति यादवसँग वुधवार नै भारतीय काग्रेस आईका महामन्त्री जनार्दन द्विबेद्वीले समेत भेटवार्ता गरेर नेपालको राजनीतिक अवस्था, सहमति, निर्वाचन लगायतका विषयमा चासो राख्नुभएको छ ।

Labels: Letest news, समाचार