पेट्रोलियम पद्धार्थको सहज आपूर्तिका लागि आयल निगमले तीन अर्ब रुपैयाँ मागेपछि सरकारले आधाभन्दा थोरै एक अर्ब ४० करोड रुपैयाँ ऋण यिदने निर्णय गरेको सूचना तथा सञ्चारमन्त्री राजकिशोर यादवले जानकारी दिनुभयो । आयल निगमले भारतीय आयल निगम आईओसी लाई तिर्नु पर्ने बक्यौता ३ अर्ब २० करोड रुपैयाँ पुगेपछि आइओसीले तेल आपूर्ति गर्न नसक्ने वताएको थियो ।

यसैवीच नेपाल आयल निगमले ऋण तिर्ने प्रतिबद्धता जनाएपछि हिजोदेखिनै पेट्रोलियम पदार्थको लोड हुन थालेको आयल निगमले जनाएको छ । आयल निगमले आजैदेखि पेट्रोलियम पदार्थ सहज हुने जनाएको छ । साँझ सम्ममा रक्सौलबाट चार लाख लिटर डिजेल र सोही परिमाणको पेट्रोल आउने भएकाले आपूर्ति सहज हुने कायम मुकायम निर्देशक सुरेश अग्रवालले बताउनुभयो ।

बक्यौता तिर्न उसले नागरिक लगानीकोषसँग १ अर्ब र कर्मचारी सञ्चयकोषसँग ६० करोड रुपैया ऋण लिन लागेको छ । डिजेल र खाना पकाउने ग्याँसमा सरकारले दिएको अनुदानका कारण गिनमलाई अहिले मासिक ७० करोड ४२ लाख घाटा छ ।