"राउटे"लाई चाहि कम सम्झेको ?
कुनै पनि अक्षर चिन्न र लेख्न नसक्ने
राउटेहरुले राउटे उत्थान प्रतिष्ठानले तयार गरेको तीन बुँदे
ध्यानाकर्षणपत्र संविधानसभाका अध्यक्ष सुवास नेम्बाङलाई पठाएका छन् । सो
पत्र राउटेका मुखिया मैनबहादुर शाहीले इलाका प्रशासन कार्यालयका प्रमुख
यज्ञबहादुर बुढालाई बुझाएका थिए ।
ध्यानाकर्षणपत्रमा राउटेको मुख्य
जीविकोपार्जनको माध्यम जंगलभित्रैका प्राकृतिक स्रोत र साधन भएकाले
जस्तोसुकै संघीय संरचना भएपनि सहज उपभोग गर्न पाउनुपर्ने उल्लेख छ भने
संघीय संरचनाको कुनै सीमाले राउटेहरुलाई बाध्य नहुने उल्लेख गरिएको खबर
आजको नेपाल समाचारपत्रले छापेको छ ।
काठमाण्डौमा रहेको राउटे उत्थान मञ्चले
संविधानसभाका अध्यक्षलाई भेट्न जाँदा सभाध्यक्ष नेम्बाङले राउटेका
मुखियालाई टेलिफोन सम्पर्क गरी राउटेको अधिकारका बारेमा पनि संविधानमा
व्यवस्था गर्ने उल्लेख गर्नुभएको थियो ।
Posts
0 comments