राप्रपा नेपालको रथयात्रा राजधानी आइपुग्यो

राप्रपा नेपालको रथयात्रा देशका विभिन्न भागको परिक्रमा गरि आज काठमाण्डु आइपुगेको छ ।  पुस २ गते जनकपुरबाट सुरु भएको रथयात्रा मकवानपुर, चितवन, लुम्बिनी, पोखरा हुँदै आज राजधानी आइपुगेको छ । अहिले राजधानीका विभिन्न ठाउँमा परिक्रमा गरिरहेको रथयात्रा औपचारिक रूपमा सकिने राप्रपा नेपालले जनाएको छ । आज राजधानीको खुलामन्चदेखि पशुपतिको वनकालीसम्म कलशयात्रा गरिने कार्यक्रम पनि रहेको छ । नेपाललाई हिन्दूराज्य घोषणा गर्नुपर्ने माग गर्दै राप्रपा नेपालले रथयात्रा सुरु गरेको हो । नेपाललाई धर्मनिरपेक्ष राज्य घोषणा गरेकोप्रति राप्रपा नेपालले सुरु देखि नै आपत्ति जनाउँदै आएको छ । 

Labels: Letest news, समाचार