सूर्यास्तपछि र सूर्योदय अघि कुनै पनि महिलालाई हिरासतमा नराख्न प्रहरीलाई आदेश

भारतको मुम्बई उच्च अदालतले सूर्यास्तपछि र सूर्योदय अघि कुनै पनि महिलालाई गिरफ्तार नगर्न या हिरासतमा नराख्न प्रहरीलाई आदेश दिएको छ । सूर्यास्त पछि गैरकानूनी ढंगले गिरफ्तार गरी हिरासतमा राखिएको भन्दै एक महिलाले दायर गरेको रिटमा सुनुवाई गर्दै अदालतले यस्तो आदेश दिएको हो । अदालतले आदेश तत्काल कार्यान्वयनका लागि महाराष्ट्रका सबै प्रहरी चौकीमा निर्देशन दिन र एक हप्ता भित्र यससम्बन्धी आचार संहिता तयार गरी गर्न पनि आदेश दिएको छ ।
अदालतले आपराधिक गतिविधी संबन्धी ऐन अनिवार्य रुपमा पालन गर्न प्रहरीलाई आदेश दिएको छ, जस अनुसार कुनै पनि अपराधका लागि आरोपीत महिलालाई अत्यावश्यक मानिएको अवस्थामा बाहेक सूर्यास्त पछि या सूर्योदय अघि गिरफ्तार गर्न पाईदैन । त्यसरी गिरफ्तार गर्नुपर्नेमा न्यायिक अधिकारीको अनुमति लिनुपर्ने व्यवस्था छ ।

Labels: Letest news, World news, अन्तराष्ट्रिय समाचार